Morroal Bóktan Yesunkwata, Mak Ne Bóktan Wialómórr 10:6 - Godón Buk

⁶ Da bwób zitüldü, God blaman elklaza nóma tómbapónórr, ‘Wa ibü igó tónzapónórr, pam a kol.’

Morroal Bóktan Yesunkwata, Mak Ne Bóktan Wialómórr 10:6 Referans Kwoze

Bwób Zitül 1:27

God pam tónggapónórr, tóba dandang ngarkwatódó, Godón dandang ngarkwatódó wa oya tónggapónórr; wa ibü igó tónzapónórr, pam a kol.

Bwób Zitül 5:2

Wa ibü igó tónzapónórr, pam a kol, akó wa ibü bles ninóp, da ngi ngyesilürr “Pamakan”.

Bwób Zitül 1:1

Ngaen bwób zitüldü, God tüp akó pülpül tónzapónórr.

2 Pita 3:4

akó i sab bóktan kwarile wagó, “Wa ia ⌊alkamül-koke bóktan⌋ koke tónggapónórr alkomólóm? Da ia wa nega? Ki igó bóktandakla wagó, wa sab koke tolkomóle, zitülkus mibü ngaen-ngaen amkoman bangun singüldü pam blamana balókórr, a darrü klama wa kokean kuri obzeksyók bapóne. Elklaza wata inzanako wa izan kwarilürr, God ini tüp ne ngarkwatódó tónggapónórr.”

Morroal Bóktan Yesunkwata, Mak Ne Bóktan Wialómórr 13:19

Zitülkus módóga, ene ngürran ne müpko sab kari kolae koke kwarile, pamkolpama koke kuri ne kla azid aengóp, ngaen zitüldügab, God ini tüp nóma tónggapónórr, kókó errkya. Myamem akó inzan kla babul yarile.

Rrom 1:20

Ini amkomana, zitülkus ene tonarrdógab, God tüp akó pülpül nóma tónzapónórr, pamkolpam gaodó kwarilürr oya ngarkwat-koke arüng asenóm akó umulüm wagó, wa Goda. Darrü pam gaodó kokea Godón amzyatóm, a wa ma gaodóma, wa ene elklaza nóma ngabkanda, God ne elklaza tómbapónórr. We ngarkwatódó, pamkolpamab zitülkus babula igó bóktanóm wagó, “Ki Godónbóka umul babulakla.”