Morroal Bóktan Yesunkwata Zon Ne Bóktan Wialómórr 15:24 - Godón Buk

²⁴ Ka ne arüng tórrmen tómbapórró ibü aodó, darrü pama kokean tónggapónórr. Ka ne ene arüng tórrmen koke nóma ki tómbapórró, pamkolpamab kolae tonarr babul ki kwaril. Da i ma ene arüng tórrmen kuri nósenóp, da i wata kürü akó Abpükü alzizi amanikdako.

Morroal Bóktan Yesunkwata Zon Ne Bóktan Wialómórr 15:24 Referans Kwoze

Morroal Bóktan Yesunkwata Zon Ne Bóktan Wialómórr 14:9

Yesu oyaka bóktanórr wagó, “Ini kokrrap ngyabende ka asi namülnürrü yenkü. Da ma umul-kók iadela kürübóka, Pilip? Darrüpa ne kürü nóma kósene, wa ta kuri esene Ab, da ma iade bóktóna wagó, ‘Kibü Ab tómtyenónóm’?

Morroal Bóktan Yesunkwata Zon Ne Bóktan Wialómórr 5:36

Zon kürükwata bóktanórr pamkolpamdó, kürü pupainüm. A kürü wirrian kla asine Zonón bóktandógab: ka küób ne zaget tómbapóndóla. Kürü Aba ne zaget küliónürr tómbapónóm, ene pupainda Aba ta kürü zirrkapónórr.

Morroal Bóktan Yesunkwata Zon Ne Bóktan Wialómórr 10:37

Ka ne kólba Aban arüng tórrmen koke nóma ki tómbapón namüla, e kürü igósidi amkoman angun-gu.

Morroal Bóktan Yesunkwata Zon Ne Bóktan Wialómórr 10:32

Yesu ibüka bóktanórr wagó, “Ka abün morroal arüng tórrmen tómbapólórró yabü obzek kwata, Aba kürü ne kla küliónürr tómbapónóm; da e wa kürü nadü arüng tórrmendógab ingülküpi amkalóm angóndakla?”

Morroal Bóktan Yesunkwata Zon Ne Bóktan Wialómórr 9:32

Ngaendógab, zitül pokodó, kókó ta errkya, darrü pama kokean arrkrrurr igó, ilküküp murrbausürrün nótó tómtómólórr, pama oya ilküküp ngaen nomgolórr.

Morroal Bóktan Yesunkwata Zon Ne Bóktan Wialómórr 7:31

Ene pamkolpamab ngorodógab abüna oya amkoman yangunónóp, da i bóktanónóp wagó, “Ene Kerrisoa sab nóma tame, da ia wa sab amkoman abün wirrian tulmil tómbapón yarile, Godón arüng pupainüm, ini pamdógab?”

Morroal Bóktan Yesunkwata Zon Ne Bóktan Wialómórr 3:2

Darrü irrüb, wa Yesuka wamórr. Oyabóka wagó, “Rrabi, ki umulakla ma umulbain pamla, ma Godkagabi tamórró. Darrü pama inzan ⌊wirri tulmil⌋ kokean okaka imzazile Godón arüng pupainüm, mazan tómbapóndóla, ngarkwat kókó ta God oyaka asi yarile.”

Metyu 9:33

Yesu kolae samu nóma amanikürr, ene pama bóktan we ngarkwat bókyanórr. Pamkolpamab ngoroa gübarirr aengóp. I tibióbka bóktanónóp wagó, “Mi ngaen ta inzan kla kokean esenóp ae Isrraelóm!”

Zeims 4:4

E kol gómól pamzanakla! Ia e umul-kókakla wagó, e tüp gódam nóma angundakla, e Godón gómdamal kokeakla? We ngarkwatódó, nadü oloman ubie tüpan gódamóm bainüm, wa igósidi Godón gódamóm-koke baine.

2 Timoti 3:4

I sab tibiób gómdamal kolae kolpamab tangdó urrbule. I sab zóngang korale elklaza tómbapónóm gyagüpitótók-koke. I sab tibiób bagürnórre. Ibü ubi tibiób büban ubi tómbapónóm yarile akó ibü moboküpdü ubi koke yarile Godka.

Rrom 1:30

i obae bóktan alióndako ngibürrabkwata panzedó, i Godón alzizi amaikdako, i ngibürr pamkolpam morroal-koke angóndako, i gyagüpi tótókdako wagó, i morroalako ngibürr pamkolpamdógab, akó i ikub bagürdako. I küsil kwat kuri eserre kolaean tulmil tómbapónóm. I tibiób aipalabalab bóktan koke arrkrrudako.

