Apocalipsis 18:21 - Totonac Coyutla

²¹ Na̠ acxni­tiyá cúc­xilhli pi̠ cha̠tum tli­hue­kexní̠n ángel chex­tlá­hualh aktum lan­caxní̠n chí­huix xta̠­chuná cumu la̠ xachí­huix lanca molino, y lhkén máca̠lh nac pupunú, y chiné huá: Xta̠­chuná cumu la̠ lak­tzan­ka̠lh eé chí­huix na̠chuná pímpa̠t lak­tzan­ka̠ya huix lanca tali̠­pa̠hu ca̠chi­quí̠n Babi­lonia, y niaj ne̠c­xnicú catiucxilh­pa­rá­canti.

Apocalipsis 18:21 Referans Kwoze

Apocalipsis 5:2

Caj xamaktum cúc­xilhli cha̠tum lanca tali̠­pa̠hu ángel hua̠nti̠ xli̠­pix­cha̠­lanca xka­lhas­qui­ni̠­nama: —¿Tícu cahuá namac­la­yá̠hu hua̠nti̠ mini̠niy nax­ti̠­tac­ti̠niy hua̠ntu̠ li̠sel­lar­tla­hua­cani̠t u̠má libro la̠qui̠ tla̠n nama̠­la­ka­pi­tziy?

Apocalipsis 20:11

Aca­li̠stá̠n cúc­xilhli aktum lanca sna­papa xlac­tá­hui̠lh ma̠pek­si̠ná, na̠ cúc­xilhli hua̠nti̠ xlacui. Y la̠ta xac­la­ca̠ma antaní xlá xuí cúc­xilhli pi̠ caj xamaktum lak­sput­ko̠lh tíyat xa̠hua akapú̠n y niaj tu̠ tasí­yulh, lá̠m­para ni̠tu̠ xanán nac xla­catí̠n.

Apocalipsis 18:22

Ni̠aj para maktum cati­ta­káx­matli nac min­ca̠­ti­ji̠ní̠n para naca̠­ma̠­sa̠­ni̠cán la̠tachá túcuya̠ li̠t­lakni cumu la̠ arpa, lí̠spek xa̠hua trom­peta, y xli̠­hua̠k a̠ma̠ko̠lh tasa̠­cuá̠n xa̠hua scujní̠n hua̠nti̠ antá li̠pa̠­xúhu xta­ta­siyuy pi̠ xta­la­ta̠yay niaj ne̠c­xnicú cati­ta­ta­sí­yulh, na̠ ni̠para cati­ta­káx­matli para nama­ca­sa̠nán xachí­huix molino, huata caj luu ca̠tza­yanca nahuanko̠y.

Apocalipsis 16:20

Xli̠­hua̠k islas hua̠ntu̠ xta­hui­lá̠­nalh nac xla­quíta̠t pupunú talak­tzan­ka̠­ko̠lh, na̠chuná ca̠ke̠s­ti̠ní̠n,

Apocalipsis 12:8

Pero ni̠lay tamaka­tlá­jalh a̠má xapuxcu ángel Miguel, huata xlá ta̠yá­nilh y maktum tla­kax­tu­canchá nac akapú̠n.

Apocalipsis 18:10

Caj la̠ta xta­pe̠­cuacán ni̠para tzinú cati­ta­ma̠­la­ca­tzu­hui̠­pú­tulh, caj xma̠n mákat nata­ta̠­ya­ya̠chá y chiné nata­huán: ¡Koxutá huix lanca tali̠­pa̠hu ca̠chi­quí̠n Babi­lonia, xli̠­ca̠na pi̠ luu lhu̠hua hua̠ntu̠ xta­palh tumi̠n xka­lhi̠ya! Pero caj puntzú chilh lanca tapa̠tí̠n hua̠ntu̠ maktum ma̠lak­spu­tukó̠n.

Apocalipsis 10:1

Aca­li̠stá̠n chú cuc­xilhpá cha̠tum lanca tali̠­pa̠hu ángel hua̠nti̠ xta̠c­ta­ma̠chi nac akapú̠n hasta nac ca̠ti­yatni, xmima nac xlacni puc­lhni; nac xak­xa̠ka xuilá­nilh kantum li̠la­káti̠t cha̠­mac­xcúlit y xlacán luu li̠la­káti̠t xlak­skoy cumu la̠ chi­chiní, y xak­lhtantú̠n xta̠­chuná xta­siyuy cumu la̠ acxni̠ li̠pe̠cua take̠­ya̠­huay lhu̠hua lhcúya̠t.