Yuanis 6:52 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

⁵² Mudodoowaa ya sono lobuw Yaudi ri nu norongou tinangar ni Yisus nu, “Onu koo ka Iyo potaak nu koyuwan Niyo no okanon toko?” koo nosiro.

Yuanis 6:52 Referans Kwoze

Yuanis 10:19

Pagka minutangar si Yisus soko iri, musosongkiwalo yo sono lobuw Yaudi ri.

Yuanis 9:16

Mutongaro yo tinu-tinu lobuw Parisi ri nu, “Dai mupatut nu ungkiat so Kinoringan lobuw oono, so' dai Iyo mongowaid nu ukum suat so Runat Pongintoronan,” koo. Nga mutongaro yo lobuw iiri nu, “Bang lobuw kikoraayan, dai kopomaal nu koiran-iran soko ono,” koo. Minupipinig sono nosiro.

Yuanis 6:41

Tumimpuun-o sono lobuw Yaudi ri murung-burung mutangar nu oraai suat so si Yisus so' minutangar Iyo nu, “Aku yo su ingkookan minuntiba kiat so surga,” koo.

1 Kurintus 2:14

Nga iri lobuw dai kinuasa nu Atod nu Kinoringan-i, dai koorati nu onu yo po niintolang nu Atod oono, so' ono yo po soko kolowong so nosiro. Dai koorati nosiro nu ono, so' d'ado ido ya koorati ong dai ya tobangon nu Atod nu Kinoringan.

Pinongoorapan 17:32

Norongou-o po nu lobuw-i nu oluli'an lobuw minatoi, oyak-oyaki yo sono nosiro si Paulus, nga wokon-i minutangar nu, “Moingin kai po ong mutangar ko koimbagu nu ono,” koo.

Yuanis 4:11

Mutongaro yo woinoi-i nu, “Oo Tuan, d'ado ponuuk Mu nu sungoi-o, om olalom porigi iitu. Siombo ka pongolapan Mu nu sungoi koponaak nu kowiawan kuanon Mu no?

Yuanis 3:9

Mongoduato po si Nikudimus nu, “Onu koo ka otuman ono?” koo.

Yuanis 3:4

Mongoduato yo si Nikudimus nu, “Onu koo po ka lobuw otuo no yo puonakon koimbagu? Kopululi' po ka so pogonakan nu ino niyo om puonakon po?” koo.

Yuanis 1:19

Minonuu' lobuw Yaudi kiat so Yirusalim nu imam om lobuw Liwi ri mongoduat so si Yuanis nu, “Isai ko ka itu?” koo.

Yuanis 6:60

Norongou-o po nu mompomaid ni Yisus totongaron Niyo iiri, mutongaro yo nosiro nu, “Orogon sobana pontudukan Niyo no. Isai ka su koorati nu ono?” koo.