1 Mikoka 15:2 - Tonga Bible 1986

² Viyo Davidi wanguti, “Paulevi yumoza wakwene kupinga bokosi laku Chiuta, kweni ŵaLevi pe ndiwo ŵakalipenganga, chifukwa Ambuya akuŵasankha kupinga bokosi lawo ndi kuŵateŵete iwo muyaya.”

1 Mikoka 15:2 Referans Kwoze

Marangu 10:8

Pa nyengo yiya Ambuya angupatuwa fuku laku Levi kupinga bokosi la phanganu la Ambuya kuma pa nthazi pa Ambuya kumuteŵete, ndi kutumbika zina lake mpaka zuŵa lino.

Marangu 31:9

Ndipo Mosese wangulemba dangu ili ndi wangulipaska ku ŵazukuru, ŵana ŵa ŵaLevi, wo ŵanyamuwanga bokosi la chipanganu cha Ambuya, ndi ku ŵara wose ŵaku Yisraele.

Yoswa 6:6

Viyo Yoswa mwana waku Nuni wanguŵadana ŵazukuru wangunena nawo, “Nyamuwani bokosi la phanganu, ndipo ŵazukuru ŵankhonde ndi ŵaŵi ŵapinge mbata zinkhonde ndi ziŵi za masengwe gha ŵabira pa nthazi pa bokosi la Ambuya.”

Yoswa 3:3

ndipo ŵanguŵanene ŵanthu kuti, “Asani miwona bokosi la phanganu la Ambuya winu linyamulika ndi ŵazukuru ŵaLevi penipo ndipo mukasokanga mu malo ghinu kulirondo,

Yesaya 66:21

Ndipo ŵanyake ŵaku wo so ndikaŵatonga kuŵa ŵazukuru ndi ŵaLevi, atiti Ambuya.

2 Mikoka 35:3

Ndipo wanguti ku ŵaLevi wo ŵasambizganga Yisraele yose, wo ŵenga ŵakupaturikiya ku Ambuya, wanguti, “Ŵikani bokosi lakupaturika mu nyumba yo Solomoni mwana waku Davidi, karonga waku Yisraele wanguzenga; lireke kuŵa katundu pa maphewa ghinu sono. Sono tatariyani Ambuya Chiuta winu, ndi ŵanthu ŵake wose ŵaYisraele;

Maŵerengedu 7:9

Kweni ku ŵina Kohati kuti wangupaskako nanga nkhamoza cha, chifukwa nchakuti mlimu wawo wenga wa vyakupaturika vyo wanyamuwanga pa phewa.

2 Samuele 6:13

ndipo wakupinga Bokosi wanguti wendapo michapu yinkhonde ndi umoza, wanguchita sembe ya ng'ombe ndi kakututuŵa.

Chituwa 25:14

Ndipo mukaporoskanga vyakunyamuliya vyake mu mphete mu mphepete mwa bokosi, kunyamuliya bokosi ndi ivyo.

Maŵerengedu 3:6

“Uzi nalo pafupi fuko laku Levi, ndipo ŵarongo kwaku Aroni mzukuru, alinga kuti ŵamutataliyenge.

Maŵerengedu 3:9

Ndipo ukaperekanga ŵaLevi kwaku Aroni ndiku ŵana ŵake; mbakuperekeka mu manja ghawo kutuliya mu ŵaYisraele.