San Lucas 12:45 - Totonac Coyutla

⁴⁵ Pero luu ni̠para tzinú tla̠n hua̠ntu̠ naok­spulay hua̠nti̠ ni̠tlá̠n xta­pu­huá̠n cha̠tum tasa̠cua, xlá nalac­pu­huán pi̠ ni̠naj pála catí­chilh xpatrón porque ma̠x namaka­palay; huata tu̠ xlá nat­la­huay caj natzucuy ca̠ma̠­pa̠­ti̠ni̠y maka­pi­tzí̠n tasa̠­cuá̠n, na̠chuná hua̠nti̠ antá tas­qui­ti­hui̠­na­má̠­nalh lac­pus­ca̠tní̠n, xa̠huachí caj natzucuy li̠huana̠ hua̠yán y natzucuy kota y la̠n naka­chi̠y.

San Lucas 12:45 Referans Kwoze

Apocalipsis 18:24

Huá chuná li̠ma̠­pa̠­ti̠­ní̠­calh porque u̠má ca̠chi­quí̠n hua̠nti̠ lac­xtum ca̠ta̠lé̠n cuentaj hua̠nti̠ ca̠s­taj­makani̠t xkalh­nicán lhu̠hua a̠ma̠ko̠lh pro­fetas, xa̠hua cris­tianos hua̠nti̠ xta­li̠­pa̠­huán Dios, xa̠hua xli̠­hua̠k xca̠­naj­laní̠n hua̠nti̠ ca̠mak­ni̠­cani̠t la̠ta xli̠­ca̠­lanca ca̠quilh­ta­macú.

Apocalipsis 16:6

Chuná ca̠mi­ni̠niy la̠ta ca̠ma̠­pa̠­ti̠­ní̠pa̠t cumu xlacán na̠chuná tamaka­pa̠­tí̠­nalh y hasta tamak­ni̠­nan­kolh a̠ma̠ko̠lh cris­tianos hua̠nti̠ huix xca̠­lac­sac­ni̠ta la̠qui̠ nata­li̠­pa̠­huaná̠n, na̠chuná tat­la­huá­nilh a̠ma̠ko̠lh pro­fetas hua̠nti̠ xta­liakchu­hui̠­naná̠n. La̠nchú huix na̠chuná ca̠li̠­ma̠­pa̠­ti̠­ní̠pa̠t y ca̠ma̠ucxilh­ní̠pa̠t lhu̠hua kalhni. ¡Xli̠­ca̠na pi̠ luu chuná ca̠mi­ni̠niy!

2 San Pedro 2:19

Xlacán tahuaniy xta­ma̠­kalh­ta­hua­ke̠ncán pi̠ nata­mak­ta̠yay la̠qui̠ nata­ka­lhi̠y lak­táxtut ma̠squi mismo hua­tuní̠n na̠chuná xta­chi̠ncán ca̠t­la­huani̠t xali̠xcáj­nit tala­ca­pa̠s­tacni; porque xli̠­hua̠k cris­tianos hua̠nti̠ ca̠maka­tla­jani̠t xali̠­xcájnit xta­la­ca­pa̠s­tacni xta­chi̠ncán ca̠t­la­huani̠t.

2 San Pedro 2:13

porque na̠ naca̠­ma̠­pa̠­ti̠­ni̠cán chuná cumu la̠ xlacán tati­ma̠­pa̠­ti̠­ni̠ni̠t xa̠maka­pi­tzí̠n cris­tianos. Ama̠­ko̠lh lac­li̠xcáj­nit ma̠kalh­ta­hua­ke̠­naní̠n tala­kati̠y tali̠­pa̠­xu­huay hua̠ntu̠ ni̠ ca̠mi­ni̠niy ma̠squi sta­lanca taca­tzi̠y pi̠ ni̠ maka̠s nata­li̠­pa̠­ti̠nán. ¡Luu lanca li̠ma̠­xaná ca̠qui̠­tax­tu­niyá̠n acxni̠ xlacán ca̠la­ka­na̠­chán anta­nícu mac­xtum li̠ta­hui­la­yá̠tit xta­chu­huí̠n Dios la̠qui̠ nala­ka­chix­cu­hui̠­yá̠tit, porque cumu sta­lanca tasiyuy pi̠ li̠xcáj­nit la̠ta tala­má̠­nalh, caj li̠huaca tali̠­pa̠­xu­huay hua̠ntu̠ taliaktzan­ka̠­ta̠­yani̠t!

