Morroal Bóktan Yesunkwata Luk Ne Bóktan Wialómórr 6:15 - Godón Buk

¹⁵ Metyu akó Tomas; Zeims, Alpeiusün olom nótó yarilürr, akó Saemon (akó ngiliarrón Zilot),

Morroal Bóktan Yesunkwata Luk Ne Bóktan Wialómórr 6:15 Referans Kwoze

Metyu 9:9

Yesu ene poko we amgatórr. Wazan wamlórr, wa ⌊taks mani dakabain pam⌋ we esenórr, ngi Metyu, tóba kari zaget müótüdü mórrande. Yesu oyabóka wagó, “Yao, ma kürüka tókya!” Metyu we bupadórr, oyaka we akyanórr.

Morroal Bóktan Yesunkwata, Mak Ne Bóktan Wialómórr 3:18

Endrru, Pilip, Barrtolomyu, Metyu, Tomas, akó darrü Zeims, Alpeiusün olom nótó yarilürr, Tadeius, akó darrü Saemon, ngaen Zilot pam nótó yarilürr,

Zeims 1:1

Ka, Zeims, ini peba mórrag kótó wialómdóla. Ka Godón ⌊leba zaget olomla⌋ ó ⌊Lod⌋ Yesu Kerrison. Ka wialómdóla 12 Zu zitül pamkolpamdó, Yesun amkoman nidi angundako, bwób-bwób barngerrón nidipko. Morroal ngürr yabüka.

Galatia 2:9

Zeims, Pita, akó Zon, pamkolpama nibiób bómzyatódako wagó, i balngomól pamako talkumzan, umul bainóp God kibü zaget morroal ia yónürr. Da i kibü tang tómkenóp, Barrnabas akó kótó, kolpamdó igó poko okaka amzazilüm igó, ki darrpan namülnürri tang dabyórrün. I ubi bainóp wagó, ki ibü aodó ki zaget namüli, Zu-koke nidipko, akó i aüda ki zaget kwarile Zu pamkolpamab aodó.

Galatia 1:19

Ka ta Zeimsün emrranórr, Lodón zoret, da ka ngibürr apostol koke nósenarre.

Morroal Bóktan Yesunkwata Zon Ne Bóktan Wialómórr 20:24

Umulbain olmaldógab darrpan, ngi Tomas, (oya darrü ngi módóga: Didimus), wa inkü babul yarilürr Yesu nóma tamórr.

Morroal Bóktan Yesunkwata Zon Ne Bóktan Wialómórr 11:16

Tomas (oya darrü ngi Didimus) tóba kamdal umulbain olmaldó we bóktanórr wagó, “Da nau, mi ta blamana ogobo, wankü büdülüm!”

Morroal Bóktan Yesunkwata Luk Ne Bóktan Wialómórr 5:27

Ene kakóm, Yesu ene müót amgatórr, da darrü ⌊taks mani dakabain pam⌋ esenórr ngi Libae, tóba kari zaget müótüdü mórrande. Yesu oyabóka wagó, “Yao, ma kürüka tókya.”

Morroal Bóktan Yesunkwata, Mak Ne Bóktan Wialómórr 2:14

Wazan wamlórr, wa ⌊taks mani dakabain pam⌋ we esenórr, ngi Libae, Alpeiusün olom, tóba kari zaget müótüdü mórrande. Yesu oyabóka wagó, “Yao, ma kürüka tókya!” Libae we bupadórr, oyaka we akyanórr.

Morroal Bóktan Yesunkwata Luk Ne Bóktan Wialómórr 6:14

Ene 12 módógako: Saemon (noan ngyesilürr Pita); oya narezoret Endrru; Zeims akó Zon; Pilip akó Barrtolomyu;

Morroal Bóktan Yesunkwata Luk Ne Bóktan Wialómórr 6:16

Zudas, Zeimsün olom nótó yarilürr, akó Zudas Iskarriot, Yesun sab nótó ingrine wirri ngi pamab tangdó.