Morroal Bóktan Yesunkwata Zon Ne Bóktan Wialómórr 12:45

Kürü nótó asenda, wa ta oya kuri esene, kürü nótó zirrkapónórr.

Morroal Bóktan Yesunkwata Zon Ne Bóktan Wialómórr 6:36

Ka yabü enezan nilarre: e wa kürü asen koralnórró, da e ma kürü amkoman koke angundakla.

Morroal Bóktan Yesunkwata Luk Ne Bóktan Wialómórr 24:19

We imtinürr wagó, “Laró pokoa tómbapónórr?” I bóktan we yalkomórri wagó, “Yesunkwata, Nazarretgab! Wa prropet yarilürr, wirri tomkompükü bóktande akó tórrmende, Godón akó blaman pamkolpamab obzek kwata.

Morroal Bóktan Yesunkwata, Mak Ne Bóktan Wialómórr 2:12

Dümdüman ene pama bupadórr, tóba nyórr ipadórr, da we wamórr blaman pamkolpamab obzek kwata. I blamana gübarirr aengóp akó i Godón we yagürnóp. I igó zwapólórr wagó, “Iba, inzan kla ta mi ngaen kokean esenóp!”

Metyu 21:32

Zon Baptaes Bain Pama yabü dümdüm kwat mamoanóm umul bainüm tamórr, da e oya amkoman koke yangunarre, a taks mani dakabain pam akó popa kwatódó agól kol, i ma oya amkoman yangunóp. E go ene kolae tonarr pamkolpamab amkoman bangun esenarre, da e yabiób gyagüpitótók koke izazinarre Zonón amkoman angunüm, solodó.

Metyu 11:5

ilküküp murrbausürrün nidi kwarilürr, errkya basendako, akó wapór bidal nidi kwarilürr, errkya agóldako. Soso azid nidi balmilnóp, errkya dólóng airrünako. Güblang murrbausürrün nidi kwarilürr, errkya arrkrrudako. Büdül nidi kwarilürr, akó arrólako. Akó elklaza-koke pamkolpama Godón Morroal Bóktan arrkrrudako.

Bazeb Tonarr 20:5

Singül tüp alókgu darrü dandangdó ó ótókgu ene kla, zitülkus ka Lodla, yabü God, akó ka gyagüp kolaea amkal Godla. Ka ibü olmalbobatal ⌊kolaean darrem⌋ alióndóla, kürü nibiób abala alzizi amanikdako, tai ibü olmaldógab kókó aüd ó tokom lüól olmalbobataldó, ibü abalab kolae tonarranme.

Morroal Bóktan Yesunkwata Zon Ne Bóktan Wialómórr 12:10

Da wirri prrista bóktan ingrinóp Lazarrusünpükü ta amkalóm,

Morroal Bóktan Yesunkwata Zon Ne Bóktan Wialómórr 9:41

Yesu ibüka bóktanórr wagó, “E ne blaman amkoman ilküküp murrbausürrün nóma ki kwarila, e kolae tonarrpükü igósidi koke ki kwarila. A e ma igó bóktandakla wagó, ‘Ki basendakla’; oya küp módóga: yabü blamanab kolae tonarr duduako.”

Morroal Bóktan Yesunkwata Zon Ne Bóktan Wialómórr 15:21

Da i sab yabü inzan nangónórre, zitülkus e kürü kólbananakla, akó zitülkus i wa tai umul kókako kürü nótó zirrkapónórr.

Morroal Bóktan Yesunkwata Zon Ne Bóktan Wialómórr 15:22

Ka ne koke nóma ki tama, akó ka ne koke nóma ki bóktóna ibüka, pamkolpamab kolae tonarr babul ki kwaril; da ene ma ka kuri tama, i kokean balpirre wagó, ‘Ki kolae tonarr koke tómbapóndakla.’

Morroal Bóktan Yesunkwata Zon Ne Bóktan Wialómórr 15:23

Kürü nidi alzizi amanikdako, kürü Ab ta inzan alzizi amanikdako.

Morroal Bóktan Yesunkwata Zon Ne Bóktan Wialómórr 16:9

Kolae tonarrankwata wa sab ibü nilórre: ibüka kolae tonarr asine, zitülkus i kürü amkoman koke angundako.