1 Mikoka 15:25 - Tonga Bible 1986

²⁵ Viyo Davidi, ndi ŵara ŵa ŵaYisraele, ndi ŵakulangula ŵa vikwi ŵanguruta kwachito bokosi la phanganu la Ambuya kutuwa ku nyumba yaku Obededomu ndi kukondwa.

1 Mikoka 15:25 Referans Kwoze

ŴaFilipi 4:4

Kondwere ni mu Mbuya nyengo zose; ndikambenge so, Kondwani.

ŴaFilipi 3:3

chifukwa ifwe te ŵamchinju ŵa uneneska wo mbakusopa Chiuta mu Mzimu, ndi mbakutumbwiya mwaku Kristu Yesu, ndi ŵambura kugomekezga mu liŵavu.

Mika 5:2

Kweni iwe, Betelehemu Efrata, wamweniwe we mumana kuŵa mukati mu mafumu ghaku Yuda, mwaku iwe mukawiyanga kutuwa kwaku ine wakuusa, mu Yisraele, mweniyo chandilu chake nchakali ukongwa, chituwa ku mazuŵa ghamwaka.

Ezra 6:16

Ndipo ŵaYisraele, ŵazukuru, ndi ŵaLevi ndi ŵanyake ŵa ŵamikoli wo ŵanguweko, ŵangupatuwa nyumba iyi yaku Chiuta ndi likondwa.

1 ŴaKaronga 8:1

Pavuli Solomoni wanguwunjika pamoza ŵara ŵaku Yisraele, ndi ŵarongozgi wose ŵa mafuku, ŵarongozgi ŵa nyumba za auskeu ŵa khamu laku Yisraele, paurongo pa karonga Solomoni mu Yerusalemu, kwachito bokosi la phanganu la Ambuya kutuwa mu msumba waku Davidi, wo ndi Zioni.

1 Samuele 22:7

Sono Sauli wangunena ndi ŵateŵeti ŵake, “Avwani, mwa ŵina Benjamini imwe; kumbi mwana waku Jese wangamupaskani mose imwe charu ndi minda ya mphereska, wangamumikani mose imwe kuŵa nduna za nkhondo zapa machumi pe chumi,

1 Samuele 10:19

Kweni pa nyengo yino imwe mwakana Chiuta winu, yo watimupozomoskani mu masoka ndi masuzgu ghinu; ndipo mwakamba kuti, ‘Awa! Timikiyeni karonga pachanya pidu.’ Viyo sono jiwoneskeni mwaŵeni panthazi pa Ambuya mu mafuku ghinu ndi mu unandi winu.”

1 Samuele 8:12

wakajisankhiyanga zinduna za nkhondo za vikwi ndi zinduna za machumi ghankhonde, ŵanyake kukulima ndi kuvuna vyakurgha vyake, kupanga vidya vyake vya nkhondo ndi vyakunozge magareta ghake.

Marangu 16:15

Mu mazuŵa ghankhonde ndi ghaŵi mukarghanga dghera la Ambuya Chiuta winu pa malo gho Ambuya akasankhanga, pakuti Ambuya Chiuta winu wakamutumbikaninga mu vispasi vinu vyose ndi mu nchitu yose ya manja ghinu, mwakuti mose mukakondwiyanga pamoza.

Marangu 16:11

Viyo mukakondwanga paurongo pa Ambuya Chiuta winu, imwe ndi mwana winu munthurumi ndi mwana winu munthukazi, muLevi yo wemu mizi yinu, mlendo wambura awiske, choko cho che mukati mwinu, pa malo gho Ambuya Chiuta winu wakasankhanga, kuti mudanepo zina lake.

Marangu 12:18

Kweni mukavirghanga panthazi pa Ambuya Chiuta winu mu malo ghenigho Ambuya Chiuta winu wakasankhanga, imwe ndi mwana winu munthurumi ndi mwana winu munthukazi, wanchitu winu munthurumi ndi wanchitu winu munthukazi, ndi muLevi yo we mukati mu mizi yinu. Ndipo mukakondwanga panthazi pa Ambuya Chiuta winu, po muchita milimu yinu yose.

Marangu 12:7

Kweniko ndiku mukarghiyanga pa nthazi pa Ambuya Chiuta winu, ndipo mukakondwanga, imwe ndi ŵamunyumba zinu wose, pakuchita vyose vyo Ambuya Chiuta winu wamatumbikani navyo.

Marangu 1:15

Viyo ndinguto ŵaraŵara ŵa mafuku ghinu, ŵazeru ndi ŵanjezga kuŵa ŵarongozgi ŵinu ŵa vikwi, ndi ŵa machumi pe chumi ndi machumi ghankhonde ndi ŵa machumi ndi ŵarongozgi ŵara wose mu mafuku ghinu.

Maŵerengedu 31:14

Ndipo Mosese wangukwiyiskika ndi zinduna za nkhondo, ŵachirongozgi ŵa vikwi ndi ŵachirongozgi ŵa machumi pe chumi, wo ŵanguwe ku nkhondo.

2 Mikoka 1:4

(Kweni Davidi wanguto bokosi laku Chiuta kutuwa ku Kiriati-Jearimu, ndi kuza nalo ku malo gho Davidi wangulilongosole, chifukwa wangulikhome hema mu Yerusalemu.)

2 Mikoka 5:2

Viyo Solomoni wanguwungang'a ŵaraŵara ŵaku Yisraele ndi ŵara wose ŵa mafuku, ndi wose ŵara ŵa nyumba za auskeu za ŵaYisraele ku Yerusalemu kwachito bokosi la phanganu la Ambuya, kulituzga mu msumba waku Davidi; wo ndi Zioni.