Morroal Bóktan Yesunkwata Zon Ne Bóktan Wialómórr 12:36 - Godón Buk

³⁶ Zyón amkoman yangunam yabüka aezane, igósüm e sab zyóndü pamkolpam kwarilo.” Yesun ini bóktan kakóm, wa tebe püóran we wamórr aniküm pamkolpamdógabi.

Morroal Bóktan Yesunkwata Zon Ne Bóktan Wialómórr 12:36 Referans Kwoze

Epesus 5:8

Zitülkus módóga, ngaen e tümündü koralnórró, a errkya ma e zyóndümakla, e Lodka dabyórrünzanakla. Da e wata igó olmalzan ngyaben koralo, zyóndü nidipako.

1 Tesalonika 5:5

Zitülkus módóga, e blaman ngürran akó zyónan olmalakla morroal dümdüm elklaza tómbapónde. Mi tümün kwatan akó irrüban olmal kokeakla kolae elklaza tómbapóndógab.

Morroal Bóktan Yesunkwata Zon Ne Bóktan Wialómórr 8:59

Da i ingülküp dakainóp oya amkalóm. A Yesu anikürr, da Godón Gyabi Müót we amgatórr.

Morroal Bóktan Yesunkwata Luk Ne Bóktan Wialómórr 16:8

Wirri pama nóma arrkrrurr, wa ene ilklióbülión pam yagürürr wa enezan ⌊wirri gyagüpitótóke⌋ tónggapónórr, igósüm oya sab gómdamal asi kwarile ibüka ngambangólóm. Ka ini poko bóktandóla, zitülkus ini tüpan pamkolpam wirri ilklióbülión gyagüpitótók isako, i tibiób kamdal iazan bangóndako. A zyóndü ngyaben pamkolpam ma inzan kokeako.

Morroal Bóktan Yesunkwata Zon Ne Bóktan Wialómórr 11:54

Ene zitüldü, Yesu panzeana myamem koke agóltagól yarilürr Zudia kugupidü, da wa ene poko amgatórr. ⌊Ngüin-koke bwób⌋ minggüpanandó wamórr, darrü wirri basirrdü ngi Eprra-im. Wa tóba umulbain olmalpükü kya ola yarilürr.

Morroal Bóktan Yesunkwata Zon Ne Bóktan Wialómórr 1:7

Ene oloma tamórr pamkolpamdó büdrratóm ene zyónankwata. I blamana ki barrkrrue, igósüm zyón amkoman ki yangurre.

1 Tesalonika 5:8

A midi, mi ngürr zyónan pamkolpamakla, da mibü gyagüpitótók wata dümdüm ki koralón. Mi wata Yesun metat amkoman yangunórre, mibü ⌊moboküpdü ubi⌋ metat asi yarile ngibürr pamkolpamdó, akó mi metat ⌊gedlóngóm bainórre⌋ Yesu mibü zidbain oloma, igósüm mi mibiób bódlangnórre, Rrom gazirr pama tóba dalgüp akó singülzan ngablaoda tóba bódlangóm.

Morroal Bóktan Yesunkwata Zon Ne Bóktan Wialómórr 3:21

Nadü pama Godón amkoman bóktan ngarkwatódó ngyabenda, wa zyóndü kuri tame. Ene igósüm, sab emzyetórre wagó, wa tóba tórrmen tulmil Godón amkoman angundi tómbapónda.”

Metyu 21:17

Yesu ene pamkolpam ene wirri basirrdü nümgütóp. Wa we wamórr Betani basirrdü. Ene irrüb ola umtulürr.

Metyu 5:14

“E ne klamakla, zyón klamzanakla ini tüpan pamkolpamabkü. Podo kwitüdü aelórrón ne wirri basirre, wa anikürrün ta kokea.

Morroal Bóktan Yesunkwata Zon Ne Bóktan Wialómórr 8:12

Yesu akó Parrisidü bóktanórr wagó, “Ka küób zyónla ini tüpankü. Nadü pama kürü mamoan yarile, sab arról akyan zyón ipüde. Wa myamem tümün kwatódó koke agól yarile.”

Morroal Bóktan Yesunkwata Zon Ne Bóktan Wialómórr 12:37

Yesu wa go ene pamkolpamab obzek kwata abün wirri tulmil tómbapón yarilürr Godón arüng pupainüm, da i oya ta amkoman kokean yangunónóp.

Morroal Bóktan Yesunkwata Zon Ne Bóktan Wialómórr 12:46

Ka wa ini tüp zyón akyanóm tamórró. Kürü amkoman nidi kangurre, i sab metat tümündü koke kwarile.