Lukas 11:28 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

²⁸ Nga sumombuto yo si Yisus nu, “Osanang po lobuw mongkinongou nu tinongaran nu Kinoringan om poimaid,” koo.

Lukas 11:28 Referans Kwoze

Lukas 8:21

Nga mutongaro yo si Yisus so nosiro nu, “Lobuw mongkinongou nu tinongaran nu Kinoringan om murogama' nu ono, nosiro yo su ino om kosusulodan Ku,” koo.

Lagu 112:1

Royowon-o TUHAN! Osanang-o lobuw mongorumat om mongowaid nu ponuu'an nu TUHAN.

Yuanis 13:17

Bang oorotian muyu yo ono kiawi', osanang kou yo ong waalon muyu ono.

Lagu 128:1

Osanang-o lobuw poimaid so TUHAN om miau mongowaid nu ponuu'an Niyo.

Pinointolang 22:14

Osanang-o lobuw iri momupu nu sabung olanggau nosiro, ono yo mokiugas kiat so koraayan, so' nosiro nu ono kookan nu bua' kiat so puun kowiau-o, om kotolunda' so pintu masuw so bandar oono.

Pontudukan 8:32

Oo su lobuw omuda po, rongowo muyu yo aku! Waido muyu yo nituduk ku so kou, so' osanang ong lobuw mongowaid nu pontudukan ku no.

Pontudukan 19:16

Bang osipon mu ponuu'an nu Kinoringan, miau ko, nga bang dai mu osipon matoi ko.

Pinointolang 1:3

Osanang-o lobuw mongobasa' nu itu, om lobuw mongorongou nu abar iitu om mongowaid nu onu-onu nokosurat tuui, so' dai yo olaid ourug kiawi' oono.