1 Timutius 6:19 - Tinongaran nu Kinoringan: Pinongurugan Lagu Pontudukan om Porojonjian Wagu (Tombonuo)

¹⁹ Bang soko ono waalon nosiro, soko mongimpug nosiro nu gonggamon kiorogo, om ourug ono nu impuunon nu kowiawan nosiro so surga, om kikowiawan sono nosiro musingkolaid maid so Kinoringan.

1 Timutius 6:19 Referans Kwoze

1 Timutius 6:12

Soko lobuw muimbas mundak mokimomanang su' kaalap nu odia, soko ono ya pogkari'-kari' yo miau mongimaid bana so si Kristus, su' kikowiawan ko musingkolaid, so' ono yo su kinopomaawan nu Kinoringan so ikau poimaid so Iyo, iya nu nopaabar ko nu poimaid so si Kristus so tiningkuangon nu lobuw.

2 Timutius 2:19

Ono yo po pontudukan nu Kinoringan-o dai opinda, soko popolakan nu waloi dai ounggog, so' nokosurat-o so Buuk nu Kinoringan nu, “Otondu'an-a nu Tuhan lobuw songapan Niyo no,” koo, om “Isai yo po mutangar nu songapan iyo nu Tuhan, subai mingkoyod momaal nu kosola'an,” koo ri.

1 Pitrus 1:4

Kiat nu ono, umarap toko po nu kaalap nu koworongan nosodia' nu Kinoringan so lobuw songapan Niyo. Koworongan oono nitou' Niyo so surga su' dai ousiba', rumobuk intawa lumiong.

Lukas 16:9

Mutongaro po si Yisus nu, “Rongowo muyu yo! Pokayo muyu yo kokoyaan muyu so wonuo tu modium nu una'-una', su' bang oliongan kou yo nu kokoyaan so wonuo tu, popolakon kou ya so surga musingkolaid.

Pontudukan 31:25

Obasag sobana iyo om orumaton nu lobuw, om dai iyo gumagau suat so sunduron.

Ipisus 3:17

om mogdu'a aku po su' sumundur si Kristus mogkuasa nu inawo muyu, so' poimaid kou so Iyo, om kiawi' gogoma'on muyu nga maid so osamod kou so lobuw wokon om so Kinoringan.

Lukas 18:22

Norongou-o po ni Yisus sambut nu lobuw iiri, mutongaro yo Iyo nu, “Ido po mupatut waalon mu, ono yo wolii yo kiawi' orata' mu no om toyad-toyado orogo no so lobuw omiskin. Bang waalon mu ono, kikowiawan ko musingkolaid maid so Kinoringan. Owaal mu ono om maid ko nai' so Aku,” koo si Yisus.

Lukas 12:33

Wolii yo kiawi' orata' muyu no om toyad-toyado muyu siin-o so lobuw kikosimpitan. Bang waalon muyu ono, soko momaal kou nu poianan nu siin dai musiba', ono yo orata' nitou' so surga, so' dii yo po so surga d'ado yo lobuw monakou, om d'ado yo gagat mongoraag.

Matius 19:21

Mutongaro yo si Yisus nu, “Bang oingin ko nu tantu kikowiawan musingkolaid, wolii yo kiawi' orata' mu, om taaki orogo no so lobuw omiskin. Bang waalon mu ono, kikokoyaan ko sono maid so Kinoringan nu dai musiba'. Oopod ono pululi' yo tuui om waid-o so Aku!” koo.

Galatia 5:6

Bang koido toko yo so si Yisus Kristus, mokisunat intawa dai nga muinong-a. Ono yo su oogot, poimaid so si Kristus, om koimaidan oono kointolang so poonamod toko nu lobuw wokon.

Lukas 18:2

“Kuwai moongobisara' so ido bandar. Moongobisara' oono dai lumaa' nu Kinoringan, om dai mongorumat nu sondad una'.

Lukas 16:25

Nga sumombuto yo si Abraham nu, ‘Oo anak, ondomo yo, laid mu po miau-i, nokoirasa ko yo nu kiawi' kosonangan om koworongan, nga si Lajarus, koraayan-a kiawi' noirosaan niyo nu miau po iyo ri. Kosiono, osanang-o iyo tuui, om ikau nosonsara'.

Pontudukan 10:25

Koduung lumoga' uos opogon, otilib sono lobuw oraai, nga lobuw otulid inawo kiimpuunon nu otagap musingkolaid.

Lagu 17:14

Polaiwo aku kiat so lobuw mongiro-kiro ya suat so kowiawan so wonuo tu. Ukumo yo nosiro maid nu anak mongkupu nosiro nu kosonsora'an nosodia' Mu suat so nosiro!

Pilipi 3:12

Okon ko mutangar aku nu nokoinong aku yo sobana so si Kristus, intawa d'ado yo sono koraayan ku. Nga ono yo mogkari'-kari' aku miau maid so koinginan Niyo, orapan ku ourug aku nu lobuw kikogoyaan nu koinginan Niyo, so' ono yo su kinopongurugan Niyo so aku nu songapan Niyo.

2 Timutius 1:1

Oo Timutius, ikau-o pinokaanak ku om kosomodan ku bana. Itu yo surat kiat so aku, si Paulus, pinongoorapan ni Yisus Kristus, musuat nu koinginan nu Kinoringan potuturan nu kikowiawan lobuw musingkolaid, iri nijanji nu Kinoringan ong mido nosiro so si Yisus Kristus. Mindamo aku so Kinoringan, Amo, om so si Yisus Kristus, Tuhan toko su' d'ado pupus mongoborakat, mongoluluud om posanang nu inawo mu no.