Hebreos 4:9 - Totonac Coyutla

⁹ Huá xpa̠­la­cata cca̠­li̠­hua­niyá̠n pi̠ xli̠­ca̠na huí pu̠lactum xaca̠­li̠­pa̠­xúhu pu̠la­tama̠n anta­nícu nata­jaxa a̠ma̠ko̠lh cris­tianos hua̠nti̠ tali̠­pa̠­huán Dios.

Hebreos 4:9 Referans Kwoze

1 San Pedro 2:10

Minchá quilh­ta­macú hui­xinín ni̠para tzinú xlac­pu­hua­ná̠tit para pi̠ tla̠n xli̠­tax­tútit cumu la̠ xca­maná̠n Dios, pero la̠nchú xli̠­ca̠na xca­maná̠n Dios hui­xinín porque huá ma̠n ca̠lac­sac­ni̠tán; xapu̠lh hui­xinín ni̠ xca­tzi̠­yá̠tit para Dios xca̠­pa̠x­qui̠yá̠n pero la̠nchú tancs talu­lo­ká̠tit pi̠ Dios snú̠n ca̠pa̠x­qui̠yá̠n.

Apocalipsis 21:4

Xlá naca̠­la­ca­xacay la̠ta xta­la­kax­taj­má̠­nalh xpa̠­la­cata hua̠ntu̠ xta­li̠­ta­sa­má̠­nalh y niaj ne̠c­xnicú cati­tá­ni̠lh, ni̠para tícu cati­ta­tá­salh, niaj tu̠ cati­ta­li̠­pa̠­tí̠­nalh, para taca­tza­ná­juat, porque hua̠ntu̠ xapu̠lh xta­ka­lhi̠y xla­ta­ma̠tcán y xanán aya hua̠k lak­tzan­ka̠­ko̠ni̠t, y niaj tu̠ anán la̠nchú.

Hebreos 4:3

Pero aquinín hua̠nti̠ aya li̠pa̠­hua­ni̠­táhu xli̠­ca̠na pi̠ nata­nu̠­ya̠­chá̠hu nac a̠má li̠pa̠­xúhu pu̠la­tama̠n anta­nícu xlá quin­ca̠­ma̠­ja­xa­pu­tuná̠n porque chiné huan: Caj xpa̠­la­cata quin­ta­si̠tzi tancs cuá pi̠ ne̠c­xnicú cati­ta­ta­nu̠chá nac a̠má li̠pa̠­xúhu pu̠la­tama̠n anta­nícu xacámaj ca̠ma̠­jaxay. Caj xpa̠­la­cata hua̠ntu̠ huá Dios tancs xli̠­ma̠­ca­tzi̠­ni̠­nama pi̠ xlá anka­lhi̠ná jaxma, porque hasta la̠ta tima̠­la­ca­tzú­qui̠lh ca̠quilh­ta­macú xliaktujún quilh­ta­macú xlá tla­hua­ko̠lh xta­scújut.

Hebreos 4:1

Cumu la̠ a̠ma̠ko̠lh lak­maká̠n qui­li̠­ta­la­ka­pas­nicán, aquinín na̠ quin­ca̠­ma̠­lac­nu̠­nimá̠n aktum li̠pa̠­xúhu pu̠la­tama̠n anta­nícu tla̠n nata­jaxa qui­li̠s­tac­nicán, huá xpa̠­la­cata cca̠­li̠­hua­niyá̠n pi̠ li̠huán kalhi̠­ya̠hucú a̠má tama̠­lacnú̠n hua̠ntu̠ quin­ca̠­ma̠x­qui̠­caná̠n xla­cata pi̠ nata­nu̠­ya̠­cháhu anta­nícu Dios quin­ca̠­ma̠­ja­xa­pu­tuná̠n, xli̠­ca̠na pi̠ luu cuentaj qui­li̠t­la­huatcán qui­la­ta­ma̠tcán, chicá xamaktum tícu la̠ hui­xinín ni̠lay cati­ta­nu̠chá.

