Metyu 21:11 - Godón Buk

¹¹ Yesuka ne pamkolpamab ngoroa zutalórr, ibüka we bóktanónóp wagó, “Ini Yesue, ene prropet Nazarretgab, Galili prrobinsdüma.”

Metyu 21:11 Referans Kwoze

Morroal Bóktan Yesunkwata Zon Ne Bóktan Wialómórr 6:14

Pamkolpama nóma esenóp Yesu ini ne wirri tulmil tónggapónórr Godón arüng pupainüm, i ola bóktan kwarilürr wagó, “Amkoman, ini wa ene Prropete, ini tüpdü nótó ki tame!”

Morroal Bóktan Yesunkwata Zon Ne Bóktan Wialómórr 7:40

Abün pamkolpamab ngorodó, i barrkrrurr wa ne poko bóktanórr, da ngibürra we bóktanónóp wagó, “Ini amkoman ene Prropeta.”

Morroal Bóktan Yesunkwata Luk Ne Bóktan Wialómórr 7:16

Blaman pamkolpama Godón gum kwarilürr, akó dakla Godón yagürnóp. I zwapólórr wagó, “Darrü wirri prropeta mibüka kuri okaka tübine!” akó, “God kuri tame tóba pamkolpam tangbamtinüm!”

Morroal Bóktan Yesunkwata Zon Ne Bóktan Wialómórr 9:17

Da Parrisia oya akó imtinóp wagó, “Ma igó namüla, marü ilküp wató nomgole. Da ma ia bóktono oyakwata?” Pama bóktan yalkomólórr wagó, “Ka igó namulo: wa Prropeta.”

Metyu 2:23

wirri basirrdü Nazarret, ngyabenóm. Ini pokoa igósidi tómbapónórr, Godón Wialómórrón Bóktan küppükü ainüm, wa prropetódó ne poko bóktanórr pamkolpamdó adrratóm Yesunkwata wagó, “Oya sab Nazarret olombóka ngilianórre.”

Morroal Bóktan Yesunkwata Zon Ne Bóktan Wialómórr 4:19

Ene kola Yesunbóka wagó, “Wirri pam, ka marü kuri mómzyeta, ma prropetla!

Morroal Bóktan Yesunkwata Zon Ne Bóktan Wialómórr 1:21

I akó imtinóp wagó, “Da ia ma nótókla? Da ma ia Ilaeza?” Wa bóktan yalkomólórr wagó, “Ka Ilaeza kokela.” I akó oya imtinóp wagó, “Da ma ia ene ⌊Prropetla⌋?” Zon bóktan yalkomólórr wagó, “Koke.”

Morroal Bóktan Yesunkwata, Mak Ne Bóktan Wialómórr 6:15

Ngibürra ma bóktónóp wagó, “Wa Ilaeza-e.” Akó ngibürra wagó, “Wa prropeta, wamaka wa ngaen prropetzan kwarilürr.”

Morroal Bóktan Yesunkwata Luk Ne Bóktan Wialómórr 24:19

We imtinürr wagó, “Laró pokoa tómbapónórr?” I bóktan we yalkomórri wagó, “Yesunkwata, Nazarretgab! Wa prropet yarilürr, wirri tomkompükü bóktande akó tórrmende, Godón akó blaman pamkolpamab obzek kwata.

Morroal Bóktan Yesunkwata Zon Ne Bóktan Wialómórr 1:25

Ene pama Zonón imtinóp wagó, “Da ma ne ene Kerriso o Ilaeza o ene Prropet koke nóma namulo, ma wa pamkolpam iade ⌊baptaes baindóla⌋?”

Morroal Bóktan Yesunkwata Luk Ne Bóktan Wialómórr 13:33

Laróga nóma tómbapóne, ka wata wamlo kubó, sab, akó idit, zitülkus gaodó kokea prropet büdülümpükü amkalóm Zerrusalem pulkakak.”

Morroal Bóktan Yesunkwata Luk Ne Bóktan Wialómórr 7:39

Ene Parrisia, Yesun nótó bóka itanórr wankü alom, nóma esenórr ini poko, da gyagüpi wamlórr wagó, “Ini pam ne amkoman Godón prropet nóma ki yarile, wa umul ki yarile oya ia kola amurrdo, ó wa umul ki yarile igó, ini kolae tonarr kolo.”

Metyu 21:10

Yesu Zerrusalem nóma bangrinürr, blaman basirr pamkolpama barrkürrürr. Tibiób bamtinónóp wagó, “Ini ia nótóke?”

Metyu 21:26

A mi ne igó nóma kwarilo igó, ‘Pamdógab,’ pamkolpam kubó ngürsil kwarile mibüka. Da mi pamkolpamab gum kwarilo, zitülkus blamana Zonón igó angundako wagó, wa prropeta.”

Metyu 21:46

I kwat we yamkünónóp oya amiógüm. A i ma pamkolpamab gum kwarilürr, zitülkus ene pamkolpama igó yangunónóp wagó, Yesu wata prropeta.