1 Tesalonicenses 5:7

Porque hui­xinín catzi̠­yá̠tit pi̠ xli̠­hua̠k hua̠nti̠ talh­tatay, ca̠tzi̠sní talh­tatay, y hua̠nti̠ takot­tla̠­huán ma̠squi ca̠tzi̠sní taka­chi̠y.

2 Corintios 11:20

hua̠k ma̠t­la̠n­ti̠­yá̠tit la̠ta ca̠li̠­ma̠­pek­si̠yá̠n naca̠­li̠s­cu­já̠tit y ca̠ma̠x­qui̠­yá̠tit min­tu­mi̠ncán la̠qui̠ nata­li̠­pa̠­xu­huay, pero ni̠tu̠ hua­ná̠tit ma̠squi ca̠mak­ka­lha̠­nan­ca­ná̠tit, y hasta ca̠la­ka­ka­xi­ca­ná̠tit nac mila­cancán.

Romanos 16:18

Tama̠­ko̠lh lac­chix­cu­huí̠n ni̠ huá tas­cuj­ni­má̠­nalh Quim­pu̠­chi­nacán huata caj huá tat­la­hua­má̠­nalh hua̠ntu̠ sacstu xta­pa̠­xu­hua̠ncán, y caj xpa̠­la­cata lacuán xta­chu­huí̠ncán hua̠ntu̠ tahuán taliak­ska­huimi̠y a̠ma̠ko̠lh hua̠nti̠ xli̠­ca̠na tla̠n taka­lhi̠y xta­la­ca­pa̠s­tac­nicán.

San Mateo 22:6

Y maka­pi­tzí̠n caj tali̠­sí̠­tzi̠lh la̠ta xca̠­la­ka­lat­la̠­huancán, huata huakaj tachi­pachá xlac­scujni rey, la̠n tahui­lí̠­nilh, maka­pi­tzí̠n hasta ca̠mak­ní̠­calh.

San Lucas 12:44

Pus luu laca­tancs cca̠­hua­niyá̠n pi̠ a̠má patrón huata huá nama̠­cuentaj­li̠ko̠y xli̠­hua̠k hua̠ntu̠ xlá kalhi̠y nac xchic.

San Lucas 12:46

Cumu a̠má tasa̠cua chuná xlá lama, a̠má patrón caj xamaktum acxni̠ xlá nachín, pero cumu xlá ni̠para tzinú xlac­pu­huán para naminá, xlá ni̠tu̠ xka­lhi̠ma y ni̠ xli̠a̠ca­tzí̠hui para aya nalak­chincán, pus chuná xlá nama̠­pa̠­ti̠­ni̠cán cumu la̠ ca̠ma̠­pa̠­ti̠­ni̠cán hua̠k hua̠nti̠ taka­lha­kax­mat­makán Dios.

San Lucas 21:34

’Luu xli̠­ca̠na cuentaj cat­la­huátit min­quilh­ta­ma­cujcán ni̠tu̠ tili̠­mak­xte­ká̠tit mina­cujcán xla­cata huá naca̠­maka­tla­jayá̠n hua̠ntu̠ xalac­li̠xcáj­nit tapu­huá̠n, ni̠ caj naakkot­ta­pa̠­yá̠tit, y xa̠huachí ni̠ ca̠ta catu̠huá cala­ka­tí̠tit hua̠ntu̠ uú xala ca̠quilh­ta­macú, la̠qui̠ acxni̠ aquit nac­mim­páray ni̠tu̠ nac­ca̠­lak­chiná̠n acxni̠ ni̠ lia̠ca­tzi̠­hui­látit.

San Juan 2:10

y chiné huá­nilh: —Cani̠huá anta­nícu pa̠x­cuajnancán pu̠lh huá xatlá̠n vino ta̠hua­ni̠­nancán, y acxni̠ taputza lhu̠­huatá tahuani̠t, entonces a̠huatá ta̠hua­ni̠­nancán a̠má vino hua̠ntu̠ ni̠ luu xatlá̠n. Pero chi̠nchú huix a̠huatá ca̠ma̠x­quí̠pa̠t a̠má vino hua̠ntu̠ tlak xatlá̠n.

Hechos 2:18

Xli̠­hua̠k cris­tianos lac­chix­cu­huí̠n chu lac­chaján hua̠nti̠ quin­ta­li̠­pa̠­huán nac­ca̠­ma­ca­miniy quiEspíritu acxni̠ a̠má quilh­ta­macú la̠qui̠ caj xma̠n aquit naquin­ta­li̠­chu­hui̠nán.