Hebreos 11:25

huata tla̠n tlá­hualh acxtum naán ca̠ta̠­pa̠ti̠y xli̠­hua̠k hua̠ntu̠ xca̠­li̠­ma̠­pa̠­ti̠­ni̠cán a̠ma̠ko̠lh cris­tianos hua̠nti̠ Dios xca̠­lac­sacni̠t naca̠­lak­ma̠xtuy y ni̠ ma̠t­lá̠n­ti̠lh naán mak­pa̠­xu­huay nac xlak­sti̠­pa̠ncán hua̠nti̠ luu lac­ta­li̠­pa̠hu y na̠ namak­tla­huay tala̠­ka­lhí̠n hua̠ntu̠ nali̠­pa̠­xu­huay.

Hebreos 3:11

Caj xpa̠­la­cata quin­ta­si̠tzi tancs cuá pi̠ ne̠c­xnicú cati­ta­ta­nu̠chá nac a̠má li̠pa̠­xúhu pu̠la­tama̠n anta­nícu xacámaj ca̠ma̠­jaxay.

Tito 2:14

Porque caj quim­pa̠­la­ca­tacán xlá tama­ca­má̠s­ta̠lh nac ca̠li̠ní̠n la̠qui̠ chuná naquin­ca̠­lak­ma̠x­tuyá̠n xpa̠­la­cata xli̠­hua̠k xali̠xcáj­nit quin­ta­la̠­ka­lhí̠ncán hua̠ntu̠ xquin­ca̠­li̠­lamá̠n cumu la̠ xta­chí̠n y la̠qui̠ chú caj xma̠n huá nata­pek­si̠­ni­yá̠hu y xma̠n huá nalak­tzak­sa­yá̠hu nat­la­hua­yá̠hu a̠má xta­scújut hua̠ntu̠ xlá quin­ca̠­ma̠t­la­hui̠­pu­tuná̠n.

San Mateo 1:21

Acxni̠ chú nala­ca­chín a̠má actzu kahuasa, huix nali̠­ma̠­pa̠­cu­hui̠ya Jesús. Huá xlá chuná nali̠­hua­nicán porque naca̠­lac­xa­paniy naca̠­ma̠­ta­ke̠­nu̠niy xta­la̠­ka­lhi̠ncán xli̠­hua̠k hua̠nti̠ nata­li̠­pa̠­huán.

Hebreos 4:8

Para a̠má xamaká̠n quilh­ta­macú Josué xti­ca̠­ta̠­ta­nu̠chá nac a̠má xaca̠­li̠­pa̠­xúhu pu̠la­tama̠n hua̠ntu̠ xca̠­ma̠­lac­nu̠­ni­cani̠t qui­li̠­ta­la­ka­pas­nicán pi̠ antá naca̠­ma̠­ja­xacán xli̠­ca̠na pi̠ Dios niaj xti­li̠­chu­huí̠­nalh a̠túnuj quilh­ta­macú.

Hebreos 4:10

Porque xli̠­hua̠k a̠ma̠ko̠lh cris­tianos hua̠nti̠ tata­nu̠­ya̠chá anta­nícu Dios ca̠ma̠­jaxay xli̠­ca̠na pi̠ li̠jaxko̠y xli̠­huak hua̠ntu̠ xka­lhi̠y xta­scújut, chuná cumu la̠ Dios jaxli xliaktujún quilh­ta­macú acxni̠ tla­hua­ko̠lh xta­scújut.

Apocalipsis 14:13

Na̠ acxni­tiyá ckáx­matli aktum tachu­huí̠n hua̠ntu̠ minchá nac akapú̠n, chiné qui­huá­nilh: —Hua̠k catzokti u̠má tachu­huí̠n hua̠ntu̠ nakax­pata: “Ca̠na li̠pa̠­xúhu naqui̠­tax­tuniy a̠má cris­tiano hua̠nti̠ acxni̠ nani̠y la̠tiyá li̠pa̠­huama nahuán Quim­pu̠­chi­nacán.” —Xli̠­ca̠na pi̠ chuná —huan xEspíritu Dios—, porque xlacán mak­tumá tu̠ nata­jaxa y niaj tu̠ cati­ca̠­li̠­ma̠s­cu­jú­calh, porque xlianka­lhi̠ná ca̠pa̠­la­ca­chu­hui̠­nama nahuán hua̠ntu̠ lacuán xtas­cu­jutcán tatit­la­huani̠t nahuán.