Pinongurugan 31:34 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

³⁴ Laid ni Laban mongimpa' nu bosalag ni Yakub om ni Lia, inalap ni Rahil tinindobuw-i om niasuw niyo so juli nilokop so unta niyo ri, om inogoman sono. Diumo yo sono ni Laban tinindobuw iiri so bosalag ni Rahil nga dai ya nooyangan.

Pinongurugan 31:34 Referans Kwoze

Pinongurugan 31:19

Iya oono dii-dii si Laban so umo mongoburut nu dumba niyo ri. Laid niyo so umo, tokowo yo sono ni Rahil tinindobuw moongingolig nu anak sawo, songapan ni apa niyo.

Pinongurugan 31:17

Murigap-rigapo yo sono si Yakub muli' so inungkiaton niyo so Kanaan. Sokoyi yo niyo anak sawo niyo ri so unta ri, om lulungo yo niyo baanan nu dumba, iri naalap niyo so Misuputamia ri maid nu kiawi' songapan niyo.

Pinongurugan 31:33

Mosuwo yo sono si Laban so bosalag ni Yakub om diumo yo. Noopod-o po, miano yo iyo so bosalag ni Lia om so bosalag nu kiduo uripon nu woinoi oono, nga dai ya nooyangan. Mosuwo yo sono iyo so bosalag ni Rahil.

Pinongurugan 31:35

Mutongaro yo sono si Rahil so amo niyo ri nu, “Ikod-o kiungot so aku. Dai su koundii so tiningkuangon mu so' wulanon aku,” koo. Dinium sobana ni Laban tinindobuw iiri, nga dai ya nooyangan.