1 Mikoka 12:40 - Tonga Bible 1986

⁴⁰ Ndipo ŵanase ŵawo kutuwa ku Isakara, Zebuluni, ndi Naftali ŵanguza ndi vyakurgha pa mbunda ndi pa ŵagamila ndi pa nyulu ndi pa ng'ombe, ufwa, nkhuyu mphereska, vinyu, mafuta, ng'ombe zinthurumi, ndi mberere zinandi; mwenga likondwa likuru mu Yisraele.

1 Mikoka 12:40 Referans Kwoze

1 Samuele 25:18

Penipo Abigaili wangutinthimika, wanguto viŵande machumi pe chumi ghaŵi (200) mathumba gha vinyo ghaŵi, mberere zinkhonde zakubayiya limu, myeso yinkhonde ya trigu wakukazinga, makhoroza machumi pe chumi (100) gha mphereska za kumira, ndi maburunga machumi pe chumi ghaŵi (200) gha nkhuyu, wanguviŵika pa zimbunda.

2 Samuele 16:1

Penipo Davidi wangujumpha pachanya pa phiri kamanavi, Ziba munyamata waku Mefiboshete wangukumana nayo, wenga ndi mbunda ziŵi zakuŵa ndivyakujapo vyake, zingupinga maburunga gha viŵande machumi pe chumi ghaŵi (200), makhoroza gha mphereska za kumira machumi pe chumi (100) vipasi vya chihanya machumi pe chumi (100), ndi thumba la chikopa lakuzaza vinyo.

Nthanthi 29:2

Penipo ŵarunji ŵemu mtufu, ŵanthu ŵakondwere; kweni asani ŵamphulupulu ŵateruzga ŵanthu ŵatamantha.

Nthanthi 11:10

Asani vinthu vyose vituŵa umampha ndi murunji msumba ukondwa; ndipo asani wamphulupulu wafwa patuŵa chiwawa chakukondwa.

2 ŴaKaronga 11:20

Viyo ŵanthu wose ŵangukondwere, ndipo msumba wenga yi pavuli wati wabayika Ataliya ndi lipanga pa nyumba ya karonga.

1 ŴaKaronga 1:40

Ndipo ŵanthu wose ŵangumurondo kuvuli, ŵambanga ŵafyolilo, ŵakamburanga ndi kukondwa kukuru, mwakuti pa chifukwa cha kaphomezi kawo charu chingusweka pakati.

1 Mikoka 12:39

Ŵanguja kuwa ndi Davidi mazuŵa ghatatu, kurgha ndi kumwa chifukwa ŵabali ŵawo ŵanguŵalongosole ukongwa.

1 Mikoka 13:1

Ndipo Davidi wakambiskananga ndi ŵarongozgi ŵa vikwi ndi ŵa machumi, ndi ŵarongozgi wose.

Hoseya 3:1

Ndipo Ambuya anguti kwaku ine, “Kanga so, ndi umwanje muwoli wako wakwanjika ndi bwezi lake, ndipo ndi mureŵi; nge ndimo Ambuya atanjiya ŵaYisraele, chingana iwo ŵagarukiya ku ŵachiuta ŵanyake ndi kwanja maburunga gha mphereska zakumira.”

1 Mikoka 29:22

ŵangurgha ndi ŵangumwa pa maso pa Ambuya ndi likondwa likuru pa zuŵa liya. Ndipo pa zuŵa la chiŵi, ŵangumumika Solomoni mwana wa karonga Davidi, ndipo ŵangumtukutizga mafuta nge ndi karonga wa Ambuya, ndipo Zadoki nge mzukuru.