Morroal Bóktan Yesunkwata Zon Ne Bóktan Wialómórr 16:20 - Godón Buk

²⁰ Ka yabü amkoman poko byaldóla: e sab yón gyaur koralo, a ini tüpdü pamkolpama sab bagür korale; e sab gyaur koralo, a yabü yón gyaura sab bagürwómóm bümzazile.

Morroal Bóktan Yesunkwata Zon Ne Bóktan Wialómórr 16:20 Referans Kwoze

Zeims 1:2

Kürü ⌊zonaretal⌋, yabü obzek kwata abün-abün müpa nóma togoble, ene müp bagürwómpükü yazeblamke.

Metyu 5:4

Bagürwóm idipako, nidi yón gyaurdako, zitülkus God sab ibü zao-zao nirre!

2 Korrint 6:10

Ki amtyandakla ki morroal pamakla, pamkolpama kibü inzan nóma ngabkandako igó, ki gyagüp kolaeakla, a ki ma metat bagürwómdakla; ki elklaza-koke pamakla, a ki ma abün pamkolpam mórrel baindakla samuan ngarkwatódó; kibü elklaza babulako, a kibü ma blaman elklaza asiko samuan ngarkwatódó.

Morroal Bóktan Yesunkwata, Mak Ne Bóktan Wialómórr 16:10

Wa we natókórr, Yesun ngibürr gómdamal we nüzazilóp, i nóma yón gyaur akó yón kwarilürr.

Zud Ne Peba Mórrag Wialómórr 1:24

God gaodóma yabü tangbamtinüm gorrgon bapón-gum tóbakagab akó yabü minggüpanan amarrum tóba wirri kómal zyóndü, kle-kle tonarr-koke akó wirri bagürwómpükü.

Morroal Bóktan Yesunkwata Luk Ne Bóktan Wialómórr 24:21

A ki ma nae aman kwarilnürrü wa nótóke, sab Isrrael pamkolpam wató ⌊aurdü amóne⌋! Ó ene tumum, ini ma aüd ngim ngürr yarile ene pokoa tómbapónóm.

Galatia 5:22

A Godón Samua mibü nóma balngomólda, wa we küp bapónda mibüka: moboküpdü ubi, bagürwóm, paud, zao-zao tonarr, morroal tonarr, morroal tulmil, amkoman moboküp,

Rrom 5:11

Wata ene pokoan tebe koke, a mi akó ta bagürwómdümakla ene klamdógabi, God ne kla tónggapónórr mibünkü mibü Lod Yesu Kerrisokama. God mibü gódam tangunóp oyakama.

Morroal Bóktan Yesunkwata Luk Ne Bóktan Wialómórr 24:17

Yesu ibü we nümtinürr wagó, “Ia e laróbóka apóndamli e inizan tótókdamli?” Ibü tótóka we piküp bainürr, gyaur obzeke.

Morroal Bóktan Yesunkwata Luk Ne Bóktan Wialómórr 23:27

Wirri pamkolpamab ngoroa zutalórr Yesun solkwat. Abün kola yón gyaur akó yón amto kwarilürr oyabókamde.

Aesaya 61:3

akó Zaeonóm nidi yón gyaurdako, ibü igó elklaza aliónüm agurr kingan müóngdur, a urtók buru koke, bagürwóm, a yón gyaur koke, agür wórr, a wirri gyaur koke. I sab morroal nugupzan korale, Lod tüób ne kla iritürr. I sab blamana tómbapónórre dümdüm ne klamko, akó ngibürr pamkolpama Godón ngi wirri kwitüm emngyelnórre wa ne kla tómbapólórr.”

Okaka Amzazirrün Kla 18:7

Wa tóba ngizan wirri kwitüm amngyel warilürr, akó wa abün mórrel elklaza tumumzan ngyabelórr, oya inzan wirri azid okya akó yón gyauran ngizuta. Zitülkus módóga, wa tóba moboküpdü igó poko bóktando wagó, ‘Ka kwinzan mórrandóla kólba mórran klamdó. Ka kóble kokela, akó kürü sab yón gyaur babulan yarile.’

Okaka Amzazirrün Kla 11:10

Ini tüpan pamkolpama sab ikub bagür akó barnginwóm korale zitülkus i büdülamli, akó ⌊gyaur kla⌋ sab gómdamaldó zirrbapón korale, zitülkus ini nis prropet nisa kolaean azid gail namülnürri blaman pamkolpamdó, ini tüpdü nidi ngyaben koralórr.

Morroal Bóktan Yesunkwata Zon Ne Bóktan Wialómórr 16:33

Ka yabü ini poko kuri nüzazilnüma, igósüm yabüka paud asi ki yarilün e kürüka arróbórrónzanakla. Ini tüpdü e sab azid aeng koralo. Da e sab karrkukus bórrangke: ka ini tüpan arüng kuri emkóla!”

Morroal Bóktan Yesunkwata Zon Ne Bóktan Wialómórr 16:6

Ka yabü ini pokozan nüzazilnüma, da yabü moboküpdü ma kari gyaur kokea.

Morroal Bóktan Yesunkwata Luk Ne Bóktan Wialómórr 22:62

Pita ene müót pul basirrdügab pulkaka burruanórr, da wirribóka yónüm we bainürr.

Morroal Bóktan Yesunkwata Luk Ne Bóktan Wialómórr 22:45

Yesun tórea nóma blakónórr, wa bupadórr akó alkomólórr tóba umulbain olmaldó. Wa ibü utüdi tómrrónóp, zitülkus gyaura ibü genggorraman ngibtanórr.

Morroal Bóktan Yesunkwata Luk Ne Bóktan Wialómórr 6:21

Bagürwóm yadipakla, errkya alom nidipakla, zitülkus yabü bikóm sab byamrókórrón kwarile! Bagürwóm yadipakla, errkya nidi yóndako, zitülkus e sab ngüóng órnae kwarilo!

Morroal Bóktan Yesunkwata, Mak Ne Bóktan Wialómórr 14:72

Tai ene pokoandó, karrakarra póyaea akó we bóktanórr, da Pitan ugón ngambangólórr, oya Yesu ngaen-gógópan ne poko yalórr wagó, “Karrakarra póyaea nis münüm bóktan küsil yarile, ma kubó aüd münüm ugón kalpino magó, ma kürübóka umul-kókla.” Da wa we yón sabinürr.

1 Tesalonika 1:6

E kibü akó Lodón atanin kwarilnürrü, zitülkus e kibü bóktan yazebnarre bagürwómpükü, enana ngibürr kolpama yabü müp nüliónónóp, olgabi e wirri azid aeng kwarilnürrü. Ene bagürwóma Godón Samudügab tótókda.

Morroal Bóktan Yesunkwata Zon Ne Bóktan Wialómórr 20:20

Ene bóktan poko kakóm, wa tóba tang nis akó mobob we nómtyenóp. Oya umulbain olmalab moboküpdü wirri bagürwóma tübangrinürr, Lodón akó nóma esenóp.

Metyu 21:38

Ene grreip apap ngakan pama aban olom nóma esenóp, i tibióbka bóktónóp wagó, ‘Ene olom módóga, ini grreip apap sab nótó ipüde. Yao! Mi errkya büdülümpükü amkaldakla, akó oya aban elklaza sab midi iade yazebrre, aban büdül kakóm!’