Pinongoorapan 24:15 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

¹⁵ Muinong-a so nosiro, nu aku nga umarap-a so Kinoringan nu, kiawi' lobuw, oraai owarong oluli'an ong matoi.

Pinongoorapan 24:15 Referans Kwoze

Pinointolang 20:6

Osanang-o om borokatan-o lobuw minatoi kowaid oluli'an iya nu pongoluli'an togna no. Dai yo sono okuasa nosiro nu kopotoyan koinduo. Nga ourug nosiro nu lobuw mugogoma'on suat so Kinoringan om so si Kristus om maid nosiro mogkuasa solaid oribu toun.

Pilipi 3:21

Kologa' yo po Iyo, pindaan sono Niyo koyuwan toko iri musuat so wonuo tu om matoi, nu poinongon nu koyuwan Niyo kondiri nu sobana ko obantug om musuat so surga. Owaal Niyo soko ono momakai nu kuasa maayo Niyo, so' kopogkuasa Iyo nu onu yo po.

Pinongoorapan 24:21

Ido-ido ya su kaabar nosiro so ikau, iri niluap ku so tiningkuang nosiro ri nu, ‘Bisora'on aku nu runat iitu so' poimaid aku nu oluli'an lobuw minatoi,’ k'aku ri,” koo si Paulus.

Matius 25:46

Ongo lobuw oono ukumon nu ukuman musingkolaid, nga ongo lobuw mongowaid nu koinginan nu Kinoringan, koirasa nu kowiawan osanang musingkolaid,” koo si Yisus.

Lukas 14:14

Bang soko ono waalon mu, borokatan ko nu Kinoringan, so' lobuw oono dai kosuli' nu koworongan mu no. Suli'an-a nu Kinoringan koworongan mu no iya nu pongoluli'an-o Niyo nu lobuw poimaid kiat so pinotoyan,” koo si Yisus.

Yuanis 11:24

Mutongaro yo si Marta nu, “Oilaan ku ya nai' nu oluli'an-a iyo ong pongoluli'an-o nu lobuw minatoi so pongoowi'an nu wonuo tu,” koo.