Tito 1:11 - Totonac Coyutla

¹¹ Xli̠­hua̠k tama̠­ko̠lh hua̠nti̠ chuná tala­má̠­nalh ca̠mi­ni̠niy pi̠ naca̠­ma̠­quilh­cac­sa­yá̠hu porque luu aka­tiyuj tat­la­hua­má̠­nalh maka­pi­tzí̠n cris­tianos hua̠nti̠ aya tali̠­pa̠­huán Jesús y hasta maka­pi­tzí̠n xli̠­hua̠k hua̠ntu̠ pu̠tum tahui­lá̠­nalh nac aktum chiqui. Xlacán tama̠­si­yut­la̠­huán hasta hua̠ntu̠ niaj para ca̠mi­ni̠niy nata­ma̠­siyuy, pero huá chuná tali̠t­la­hua­má̠­nalh porque xlacán caj tumi̠n tali̠­tla­ja­má̠­nalh.

Tito 1:11 Referans Kwoze

2 Timoteo 3:6

Hua­tuní̠n tama̠­ko̠lh lac­chix­cu­huí̠n hua̠nti̠ maka­pi­tzí̠n tali̠­taxtuy pi̠ luu tali̠­pa̠­huán Dios y taliakchu­hui̠nán xta­chu­huí̠n, y hasta taán tala­ka­pa­xia̠lhnán nac xchiccán a̠ma̠ko̠lh laka­hui­tiní̠n lac­chaján hua̠nti̠ tatit­la­huani̠t lhu̠hua tala̠­ka­lhí̠n nac xla­ta­ma̠tcán, y ma̠squi tali̠­li̠­pu­huán caj xpa̠­la­cata hua̠ntu̠ li̠xcáj­nit tatit­la­huani̠t niaj lay talak­makán hua̠ntu̠ tat­la­huay.

1 Timoteo 6:5

Ne̠c­xnicú lak­sputa xta­si̠­tzicán tama̠­ko̠lh hua̠nti̠ ni̠lay taaka­ta̠ksa xta­lu­lóktat Dios porque caj xma̠n huá taka­lhi̠y xali̠xcáj­nit xta­la­ca­pa̠s­tac­nicán, porque xlacán xma̠n talac­pu­huán pi̠ xli̠­hua̠k hua̠nti̠ li̠tanu̠y naca̠­pux­cuniy cris­tianos hua̠nti̠ tali̠­pa̠­huán Cristo ni̠para tzinú tuhua caj u̠cu nat­lajay lhu̠hua tumi̠n.

Romanos 3:19

Aquinín catzi̠­yá̠hu pi̠ a̠má xli̠­ma̠­peksí̠n Moisés hua̠ntu̠ tatzok­ta­hui­lani̠t nac li̠kalh­ta­huaka, hui­xinín ca̠ma­ca­ma̠x­qui̠­ca­ni̠­tátit la̠qui̠ nama̠­kan­tax­ti̠­yá̠tit hua̠ntu̠ antá huan, pero cumu ni̠chuná qui̠­tax­tuni̠t pus chú ni̠lay cati­ta­la­cat­la̠n­tí̠tit huata caj nacac­squi­lhuaná̠tit acxni̠ Dios naca̠­ta̠t­la­huay cuenta xli̠­hua̠k cris­tianos hua̠nti̠ tala­má̠­nalh ca̠quilh­ta­macú caj xpa̠­la­cata xta­la̠­ka­lhi̠ncán y na̠ mac­xtum namak­pa̠­ti̠­na­ná̠tit.

Tito 3:10

Para cha̠tum cris­tiano natzucuy ca̠ma̠­paj­pi­tziy y ca̠ma̠­la­kas­pit­ya̠­huay maka­pi­tzí̠n hua̠nti̠ aya tali̠­pa̠­huán Cristo, pus luu laca­ti̠tum cahuani maktum osuchí maktiy xla­cata pi̠ ni̠chuná cali̠­cá­tzi̠lh. Pero para ni̠ naka­lha­kax­matá̠n hua̠ntu̠ nahua­niya, entonces maktum cat­la­kaxtu y niaj cama̠xqui tala­cas­quín naca̠­ta̠­ta­mac­xtu­mi̠yá̠n.

Tito 1:9

Xli̠­ca̠na pi̠ huá luu xli̠­ca̠­nájlat y xli̠­ma̠­kan­táxti̠t a̠má xatlá̠n xta­la­ca­pa̠s­tacni Dios hua̠ntu̠ aquinín quin­ca̠­ma̠­cuentaj­li̠­ca­ni̠tán nama̠­si­yu­yá̠hu la̠qui̠ huá tla̠n naca̠­li̠­ma̠akpu­huan­ti­yani̠y y naca̠­li̠­ma̠aka­ta̠k­sni̠y xa̠maka­pi­tzí̠n hua̠nti̠ talac­la­ta̠­ya­má̠­nalh nac xta­ca̠­naj­latcán, y la̠qui̠ na̠ tla̠n naca̠­li̠­ma̠­kalh­chu­hui̠ni̠y a̠ma̠ko̠lh hua̠nti̠ hui­lhaj tali̠­la­má̠­nalh xta­la­ca­pa̠s­tac­nicán y ma̠rí tala­ca­ta̠­qui̠nán.

