Matius 26:18 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

¹⁸ Sumombuto yo Iyo nu, “Ian kou yo sumambat so ido koyuwan so bandar iitu om tongaro muyu nu, ‘Minutangar guru mai ri nu, oduruk-o kopotoyan Niyo, indadi, moingin Iyo om mompomaid Niyo murami-rami nu Paska so waloi mu tu,’ koo yo muyu ya,” koo si Yisus.

Matius 26:18 Referans Kwoze

Yuanis 7:6

Sumombuto yo si Yisus nu, “Dai po nologa' iya pululi'an Ku dii, nga bang kou sombiya-biya ya.

Yuanis 17:1

Nopupus-o po si Yisus mutangar soko iri, tumingaa'o yo Iyo so langit om mutongaro yo nu, “Oo Amo so surga, kosiono nologa' yo pongorumatan s'Aku. Orumato Aku yo, Anak Mu tu su' Ikau nga orumaton-a.

Yuanis 13:1

Sondunat po om ologa' yo Rami-Rami Paska. Noilaan-o ni Yisus nu dai yo olaid mulaiw Iyo kiat so wonuo tu om mululi' dii si Amo Niyo. Osamod Iyo nu lobuw songapan Niyo so wonuo tu om sumundur-a Iyo monamod so nosiro sampai pongoowi'an.

Yuanis 7:30

Pinokiookoman sono Iyo nu wowaidon nu lobuw Yaudi ri, nga d'ado ido kooku' so nosiro mongkuyut so Iyo so' okon po ko lila' nu Kinoringan.

Yuanis 7:8

Ian kou ya so rami-rami oono. Dai ya ong Aku mian so' dai po nologa' pululi'an Ku dii,” koo si Yisus.

Yuanis 12:23

Mutongaro yo si Yisus so nosiro nu, “Nologa' yo pongobontugan so Aku, Anak nu Riniba.

Lukas 22:53

Runat-runat mido-ido Aku so kou so natad nu Waloi Maayo nu Kinoringan, nga dai muyu ya Aku inakom. Nga runat-o iitu posimaidan kou nu Kinoringan monuman nu koinginan nu Wowaidon nu Moinat,” koo si Yisus.

Yuanis 11:28

Nokoputangar-o po si Marta soko iri, miano yo iyo pokoilo so si Maria binurung nu, “Nokologa' yo guru toko ri, nipopaau ko Niyo,” koo.

Markus 5:35

Laid ni Yisus mutangar, lumogaa yo tinu-tinu susuu'on kiat so waloi ni Yairus pokoilo nu, “Minatoi-o anak mu ri. Kodi yo oguto guru iitu no,” koo.

Matius 26:2

“Koduaan po om ologa' yo Rami-Rami Paska. Iya oono isalib Aku yo,” koo.

Matius 23:10

Om adang kou yo mokipaawon nu ‘Wowaidon’, so' ido yo wowaidon muyu, ono yo si Yisus Kristus, Raja Nijanji nu Kinoringan.

Matius 23:8

Nga kou yo po, adang-o mokipaawon nu ‘Guru’, so' kou yo po sonsulod om ido yo Guru muyu.

Matius 21:3

Bang duaton kou ong kuraan muyu, sombuti muyu ya nu, ‘Kuwai kosudaan ni Tuhan,’ koo yo muyu ya. Om posimaidan kou ya sono nu lobuw oono,” koo.

Yuanis 20:16

Tongaro yo sono iyo ni Yisus nu, “Oo Maria,” koo. Kumowiio yo si Maria dii si Yisus om mutongaro yo so tangar Ibrani, Rabbuni! koo, orati niyo “Guru”.

Matius 26:49

Tumorus-o ya si Yudas dii si Yisus om mutongaro yo nu, “Oo Guru, onu abar?” koo, om singudi yo si Yisus.

Matius 26:19

Osipo yo nu mompomaid Niyo ri onu yo po nisuu' Niyo so nosiro ri. Sodiaa yo nosiro iinokanon nu Runat Paska oono.