Morroal Bóktan Yesunkwata Luk Ne Bóktan Wialómórr 24:27 - Godón Buk

²⁷ Da wa ibüka we müsirrga yónürr Godón Wibalómórrón Bóktana ne poko bóktan yarilürr oyakwata. Wa Mosesón Pebadó bókyanórr, da olgabi ama blaman Prropetab Pebadó.

Morroal Bóktan Yesunkwata Luk Ne Bóktan Wialómórr 24:27 Referans Kwoze

Aesaya 7:14

Da taia, ezan bangóndakla amtinüm, Lod sab tüób yabüka okaka simzazile darrü wirri tulmil. Tübarrkrru, pampükü koke ne kola umtulürr, sab bikóm ipüde, da wa sab siman olom esene, da wa sab ngi ngyesile Emanuel.”

Morroal Bóktan Yesunkwata Luk Ne Bóktan Wialómórr 24:44

Wa ibüka we bóktanórr wagó, “Ene ka yabü ini poko nilarre, ka yenkü nóma namülnürrü: kürükwata blaman ne kla wibalómórrónko Mosesón Gida Bukdü, Prropetab Pebadó, akó Wórr Pebadó, amkoman ki tómbapónónóm Godón bóktan küppükü ainüm.”

Duterronomi 18:15

A ini zitülkusdü, wa sab prropet zirrsapóne yabünkü kazanla, yabü yabióban pamkolpamdógab, Isrrael pamkolpam. Da e sab oya bóktan arrkrru kwarilünke.

Morroal Bóktan Yesunkwata Zon Ne Bóktan Wialómórr 5:39

E Godón Buk bótangdakla umul apadóm. E igó gyagüpitótókdakla wagó, e sab ngarkwat-koke arról olgabi esenane. A ene Buka wa kürübóka apónda!

Morroal Bóktan Yesunkwata Zon Ne Bóktan Wialómórr 1:45

Pilip Natana-eldi baserri, da oya izazilürr wagó, “Ki ene pam kuri eserre, Moses noanbóka wialómórr Gida Pebadó, akó ngaen prropeta ta noanbóka wialómóp. Wa Yesue, Zosepón olom, Nazarret wirri basirr olom!”

Bwób Zitül 22:18

Marü olmalbobataldógab, ini tüpdü blaman bwób-bwób pamkolpama sab morroal ipüdórre, zitülkus ma kürü bóktan kuri amiga.”

Morroal Bóktan Yesunkwata Luk Ne Bóktan Wialómórr 24:25

Da wa ibüka we bóktanórr wagó, “E amkoman gonggoanakla! E zaorrónakla amkoman bangunüm, prropeta blaman ne poko bóktónóp!

Bwób Zitül 3:15

Ka sab alzizi aman ngyaben sidüdo, matóka kol, akó marü küp akó oya küp; oya küpa sab marü singül emkóle, akó ma sab oya küpan wakub elóngo.”

Bwób Zitül 49:10

Kingan ne arüng bidame, sab oyakagab kokean aupe, kingan tupuru sab metat oya tangdó yarile, kókó wa sab tame, kingan arüng noakame; Blaman pamkolpama sab oya bóktan arrkrru kwarile.

Bwób Zitül 26:4

Ka sab marü ngarkwat-koke olmalbobatal mülino, pülpüldüzan ngarkwat wimurrko. Akó ka sab ini bwób dudu ibü nókyenónómo. Marü olmalbobataldógab, ka ini tüpdü blaman ne pamkolpamko sab bles ninünümo,

Apostolab Tórrmen 3:24

Pita wata kya bóktalórr wagó, “Godón ngidü bóktan pam, ngi Samuel, akó oya solkwat nidi togoblórr, Godón bóktan nibióbka yarilürr, i ta ngaen bóktónóp, ne klama tómbapóndako ini ngürrdü.

Apostolab Tórrmen 3:22

Mosezan bóktanórr wagó, ‘Lod yabü God sab toba bóktan pam zirrsapóne, kürüzan zirrkapónórr, yabü yabióban pamdógab, da e wata sab oya bóktan arrkrru kwarilünke, blaman elklaza wa yabü ne poko byal yarile.

Okaka Amzazirrün Kla 19:10

Olgabi ka wakósingül nülkamürrü oya wapórdó, oya ótókóm. A wa ma kürü kyalórr wagó, “Ene poko tónggapón-gu! Ka Godónkü zagetdóla, wata mazan akó ngibürr amkoman bangun zonaretalzan, Yesun amkoman bóktan nidi amoandako, Yesu ne poko pupo tinóp. E wata Godón ótók kwarilün! Zitülkus módóga, Yesu ne amkoman bóktan pupo tinóp, wa pamkolpam gaodó bainda ⌊prropetzan bóktanóm⌋.”

Bwób Zitül 12:3

Ka sab ibü bles ninünümo, marü nidi bles mirre, akó ka sab ibü nómórrnónómo, marü nidi mómórrórre. Marükama, ka sab blaman ini tüpdü pamkolpam bles ninünümo.”

Morroal Bóktan Yesunkwata, Mak Ne Bóktan Wialómórr 4:34

Wa ibüka wata alap-alap bóktane bóktalórr. Wa tebe nóma yarilürr tóba umulbain olmalpükü, wa blaman kla ugón müsirrga nyónónóp ibüka.

Morroal Bóktan Yesunkwata Zon Ne Bóktan Wialómórr 5:37

Aba kürü tüób zirrkapónórr, da wa ta kürübóka apón yarilürr. E oya bóktan bómgól kokean kuri barrkrrua ó oya obzek ta kokean kuri esenane.

Morroal Bóktan Yesunkwata Zon Ne Bóktan Wialómórr 12:41

Aesaya ini poko wialómórr, zitülkus wa Yesun wirri kómal zyón esenórr, akó oyakwata igósidi bóktanórr.

Apostolab Tórrmen 3:18

A God ene inzan küppükü yónürr, ngaen blaman oya ngidü bóktan pama ne poko wialómóp wagó, ‘Wa sab ne olom ingrine pamkolpam zid byónüm, sab azid aenge akó nurrótóke.’