Tito 1:7

Porque a̠má cris­tiano hua̠nti̠ lakaya xta­scújut nac xlak­sti̠­pa̠ncán hua̠nti̠ tali̠­pa̠­huán Cristo xli̠­ca̠na pi̠ luu aksti̠tum xli̠­la­ta­ma̠tcán la̠qui̠ li̠huana̠ nata­ma̠­kan­taxti̠y xtas­cu­jutcán nac xla­catí̠n Dios. Ne̠c­xnicú luu tali̠­pa̠hu cama­klhca­tzí̠­calh, na̠ ni̠para mini̠niy xasi̠­tzí̠n nahuán, ni̠ mini̠niy xakotni nahuán, xa̠huachí ni̠ xli̠­tat­lan­cá̠ni̠t, na̠ ni̠para xli̠­la­ka­ti̠­la­cá̠nat lácu na­tlajay lhu̠hua tumi̠n.

2 Corintios 11:10

Chuná cumu la̠ cta­lu­loka pi̠ xli̠­ca̠na cli̠­pa̠­huán Jesús na̠chuná cta­lu­loka pi̠ ni̠para cha̠tum cris­tiano caquin­ti­lac­tla­huá­nilh quin­ta­pa̠­xu­huá̠n la̠ta cca̠­liakchu­hui̠­naniy cris­tianos xalac Acaya xta­chu­huí̠n Cristo y ni̠para aktum cen­tavo cca̠­ma̠­ta̠ji̠y.

San Lucas 20:40

Huata niaj tícu tla­huá­nilh takalh­pu­tzá̠n.

San Juan 10:12

Pero a̠má tasa̠cua hua̠nti̠ caj mak­scujma la̠qui̠ nat­lajay tumi̠n y ma̠cuentaj­li̠cán, acxni̠ xlá ucxilha pi̠ mímaj ca̠huay la̠páni̠t, xlá naca̠­tza̠­la­makán a̠má bor­regos; y amá la̠páni̠t tzucuy ca̠pu̠t­lakay y ca̠huay bor­regos, y huá chuná li̠t­la­huay porque a̠má chixcú ni̠ huá luu xpu̠­chi­nacán bor­regos y ni̠tlá̠n xmak­ta­kalh­nacán.

San Mateo 23:13

’¡Koxu­tacu tihua­ná̠tit hui­xinín xma̠­kalh­ta­hua­ke̠­nacán judíos chu hui­xinín fariseos porque hui­xinín luu xaaksa­ni̠­naní̠n! La̠n pim­pá̠tit pa̠ti̠­na­ná̠tit porque hui­xinín ca̠ma̠­lac­chu­hua­ni­yá̠tit xamá̠­lacchi hua̠nti̠ tata­nu̠­putún nac xta­péksi̠t Dios la̠qui̠ ni̠tícu natanu̠y. Hui­xinín ni̠ tanu̠­pu­tu­ná̠tit nac xta­péksi̠t Dios, y na̠ni̠­para ca̠mak­xte­ká̠tit xla­cata nata­ta­nu̠­ya̠chá hua̠nti̠ xli̠­ca̠na tata­nu̠­putún.

1 Timoteo 5:4

Pero para cha̠tum pu̠ni̠ná tahui­lá̠­nalh xca­maná̠n osuchí xna­ta̠­natni, hua­tuní̠n ca̠mi­ni̠niy nata­ca­tzi̠y lácu xli̠­mak­ta̠­yatcán xli̠­ta­la­ka­pas­nicán, xli̠­pa̠x­qui̠tcán xtla̠tcán porque huá u̠má tapa̠x­qui̠t hua̠ntu̠ lakati̠y Dios.

1 Timoteo 5:13

Xa̠huachí cumu para ni̠tu̠ xli̠t­la­huatcán nac xchiccán lacatum lacatúm taán nac chiqui tapa­xia̠lhnán y luu xalac­lhqui­titni tahuán, ni̠ caj xma̠n xalac­lhqui­titni sinoque hasta xaaksa­ni̠­naní̠n taqui̠­taxtuy, caj xma̠n taucxilh­ta̠k­chokoy hua̠ntu̠ lama y tali̠­chu­hui̠nán hasta hua̠ntu̠ ni̠ xli̠­hua­natcán.

2 Timoteo 2:18

Cumu niaj chuná taca̠­najlay xta­lu­lóktat Dios xlacán tahuán pi̠ acxni̠ nani̠­yá̠hu niaj cati­la­cas­ta­cuanáhu nac ca̠li̠ní̠n porque la̠ qui­li̠­la­cas­ta­cuanatcán xuani̠t aya kan­tax­tuni̠t nac qui­la­ta­ma̠tcán, chuná taliakchu­hui̠­nam­pu̠lay y lhu̠hua cris­tianos aka­tiyuj ca̠t­la­hua­nima xta­ca̠­naj­latcán.