Yuanis 17:10 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

¹⁰ Kiawi' nosongapan Ku no nga songapan Mu ya, om kiawi' nosongapan Mu no, songapan Ku ya. Kogoyaan nosiro no yo su pointolang nu kobontugan Ku no.

Yuanis 17:10 Referans Kwoze

Yuanis 10:30

Si Amo om Aku, ido-ido ya,” koo.

1 Pitrus 2:9

Nga suat so kou, kou yo su bansa pinili' nu Kinoringan. Kou yo su inurug nu soko puimpugan nu imam mugogoma'on so Kinoringan, Raja toko. Kou yo su puimpugan pinotondiang Niyo suat so Iyo. Kou yo su nosongapan nu Kinoringan. Pinili' kou yo paabar nu waalon Niyo ongo wowarong. Iyo yo su nopolabus so kou kiat so kotuongan om poian so koonawau Niyo, nu dai odapat potarang ong ontob-a nu totongaron.

2 Tisalunika 1:10

Ourug ono ong kologa'an-o Niyo koimbagu. Tomod-o po Niyo mululi' so wonuo tu, tayon ong royowon om bontugon Iyo nu kiawi' lobuw poimaid so Iyo, om kou nga kowaid-a so nosiro, so' nopoimaid kou yo nu pontudukan mai so kou ri.

Kulusi 2:9

Ingato muyu yo nu dai kou maid nu pontudukan oono, so' laid nu miau po si Kristus so wonuo tu ri, d'ado muad kopusondiangan Niyo om Kinoringan.

2 Tisalunika 1:12

Soko ono po, orayou muyu sono si Tuhan Yisus Kristus, om kou nga royowon-a Niyo maid so koworongan nu Kinoringan toko om si Tuhan Yisus Kristus.

Pilipi 1:20

Ono yo su sobana ko koinginan om orapan ku, dai su kopomaal nu onu-onu ya koiyu'-iyu' so gogoma'on ku, ala' nai' runat-runat, om makin po nu ono sono tu opogi aku sobana, sampai kiawi' totongaron om gogoma'on ku kopongobantug so si Kristus, nu miau aku po intawa matoi aku yo.

Pinongoorapan 19:17

Kiawi' lobuw Yaudi om bansa wokon iri minogol so Ipisus nokorongou-a nu iri om songlaa'-laa' sono, om sumundur nai' royowon ngaran ni Tuhan Yisus.

Yuanis 11:4

Norongou-o po Niyo abar iiri, mutongaro yo Iyo nu, “Dai ya kopatoi so iyo osakit oono, nga tomod-o po nu ono pobantug nu Kinoringan, om Aku, Anak Niyo nga kobantug-a,” koo.

Yuanis 5:23

Waalon Niyo soko ono tayon Niyo ong kiawi' lobuw mongorumat so Aku, soko poongorumat nosiro so Iyo. Isai dai mongorumat so Aku, dai ya mongorumat so Iyo, ono minonuu' so Aku no.

Galatia 1:24

Nadi minongorayou sono nosiro nu Kinoringan suat so aku.

Yuanis 12:23

Mutongaro yo si Yisus so nosiro nu, “Nologa' yo pongobontugan so Aku, Anak nu Riniba.