Yuanis 17:2 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

² Pinopogkuasa Mu yo Aku su' koponaak Aku nu kowiawan musingkolaid so lobuw nitaak Mu so Aku no.

Yuanis 17:2 Referans Kwoze

Yuanis 6:39

Itu yo koinginan Niyo, ono yo subai d'ado ido oliong so kiawi' lobuw nitaak Niyo so Aku no, ala' nai' luli'an Ku nosiro ong pongoowi'an-o nu wonuo tu.

Yuanis 6:37

Kiawi' lobuw nitaak ni Amo Ku so Aku no, nosiro yo su poimaid so Aku, om isai poimaid, torima'on Ku ya.

Yuanis 17:24

Oo Amo, moingin Aku ong kiawi' lobuw nitaak Mu so Aku no koido so Aku nu kopolakan ong wagu, su' kosiou nosiro nu koorumatan nitaak Mu so Aku no, so' d'ado po wonuo tu ri, sinomodan Mu yo Aku.

Matius 28:18

Mobio yo sono si Yisus dii so nosiro om mutongaro yo nu, “Tinaakan Aku nu kopogboya'an nu onu-onu ya so riniba tu om so surga.

1 Yuanis 5:20

Om noilaan toko nu nokologa' yo Anak nu Kinoringan poorati so toko, su' kotondu' toko nu Kinoringan obana. Nokoido yo kowiawan toko so Iyo om nokoido toko yo so Anak Niyo si Yisus Kristus. Iyo yo su Kinoringan obana, om Iyo yo su impuunon nu kowiawan musingkolaid.

Yuanis 17:9

Mogdu'a Aku suat so nosiro. Dai Aku ya mogdu'a suat so lobuw dai poimaid so Ikau, sondiang ko suat so lobuw nitaak Mu s'Aku no, so' nosiro yo su songapan Mu.

Yuanis 17:6

Sumunduro po si Yisus mogdu'a nu, “Niintolang Ku yo so lobuw nitaak Mu so Aku no ong isai Ko. Nosiro yo po songapan Mu om nitaak Mu yo nosiro s'Aku, om inimaid-o nosiro tinongaran Mu no.

Yuanis 4:14

Nga isai monginum nu sungoi nitaak Ku no, dai yo lugangon musingkolaid. Sungoi nitaak Ku oono musiliw nu impuunon nu sungoi so koyuwan niyo, koponaak nu kowiawan musingkolaid,” koo.

Yuanis 3:35

Osamod Amo so surga so Aku, Anak Niyo no, om nikomouli' Niyo onu-onu ya so Aku nu nipogkuasa.

1 Yuanis 2:25

Itu yo su nijanji ni Kristus kondiri so toko, ono yo kowiawan musingkolaid.

1 Pitrus 3:22

om nokoindakod-o so surga. Kosiono mogkuasa Iyo maid so Kinoringan nu kiawi' susuu'on om kiawi' kikopogboya'an om kikuasa dii.

Ibrani 1:2

Nga ono sono tu, iya so pongoowi'an, minutangar Kinoringan so Anak Niyo ri, om nilombus so toko. Om Anak Niyo oono yo su sinuu' nu Kinoringan mongurug nu wonuo tu om kiawi' asuw-o. Om Anak Niyo oono yo su tinantu nu Kinoringan nu monongapan nu kiawi' so wonuo tu.

Matius 11:27

Mutongaro po si Yisus nu, “Kiawi' nga nitaak-o ni Amo Ku so Aku, om d'ado ido kotondu' so Aku sondiang ko Amo Ku. Om d'ado ido kotondu' nu Amo ku sondiang ko Aku om lobuw pointolangan Niyo no.

Yudas 1:21

Sundur kou yo miau maid so samod nu Kinoringan nu laid muyu mongimat nu kologa'an ni Yisus Kristus, Tuhan toko, iri monaak so kou nu kowiawan musingkolaid-i.

1 Yuanis 1:2

Nokointolang-o Iyo so wonuo tu om nosiou mai yo. Ono yo ko' niabar mai so kou suat so si Kristus. Om Iyo yo su Tinongaran kowiau musingkolaid, nokoido so Kinoringan, Amo Niyo om nokointolang-o tuui so toko.

1 Timutius 1:16

Nga pagka osuang sobana koraayan ku, ono yo ko' linuluudan aku nu Kinoringan, tayon Niyo ong kointolang so lobuw kootaan nu inawo ni Yisus Kristus, mongidu' nu koraayan suang ku ri. Winaal Niyo soko ono tayon Niyo ong ourug aku nu insuwon nu lobuw moingin poimaid so Iyo ong wagu, om kikowiawan sono nu obana om musingkolaid.

Pilipi 2:10

Om kiawi' piningwaalan so surga om so wonuo tu, om so konomotayan, mongusaa' so si Yisus, nu pongorumat so Iyo.

Ipisus 1:20

pinongoluli' Niyo so si Kristus kiat so pinotoyan, om popangkat sono so Iyo mogom so umpak wanan Niyo maid so Iyo mogkuasa so surga.

1 Kurintus 15:25

Subai si Kristus-o su mogkuasa musingkodoog nu Kinoringan nu kiawi' alod-alod Niyo.

Ruum 6:23

Bang kuwai lobuw pokomouli' nu kowiawan niyo sampai kuosaan iyo nu oraai, koompusan kopotoyan orawu' so Kinoringan musingkolaid. Nga ong lobuw poimaid so si Yisus Kristus, Tuhan toko, taakan nu Kinoringan nu kowiawan musingkolaid maid so Iyo.

Lagu 110:1

Minutangar Kinoringan TUHAN so raja ku nu, “Ogom-o umpak so wanan Ku mogkuasa, om kiawi' alod-alod mu ipodoog Ku so ikau,” koo.

Yuanis 6:27

Ikod kou yo pogkari'-kari' modium nu ingkookan nu osikap-a munos, nga pogkari'-kari' kou yo modium nu ingkookan dai munos om koponaak nu kowiawan obana om musingkolaid. Aku, Anak nu Riniba su monaak nu ingkookan oono so kou, so' tinaakan Aku nu Kinoringan nu kuasa monaak nu kowiawan oono,” koo.

Matius 25:46

Ongo lobuw oono ukumon nu ukuman musingkolaid, nga ongo lobuw mongowaid nu koinginan nu Kinoringan, koirasa nu kowiawan osanang musingkolaid,” koo si Yisus.