Pinointolang 14:15 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

¹⁵ Lumobuso yo ido susuu'on wokon kiat so Waloi Maayo nu Kinoringan so surga, om mutongaro yo nu osangat so lobuw minogom so kawut iiri nu, “Poporoyo yo linggaman so longon mu no, so' nologa' yo pomoroyan. Noonsak-o tonom-tonoman so wonuo tu,” koo.

Pinointolang 14:15 Referans Kwoze

Markus 4:29

Noonsak-o po bua' iiri, kotuo yo sono nu lobuw noposasad-i iya nu poongotu'an,” koo.

Matius 13:39

Alod-alod nopopulo nu kutad-i, ono yo su Wowaidon nu Moinat. Iya poomoroyan, ono yo pongoowi'an nu wonuo tu, om kolobuwan momaroi iiri, ono yo susuu'on nu Kinoringan.

Pinointolang 14:18

Lumobuso po ido susuu'on wokon kiat so ranggar mogkuasa nu apui om mutongaro yo nu osangat so susuu'on kikinuyut nu linggaman otarom iiri nu, “Koroto yo ongo puun nu anggur so wonuo tu, so' noonsak-o bua' no,” koo.

Matius 13:30

Potuu'on-a kutad oono maid nu paroi-o. Ologa' yo poomoroyan om tongaron ku nai' lobuw momaroi-o nu, “Okaton po gulu kutad-o, ongkoson, om susulan. Oopod ono momaroi nai', om iasuw so lingkut,” k'aku,’ koo songapan nu umo ri,” koo si Yisus.

Pinointolang 16:17

Tuntugi yo sono nu susuu'on koturu ri sawan niyo ri so uos, om orongou-o sono bongut osangat kiat so oogoman mogkuasa so Waloi Sosombooyangan so surga nu, “Noopod-o pongukuman Ku!” koo Kinoringan.

Matius 23:32

Indadi, tingompusi muyu yo koraayan notimpuunan-o nu odu aki muyu ri.

Pinointolang 15:6

Lumobuso yo turu susuu'on maid nu turu koogutan iiri kiat so Waloi Sosombooyangan so surga, kipokakas nu oputi' milat-kilat, om minomakai nu pongolilit nu kuab omas winaal.

Pinointolang 14:14

Nopupus iri, nokosiou aku sono nu kawut oputi' om kuwai soko lobuw tinumimpak mogom so kawut iiri, soko Anak nu Kinoringan. Kitupi Iyo nu tupi omas om kikinuyut nu linggaman otarom.

Pinointolang 6:10

Gumonsoko yo nosiro nu osangat nu, “Oo su Kinoringan Maayo Kuasa, d'ado koraayan om obana! Komuro po ka kolaid om bisora'on mu lobuw so wonuo tu om mongukum so nosiro, ono minomatoi so kai no ri?” koo.

1 Tisalunika 2:16

sampai pogoson kai nosiro paabar nu Abar Owarong so ongo bansa okon ko Yaudi, so' dai oingin nu osopulan nosiro nu Kinoringan. Soko ono pona, dadan-a mongoruang nu koraayan ongo lobuw Yaudi, om kosiono ungotan nosiro nu Kinoringan.

Pinointolang 13:12

Kulos-kulos iiri minomakai nu kopogboya'an maayo kiat so kulos-kulos togna ri so tiningkuangon niyo. Sinosogan niyo ongo lobuw so pilolongkop nu wonuo tu mongusaa' nu kulos-kulos togna, iri nopoli'an-o nu pilat-i.

Pinongurugan 15:6

Nopoimaid-o sono si Abram so TUHAN, om soko iri po pinokowarong sono iyo nu TUHAN.

Pinointolang 11:19

Nosukab-o sono Waloi Maayo nu Kinoringan so surga, om nosiou ku Boul Porojonjian, pinoosuwan nu janji nu Kinoringan. Om mungkudilopo yo maid nu korud, om ginumunggun wonuo tu om minuran nu osampuw om maantab.

Pinointolang 14:16

Poroyi yo sono nu lobuw minogom so kawut iiri linggaman niyo ri so wonuo tu.

Pinointolang 14:17

Nokosiou aku po nu susuu'on wokon lumabus kiat so Waloi Maayo nu Kinoringan so surga kikinuyut-a nu linggaman otarom.