Galatia 4:12 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

¹² Oo su kosusulodan, moingin aku sobana nu minsuw kou nu kogoyaan ku, nu dai yo sono okuasa nu Ukum ni Musa, so' aku nga nokoinsuw-o so kou lobuw okon ko Yaudi. Om dai po insan nokopomaal kou nu kosola'an so aku.

Galatia 4:12 Referans Kwoze

2 Kurintus 2:5

Nga iri yo po lobuw nokoponginsakit nu inawo nu isai yo po, okon ko aku yo su ininsokitan nu inawo nga kou kiawi', intawa orogon-o nu kou kiawi' su noinsokitan nu inawo nga tinu-tinu so kou. Dai su moingin pokoraai sobana nu lobuw oono.

Pinongurugan 34:15

Tumaayun kai ya nu indomoon muyu no nga subai ourug kou soko kai nu kiawi' kusoi sunatan.

Galatia 6:14

Nga ong aku, dai ya su moingin mongondos suat so onu-onu ya, sondiang ko si Yisus Kristus, Tuhan toko iri minatoi so kayu salib-i. Pagka minatoi-o Iyo so kayu salib, onu yo po so wonuo tu d'ado yo orati so aku, om aku nga soko minatoi suat so gogoma'on so wonuo tu.

Galatia 2:14

Osiou ku gogoma'on nosiro dai musuat nu Abar Owarong oono, ininsawai ku sono si Pitrus so tiningkuangon nu lobuw-i nu, “Ikau-o po lobuw Yaudi, om noopot ko yo mongowaid nu adat nu lobuw okon ko Yaudi, om okon-o ko maid po nu adat koopotan toko ri. Indadi, nokuro su monosog ko po nu lobuw okon ko Yaudi popongowaid nu koopotan toko?” k'aku.

2 Kurintus 6:13

Mongobiat aku so kou soko poongobiat nu amo so inonakan. Soko ono ya, somodi muyu yo kai soko poonamod mai so kou.

Pinongoorapan 21:21

Kosiono norongou-o nosiro nu montuduk ko nu kiawi' lobuw Yaudi iri nokoido so bansa wokon, nu dai popongowaidon nu Ukum ni Musa. Minontuduk ko so nosiro nu dai niposunat inonakan nosiro intawa mongowaid nu adat Yaudi.

Galatia 6:18

Oo su kosusulodan ku, mindamo aku so si Tuhan toko Yisus Kristus su' d'ado ya pupus Niyo mongoborakat so kou. Amin!

2 Kurintus 6:11

Oo su kosulodan ku so Kurintus, nokotarang mai yo so kou kiawi' pomikiran mai suat so kou om nokotarang mai yo nu sobana ko monamod kai so kou.

Galatia 4:11

Gumagau aku nu kiawi' gogoma'on ku so kou d'ado ya sono koompusan.

Galatia 4:13

Tantu kakal po oondoman muyu nu, iri yo ko' nokoponuturan aku nu Abar Owarong nai so kou nu togna ri so' dai su nokaatu'.