1 Mikoka 14:1 - Tonga Bible 1986

¹ Hiramu karonga wa Turo wangutuma mathenga kwaku Davidi, ndi miti ya milanji, ŵakusema mya ndi miti kwachimzenge nyumba.

1 Mikoka 14:1 Referans Kwoze

Ezra 3:7

Viyo ŵangupereka ndrama ku ŵakusema mya, ndi ku ŵakuŵaja miti, ndi so vyakurgha ndi vyakumwa, ndi mafuta ku ŵaSidoni ndi ŵaTuro, kuti ŵazenge ndi miti ya milanji kutuwa ku Lebanoni kuzachidula ku nyanja ku Yopa, kuyana ndi vyo Sirusi waku Perese wanguŵapaska.

2 Mikoka 2:3

Solomoni wangutuma mazu kwaku Hiramu, karonga waku Turo kuti, “Nge ndimo munguchitiya ndi Davidi ada ndi kuŵatumiya miti ya milanji yakuzenge myumba yawo yakujamo, viyo ndimo muchitiye ndi ine.

1 Mikoka 22:2

Davidi wangulangula kuti wawungange pamoza ŵalendo wo ŵenga mu charu cha Yisraele, ndipo wanguŵika ŵakusema mya yakuzenge nyumba yaku Chiuta.

1 Mikoka 17:1

Ndipo Davidi wachija mu nyumba yake, wanguti kwaku Natani mchimi, “Wona ine ndija mu nyumba yakuzengeka ndi miti ya milanji, kweni bokosi la phanganu la Ambuya lemu hema.”

1 ŴaKaronga 5:18

Viyo ŵakuzenga ŵaku Solomoni ndi ŵakuzenga ŵaku Hiramu ndi ŵanthu ŵaku Gebali ŵanguswa ndi ŵangurongoso miti ndi mya yikuzenge nyumba.

1 ŴaKaronga 5:6

Chifukwa ichi, langulani kuti ŵanditeme milanje yaku Lebanoni; ndipo ŵaŵanda ŵangu ŵazamsere pa ŵaŵanda ŵinu, ndipo ine ndikulipileninge chifukwa cha ŵaŵanda ŵinu mitengo yo imwe mutemenge; pakuti muziŵa kuti mulivi nanga njumoza mukati mwidu yo waziŵa kudunuwa mathabwa nge mba Sidoni.”

1 ŴaKaronga 5:1

Sono Hiramu karonga wa Turo wangutuma ŵateŵeti ŵake kwaku Solomoni, wanguti wavwa wapakika kuŵa karonga mu malo gha awiske; chifukwa Hiramu nyengo zose wangwanja Davidi.

2 Samuele 7:2

karonga wangunena ndi Natani mchimi, “Awona sono ine ndija mu nyumba ya miti ya milanji kweni Bokosi la Ambuya lija mu hema.”

1 Mikoka 14:2

Ndipo Davidi wanguteska kuti Ambuya angumukhozga kuŵa karonga wa ŵaYisraele, ndi kuti ufumu wake ungukuwa ukongwa chifukwa cha ŵanthu ŵake ŵaYisraele.

1 ŴaKaronga 5:15

Solomoni wanguŵa so ndi vikwi machumi ghankhonde ndi ghaŵi (70,000) ŵanthu ŵakupinga katundu, ndi vikwi machumi ghankhonde ndi ghatatu (80,000) ŵanthu ŵakuswa mya mu mapiri.

2 Mikoka 2:2

Ndipo Solomoni wangulemba ŵanthu vikwi machumi ghankhonde ndi ghaŵi (70,000) ŵakupinga katundu, ndi vikwi machumi ghankhonde ndi ghatatu (80,000) kukumba mya mu mapiri, ndi vikwi vitatu pachanya machumi pe chumi ghankhonde ndi limoza (3,600) kuŵa ŵakulereska ŵanchitu.