5 Lobuw obana waid-waidon nu kootulid nu inawo, nga lobuw oraai ogupol nu koowogat nu koraayan niyo.
Koraayan-o yo po soko tawos, kosulungan nu lobuw momaal nu ono.
Lobuw owarong, waid-waidon nu kootulid nu inawo niyo, nga lobuw moomudut oraag nu poomudut niyo.
Ondomo yo TUHAN so onu-onu ya goma'on mu, om tudukan ko ya Niyo nu gama' miau musuat so koinginan Niyo.
D'ado lobuw ointogapan nu koraayan, nga iri yo po lobuw obana, otagap sobana om dai oguyu'.
Lobuw oraai dai oiyu'an, nga lobuw obana okimat momaal nu onu yo po.
Lobuw-o po soko ono, modium nu lobuw potoyon, nga nosiro ya kondiri su opatoi. Mongibon nosiro nu lobuw ado sala', nga nosiro ya kondiri su oibonan.
Ono yo inawo otulid-o su koingolig nu lobuw d'ado kosola'an, nga koraayan-o yo su koraag nu lobuw oraai.
Lobuw oraai opatoi nu gogoma'on niyo oraai, nga lobuw owarong miau om kuwai pokiingoligan ong matoi iyo.
Koduung odoput ko, siombo-ombo nga aagut ko dadan, nga bang owarong kogoyaan mu dai ko kolalag nu kosusaan.
Lobuw otulid inawo osapul, nga oraag ong lobuw mongaakal.