Bwób Zitül 8:2 - Godón Buk

² Ene aumana tüp kugupidü arób nae, akó kwitüm nae mamtaepükü murrnausóp. Da wirri ngupa amil piküp bainürr kwitüdügab.

Bwób Zitül 8:2 Referans Kwoze

Bwób Zitül 7:11

Noa 600 pail nóma yarilürr, 17 ngim ngürrdü, nis ngim melpalan, blaman tüp kugupidü arób naea wirri arüngi ugón bónganórr, akó nae mamtae tapanukuóp kwitüdü.

Metyu 8:9

Ka umulóla marü gaodóma ini poko tónggapónóm, zitülkus ka küób igó olomla, ka ngibürr pamab tüpana zagetdóla. Akó ngibürr gazirr pam asiko, kürü tüpana nidi zagetódako. Ka kubó darrü igó nóma ilo igó, ‘Wam!’ wa kubó wame. Akó darrü igó nóma ilo igó, ‘Tam!’ wa kubó tame. Ka kólba leba zaget olom igó nóma ilo igó, ‘Ene kla tólael!’ wa kubó tólaele. Enta inzana, azida marü bóktan kuri arrkrrue!”

Zona 2:3

Lod, ma kürü kümaikürrü wirri buku bwóbdü, tai kókó ka malu tüp emrrarró, kürü blaman naea ne mamtae kotarr kónómórr, ó blaman marü ne arüng goblol kwarilürr, kürü kwitana arrgrrat kwarilürr.

Bwób Zitül 7:4

Zitülkus módóga, 7 ngürr kakóm ka sab ngup ugón zirrsapono ini tüpdü. Sab ngupa 40 ngürrüm akó 40 irrübüm timilóle, da ka ini tüpdügabi blaman arról elklaza simrüko, ka ne kla tómbapórró.”

Bwób Zitül 7:12

Da ngupa ugón bókyanórr wirri arüngi amil, 40 ngürr akó 40 irrübüm.