Pontudukan 19:7 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

⁷ Bang bisigon lobuw omiskin nu kosusulodan niyo, makin po ong una'-una' ya niyo no mongobisig-a so iyo. Onu koo pona gama' niyo, dai ya niyo olimuukan nosiro.

Pontudukan 19:7 Referans Kwoze

Pontudukan 19:4

Lobuw okaya rumuang kouna'an, nga lobuw omiskin laiwan nu una'-una'.

Pontudukan 21:13

Bang dai mu rongowon tangi' nu lobuw omiskin mokiponobangon, dai ko ya rongowon ong ikau-o su mokiponobangon.

Pontudukan 18:23

Lobuw omiskin mokiluluud, nga longasan nai' iyo nu lobuw okaya.

Lagu 38:11

Pagka kinurison aku, kouna'an om ombaloi ku dai sono moingin rumani s'aku. Insan suku-sakat ku no ya, dai ya moingin rumani s'aku.

Yakubus 2:6

Nga, rogam-rogamon muyu nai' lobuw omiskin, ombo pala su ono yo lobuw doyaan-o su mongoraai-raai om mongowit so kou so pongobisora'an.

Pontudukan 14:20

D'ado lobuw mokimuuna'-una' nu lobuw omiskin pudi ombaloi ya niyo no, nga bang lobuw okaya no osuang una'-una'.

Lagu 88:18

Insan una'-una' ku ri nga pinorawu' Mu kiat s'aku, om d'ado yo sono una' ku sondiang ko kotuongan.

Lagu 88:8

Pinolaiw Mu kouna'an ku kiat s'aku, om inurug Mu aku nu koosaiman nosiro. Nokurung aku om dai yo sono kolabus.

Pontudukan 10:15

Kokoyaan-o yo su mongingolig nu lobuw okaya, nga koomiskin-o yo su momatoi nu lobuw omiskin.

Lagu 38:12

Lobuw mokipopomatoi s'aku ri nopotaan nu tawos ponawos s'aku. Om lobuw monginsosona s'aku ri mongindolaa' s'aku nu padu-padu nosiro. D'ado pupus nosiro muupakat mongolawan s'aku.

Pontudukan 27:10

Kodi yo lupai una'-una' mu intawa una'-una' nu amo mu. Adang-o mokitabang so kosusulodan mu ong kikoogutan ko. Owarong po mokitabang so ombaloi mu ko' kosulodan mu so dirawu'.