Pilipi 2:11 - Godón Buk

¹¹ Akó ene igósüm, blaman ulita sab pupo bainórre wagó, Yesu Kerriso Loda. Inzande, God, mibü Ab nótóke, oya ngi sab kwit amngyelórrón yarile.

Pilipi 2:11 Referans Kwoze

1 Zon 4:15

Darrü oloma ne igó nóma panzedó bóktóne wagó, Yesu Godón Olome, God oya bübdü ngyabenda akó wa ta Godka ngyabenda.

Rrom 14:11

Zitülkus módóga, Godón Wialómórrón Bóktana igó bóktanda wagó, “Lod bóktanda wagó, ‘Amkomana, ka arrólóla. Akó enezan ta amkomana, kürü obzek kwata sab blaman pamkolpama wakósingül nümgürre, akó blamana sab igó bóktórre wagó, ka Godla.’”

Morroal Bóktan Yesunkwata Zon Ne Bóktan Wialómórr 13:13

E kürü Umulbain Pam akó Lodbóka ngiliandakla. E amkoman poko bóktandakla: ka módógla.

1 Zon 4:2

E igó gaodó kwarilo Godón Samu amzyatóm: nadü samua panzedó bóktanda wagó, Yesu Kerriso tüpdü pamakanzan tamórr, ene samua Godkagab tamórr.

Rrom 14:9

Kerriso ene zitülkusdü nurrótókórr akó türsümülürr arróldó ibü Lodóm bainüm, büdül nidipako akó arról nidipako.

1 Korrint 12:3

We ngarkwatódó, ka yabü igó poko byaldóla, darrü olom babula Godón Samu-e nótó bóktanda wagó, “Yesu amórrórrón ki yarile,” akó darrü olom gaodó kokea igó bóktanóm wagó, “Yesu ⌊Lode⌋,” wata wa Godón Samu-e bóktanda.

Morroal Bóktan Yesunkwata Zon Ne Bóktan Wialómórr 14:13

Ka sab tónggapono, e ne klamóm kümtinane kürü ngidü, igósüm Aban ngi sab Olomanbókamde wirri kwit emngyerre.

1 Pita 1:21

Oyakama, e Godón amkoman angundakla, oya büdüldügab nótó irsümülürr akó oya ngi nótó wirri kwit emngyelórr. Ene igósidi, e Godón amkoman angundakla akó gedlóngóm baindakla.

1 Korrint 8:6

mibü wata darrpan Goda. Wa Aba, blaman elklaza noakagab togobórr akó mi noankü ngyabendakla. Akó wata darrpan Lod asine, Yesu Kerriso, blaman elklaza noakama tólbaelóp akó mi noanme arrólakla.

Okaka Amzazirrün Kla 3:5

“‘Kolae nótó ⌊ut-ut ainda⌋, sab ibüzan gabülpli mórrkenyórr baterrón yarile. Ka sab oya ngi kokean arrgono ⌊ngarkwat-koke arról⌋ pebadógab, a ka sab oya ngi kólba Ab akó oya anerru, ibü wapi pupaino.

Metyu 10:32

“Tóba pamab obzek kwata nótó nóma pupo baile igó, ‘Ka Yesunla,’ ka ta sab oya dadanzan pupaino kólba kwitüm Aban obzek kwata igó, ‘Wa kürüne.’

Morroal Bóktan Yesunkwata Zon Ne Bóktan Wialómórr 9:22

Oya aipab nisa ini poko bóktarri, zitülkus i Zu wirri ngi pamab gum namülnürri. Zu wirri ngi pama igó bóktan ingrinóp, nadü pama bóktóne wagó, Yesu ene ⌊Kerrisoa⌋, oya sab igósidi ⌊Zu pamkolpamab kwóbbazen müótüdü⌋ tótókgum piküp irre.

Morroal Bóktan Yesunkwata Zon Ne Bóktan Wialómórr 5:23

Ene igósüm, blaman pamkolpama sab Olom wirri ngi aterre, izan Ab wirri ngi atendako. Nadü pama Olom wirri ngi koke atele, ene ta inzana: wa Ab wirri ngi koke atenda, Olom nótó zirrsapónórr pamkolpamdó.

Wórr Peba 110:1

Lod God igó bóktanórr kürü Lodódó wagó, “Ma ae mórra ini wirri pabodó, kürü tutul tangdó, kókó ka sab marüka nidi bóka bamgündako, ka sab ibü inzan ninünümo, marü wapór nisab ngón ngagón klamóm.”

2 Zon 1:7

Ka ene poko bóktandóla, zitülkus errkya abün ilklió bülión pama kuri ogobe bwób-bwób ini tüpdü. Ene pama alpindako Yesu Kerriso pamakan bübi tamórr. Inzan olom wa Yesu Kerrisoka bóka bamgün pama, akó pamkolpam metat nótó ilklió büliónda.

1 Korrint 15:47

Ngaen-gógópan pam, Adam, tüpdügabi tamórr, God oya büb tüp buru-i tónggapónórr. Nis ngim pam, Kerriso, God oya irsümülürr akó errkya oya kwitümgab büba.

Rrom 15:9

Akó ene igósüm, Zu-koke nidipko Godón ngi wirri kwitüm emngyerre oya gyaurdügabi, Deibid enezan wialómórr tóba Wórr Pebadó ene ⌊Kerrisonkwata⌋ wagó, “We zitülkusdü, ka marü magüro ibü aodó, Zu-koke nidipko. Ka wórr ato-o marü agürüm.”

Morroal Bóktan Yesunkwata Zon Ne Bóktan Wialómórr 20:28

Tomas bóktan yalkomólórr oyaka wagó, “Kürü Lod, akó kürü God!”

Morroal Bóktan Yesunkwata Zon Ne Bóktan Wialómórr 17:1

Yesun bóktana nóma blakónórr, wa pülpüldü we yazilürr wagó, “Ab, kürü abüs küpa kuri tame. Da kürü ngi ugó wirri kwit emngyel, igósüm marü ngi ka sab dadan ngarkwatódó wirri kwit emngyelo.

Morroal Bóktan Yesunkwata Zon Ne Bóktan Wialómórr 12:42

Abün Zu singüldü pama Yesun amkoman yangunóp. Da Parrisi pamab gum koralórr; i ta wirri taem koke yónónóp: ibü ne nóma ki nurrkrrurre, ibü ⌊Zu pamkolpamab kwóbbazen müótüdü⌋ tótókgum ki piküp nirre.

Morroal Bóktan Yesunkwata Luk Ne Bóktan Wialómórr 2:11

Errkya ini ngürr, Deibidün wirri basirrdü, yabü Zidbain Oloma kuri tómtómóle. Wa módóga, ene ⌊Kerriso⌋, yabü ⌊Lod⌋.

Morroal Bóktan Yesunkwata Zon Ne Bóktan Wialómórr 14:23

Yesu bóktan yalkomólórr oyaka wagó, “Nibiób moboküpdü ubi asine kürüka, kürü umulbain bóktan sab idi mamoan korale. Kürü Aban moboküpdü ubi sab ibüka yarile, akó kólba Abpükü ka sab tamo ibüka akó inkü ngyaben namulo.

Morroal Bóktan Yesunkwata Zon Ne Bóktan Wialómórr 13:14

Ka yabü wapór kuri nugulnüma yabü Lodzanla akó Umulbain Pamzanla, da e ta igósidi yabiób darrpan-darrpanab wapór inzan bagul kwarilünke.