1 Mikoka 15:15 - Tonga Bible 1986

¹⁵ Ndipo ŵaLevi ŵangupinga bokosi laku Chiuta pa maphewa ghawo ndi minthambi nge ndimo Mosese wangulanguliya kwakuyana ndi mazu gha Ambuya.

1 Mikoka 15:15 Referans Kwoze

Maŵerengedu 4:15

Ndipo asani Aroni ndi ŵana ŵake ŵamara kuvunikiriya chihema chakupaturika, ndi vyakuteŵete vyose vyamu malo ghakupaturika, pa kusoka ugoŵi; pavuli pake, ŵana ŵaku Kohati ŵazenge kuzachinyamuwa ivi; kweni ŵareke kukwaska vinthu vyakupaturika, vinu ŵangafwa. Vinthu ivi ndivyo mphingu za ŵana ŵaku Kohati vyamu hema lakuwunganamo.

Maŵerengedu 7:9

Kweni ku ŵina Kohati kuti wangupaskako nanga nkhamoza cha, chifukwa nchakuti mlimu wawo wenga wa vyakupaturika vyo wanyamuwanga pa phewa.

2 Mikoka 5:9

Ndipo minthambi yenga yitaliko ndi kuti songo zawo zawonekanga kutuliya ku malo ghakupaturika paurongo pa malo ghakupaturika gha mukati; kweni kuti yawonekanga kubwalo cha, yekweniko mpaka zuŵa lino.

1 ŴaKaronga 8:8

Minthambi yenga yitali mwakuti songu zake zawonekanga mu malo ghatuŵa paurongo pa malo ghakupaturika gha mukati ukongwa; kweni kuti zawonekanga kubwalo cha, ndipo mpaka zuŵa lino yeche mwenimuwa.

Chituwa 40:20

Ndipo wanguto mya ya ukaboni ndi kuyiŵika mu bokosi, ndi wanguŵikapo vyakupingiya bokosi ndi wangumika chitengo cha lisungu pachanya pa bokosi;

2 Samuele 6:13

ndipo wakupinga Bokosi wanguti wendapo michapu yinkhonde ndi umoza, wanguchita sembe ya ng'ombe ndi kakututuŵa.

1 Mikoka 13:10

Ndipo ukale wa Ambuya ungukole paku Uza, ŵangumkoso chifukwa wangukwaska bokosi ndi janja lake, ndi wangufwiya penipa paurongo paku Chiuta.

Marangu 10:8

Pa nyengo yiya Ambuya angupatuwa fuku laku Levi kupinga bokosi la phanganu la Ambuya kuma pa nthazi pa Ambuya kumuteŵete, ndi kutumbika zina lake mpaka zuŵa lino.

2 Samuele 6:12

Ndipo kungukambika kwaku Davidi karonga kuti, “Ambuya atumbika nyumba yaku Obededomu, ndi vyose vyo wenavyo, chifukwa cha Bokosi laku Chiuta.” Sono Davidi wanguruta kwachito Bokosi laku Chiuta ku nyumba yaku Obededomu wanguza nalo mu muzi wake ndi kukondwere;