Filipenses 3:16 - Totonac Coyutla

¹⁶ Pero niaj tu̠ tiaktzan­ka̠­yá̠tit para hui­xinín aya laka­pas­ni̠­tátit hua̠ntu̠ Dios lacas­quín nata­ca­tzi̠y hua̠nti̠ tali̠­pa̠­huán, pus chuná cali̠­lak­tzak­sátit nac mila­ta­ma̠tcán.

Filipenses 3:16 Referans Kwoze

Colosenses 2:6

Cumu hui­xinín ma̠t­la̠n­tí̠tit Jesu­cristo naca̠­lak­ma̠x­tuyá̠n y Mim­pu̠­chi­nacán nahuán, pus na̠chuná chú ne̠c­xnicú caak­xtek­ma­kántit huata aksti̠tum cali̠­pa̠­huántit.

Apocalipsis 3:3

Cca̠­ma̠­la­ca­pa̠s­tac­ni̠yá̠n pi̠ huá cuentaj cat­la­huátit a̠má tla̠n tas­tac­ya̠hu hua̠ntu̠ pu̠lh tica̠­li̠­ma̠­kalh­chu­hui̠­ni̠­cántit, xma̠n huá cali̠­la­ta­pá̠tit li̠huana̠ cama̠­kan­tax­tí̠tit y caak­xtek­ma­kántit li̠xcáj­nit min­ta­la­ca­pa̠s­tac­nicán la̠qui̠ xma̠n Dios nali̠­pa̠­hua­ná̠tit. Para ni̠ ska­lalh lata­pa̠­yá̠tit xla­cata aksti̠tum naqui­la̠­li̠­pa̠­hua­ná̠hu, ni̠para xali̠­ta­ca­tzí̠n acxni̠ nac­lak­tax­tu­ya̠­chá̠n xta̠­chuná cumu la̠ li̠ca­tzi̠y cha̠tum kalha̠ná, acxni̠ ni̠ li̠a̠ca­tzi̠­hui­látit naca̠­lak­tax­tu­ya̠­chá̠n.

Gálatas 6:16

Dios caca̠­ma̠x­quí̠n lanca tapa̠­xu­huá̠n chu snu̠n caca̠­la­ka­lhamán xli̠­hua̠k hui­xinín hua̠nti̠ ma̠si­yu­yá̠tit nac mila­ta­ma̠tcán pi̠ chuná aksti̠tum lapá̠tit, xa̠hua xli̠­hua̠k a̠ma̠ko̠lh cris­tianos cani̠huá xalaní̠n hua̠nti̠ ca̠lac­sacni̠t la̠qui̠ na̠ xca­maná̠n naca̠­li̠­ma̠xtuy cumu la̠ hui­xinín.

Romanos 15:5

Y cumu huá Dios ma̠sta̠y li̠ca­mama xa̠hua li̠t­li­hueke aquit anka­lhi̠ná cli̠­ma̠­ka­tzanke̠y xla­cata pi̠ caca̠­ma̠x­quí̠n tla̠n tala­ca­pa̠s­tacni la̠qui̠ luu li̠pa̠­xúhu naca̠­ta̠­la­ta­pa̠­yá̠tit xli̠­hua̠k cris­tianos chuná cumu la̠ quin­ca̠­li̠­pu̠­la­ni­ni̠tán Cristo Jesús,

Filipenses 4:2

Luu cli̠­ma̠aka­tzanke̠y Evodia xa̠hua Sín­tique xla­cata pi̠ aktumá tala­ca­pa̠s­tacni cata­ká­lhi̠lh cumu la̠ li̠na­ta̠lán hua̠nti̠ tali̠­pa̠­huán Cristo.

Filipenses 2:2

pus luu cat­la­huátit li̠tlá̠n caqui­la̠­maka­pa̠­xu­huáhu caj xpa̠­la­cata pi̠ hua̠ntu̠ aksti̠tum cala­ta­pá̠tit, acxtum cala̠­la­ka­lha­mántit y cala̠­pa̠x­quí̠tit, aktumá tala­ca­pa̠s­tacni caka­lhí̠tit y pu̠lac­tumá hua̠ntu̠ caucxilh­la­ca­chi­pítit min­tas­cu­jutcán.

Filipenses 1:27

Caj xma̠nhuá eé tachu­huí̠n hua̠ntu̠ cca̠­hua­niyá̠n: pi̠ hua̠ntu̠ aksti̠tum cala­ta­pá̠tit chuná cumu la̠ mini̠niy nata­la­tama̠y hua̠nti̠ xli̠­ca̠na tali̠­pa̠­huán Quim­pu̠­chi­nacán, chuná acxni̠ cca̠­la­ka­na̠­chá̠n osuchí ma̠squi ni̠tu̠ cca̠­la­ka­ni̠­tan­chá̠n. Clak­pu­huán pi̠ anka­lhi̠ná xqui­lakchi tachu­huí̠n la̠ta xca̠­li̠­chu­hui̠­nan­cántit pi̠ chu­na­tiyá aksti̠tum li̠la­pá̠tit y li̠­scuj­pá̠tit a̠má min­ta­ca̠­naj­latcán hua̠ntu̠ kalhi̠­yá̠tit caj xpa̠­la­cata cumu li̠pa̠­hua­ná̠tit a̠má li̠pa̠­xúhu xta­chu­huí̠n Cristo hua̠ntu̠ ma̠sta̠y lak­táxtut.

Romanos 12:16

La̠ta cha̠­tunu cha̠­tunu cris­tianos hui­xinín acxtum caca̠­li̠­pu̠lh­cá̠tit pi̠ ni̠ti̠ li̠huacay; xa̠huachí ni̠ caj cala̠­la­ca­ta̠­quí̠tit huata acxtum caca̠­ta̠­ta­lak­xtu­pí̠tit hua̠nti̠ ni̠ lak­ska­lalán, y ni̠ caca̠­maklh­ca­tzi̠­cántit cumu la̠ lak­ska­lalán lac­chix­cu­huí̠n hua̠nti̠ hua̠k tala­ka­pasa la̠ta túcu.

Gálatas 5:7

Xli̠­ca̠na pi̠ aya aksti̠­tumá hui­xinín xla­pá̠tit, ¿tícu ca̠huanín y ca̠lac­tla­hua­ya̠­huán xla­cata pi̠ niaj cali̠­pa̠­huántit xta­lu­lóktat Dios?

Colosenses 4:2

Anka­lhi̠ná cakalh­ta­hua­ka­nítit Dios ni̠ cata­xlaj­uaní̠tit, y capa̠x­cat­ca­tzi̠­nítit caj xpa̠­la­cata hua̠ntu̠ tla­huani̠t nac mila­ta­ma̠tcán.