Morroal Bóktan Yesunkwata Zon Ne Bóktan Wialómórr 19:42 - Godón Buk

⁴² Zitülkus ugón Sabadankü elklaza tómbapón ngürr yarilürr Zu pamkolpamabkü, akó gapók minggüpananzan yarilürr, i Yesun büb we igósidi ingrirri.

Morroal Bóktan Yesunkwata Zon Ne Bóktan Wialómórr 19:42 Referans Kwoze

Morroal Bóktan Yesunkwata Zon Ne Bóktan Wialómórr 19:31

Zu wirri ngi pama Paelatón we imtinóp, ibü dümdüm bóktan aliónüm krros kwitüdü ne pam kwarilürr, ibü wapór kus amgünüm, akó krrosdógab alókóm ibü büb azebóm. I Paelatón yatop, zitülkus ugón Prraede yarilürr, ⌊Sabadankü⌋ elklaza tómbapón ngürr. Ibü ubi koke yarilürr, büb krrosdó koke ki koral Sabad ngürrdü. Ene amkoman gyabian Sabad ki yarile.

Morroal Bóktan Yesunkwata Zon Ne Bóktan Wialómórr 19:14

Ugón abüs singül küp ngarkwat yarilürr, Zu pamkolpama ne ngürr, ⌊Büdül Kórzyón Tórem⌋ elklaza tómbapónónóp. Paelat we bóktanórr kolpamdó wagó, “Sazilam, yabü king yóni!”

Morroal Bóktan Yesunkwata Zon Ne Bóktan Wialómórr 19:41

Yesun ne emkólóp, didiburr asi yarilürr. Ene didiburrdü küsil gapók asi yarilürr, we klamdó darrü olom ngaen koke ne ingrinóp.

Aesaya 53:9

Oya gapókdó ingrinóp kolae tonarr pampükü, oya gapók ilüngóp mórrel pam ne gapók balüngdako, enana wa darrü kolae kokean tónggapónórr, akó darrü pam babula ilklió bülión bóktan nótó arrkrrurr oya ulitüdügab.

Kolosi 2:12

Yabü ⌊baptaes bain⌋ tonarrdó, ene inzana, wamaka e wankü nurrbarirrü akó gapókdó kwarilnürrü akó God yabü sirsinürr Kerrisokü. Ini klama tómbapónórr, zitülkus e amkoman angundakla wagó, Godón arüng asine, Kerrison nótó irsümülürr büdüldügab.

1 Korrint 15:4

Akó oya gapókdó ingrinóp, akó aüd ngim ne ngürr yarilürr, God oya ugón irsümülürr, Godón Wibalómórrón Bóktan ngarkwatódó.

Morroal Bóktan Yesunkwata Zon Ne Bóktan Wialómórr 19:20

Abün kolpama atang kwarilürr, zitülkus Yesun ne pokodó emngyelóp, wirri kan koke yarilürr wirri basirrdügab. Paelat aüd bóktane wialómórr: Ibrru, Letin, akó Grrik.

Metyu 12:40

Zona aüd ngürr akó aüd irrüb wirri wapian dupidüzan ngyabenórr, da ka, Pamkolpamab Olom nótókla, ta sab aüd ngürr akó aüd irrüb inzan amono auma tüp kugupidü.