1 Timoteo 2:15 - Totonac Coyutla

¹⁵ Pero cha̠tum pusca̠t tla̠n nalak­ma̠xtuy xli̠s­tacni para hua̠ntu̠ aksti̠tum naca̠­maka­staca xca­maná̠n, para hua̠ntu̠ laca­ti̠tum naca̠­pa̠x­qui̠y la̠tachá tícuya̠ cris­tianos, y hua̠ntu̠ aksti̠tum nali̠­pa̠­huán Quim­pu̠­chi­nacán.

1 Timoteo 2:15 Referans Kwoze

Tito 2:12

Pero a̠má xta­la­ka­lha­maní̠n Dios hua̠ntu̠ xlá quin­ca̠­ka­lhi̠­niyá̠n antá sta­lanca quin­ca̠­ma̠­ca­tzi̠­niyá̠n lácu nalak­ma­ka­ná̠hu xli̠­hua̠k hua̠ntu̠ li̠xcáj­nit tala̠­ka­lhí̠n hua̠ntu̠ li̠maka­pa̠­xu­hua­yá̠hu qui­mac­nicán, xlá lacas­quín pi̠ aksti̠tum nala­ta­ma̠­yá̠hu uú nac ca̠quilh­ta­macú, naka­lhi̠­yá̠hu tla̠n quin­ta­la­ca­pa̠s­tac­nicán y akstítum nala­ka­chix­cu­hui̠­yá̠hu Dios cumu la̠ ti̠ xli̠­ca̠na tama­ca­ma̠x­qui̠ni̠t xla­ta­ma̠tcán,

1 San Pedro 4:7

Xli̠­ca̠na pi̠ xcha̠­liyá̠n tala­ca­tzu­hui̠ma quilh­ta­macú la̠ta nalak­sputa xli̠­hua̠k hua̠ntu̠ anán nac ca̠quilh­ta­macú, huá xpa̠­la­cata cca̠­li̠­hua­niyá̠n hua̠ntu̠ tla̠n cala­ca­pa̠s­tac­nántit y lacas­ta­lanca cala­ta­pá̠tit la̠qui̠ chuná tancs nakalh­ta­hua­ka­ni­yá̠tit Dios.

1 Timoteo 1:5

Huá xpa̠­la­cata aquit chuná cli̠­ma̠­peksí̠n porque cla­cas­quín pi̠ hua̠ntu̠ aksti̠tum cala̠­pa̠x­quí̠hu cumu la̠ ca̠mi­ni̠niy hua̠nti̠ tla̠n taca­tzi̠y nac xna­cujcán, aksti̠tum tali̠­lac­pu­huán xta­la­ca­pa̠s­tac­nicán xa̠hua xli̠­ca̠na tali̠­pa̠­huán Cristo.

1 Timoteo 2:9

Xa̠huachí cca̠­hua­niyá̠n xla­cata pi̠ lac­chaján hua̠ntu̠ laca­ti̠tum y ni̠ ca̠ta catat­la̠­huá­le̠lh xla­cata xli̠­ta­ca̠x­ta̠ycán, hua̠ntu̠ tla̠n tasiyuy cata­li̠­lha­ká̠­nalh, pero ni̠ ca̠ta cata­li̠­la­ca­ta̠­quí̠­nalh chuná la̠ta tax­qui­tuacanán, ni̠ ca̠ta li̠pe̠cua la̠ta cata­ma̠­sí­yulh, xa̠huachí ni̠ la̠n­túcu cata­li̠­ta­ca̠x­tá̠­yalh oro osuchí hua̠ntu̠ luu xta­palh tumi̠n xli̠­ta­ca̠x­ta̠ycán.

San Lucas 2:7

Cumu ni̠ xta­mac­lani̠t xanícu nata­lak­tun­cu­hui̠y nac mesón huata antá ma̠la­ka­tun­cú­hui̠lh a̠má xka­huasa anta­nícu xca̠­ma̠­nu̠cán taka­lhí̠n, y li̠pá̠­chi̠lh pá̠hui̠t y antá tará­mi̠lh nac xpu̠­hua̠y cahua̠yu.

1 Timoteo 1:14

Pero Quim­pu̠­chi­nacán qui­la­ka­lhá­malh ma̠squi ni̠ tzinú xqui­mi­ni̠niy chuná nat­la­huay, qui­si­cu­la­na̠t­lá­hualh y qui­má̠x­qui̠lh xta­pá̠x­qui̠t xa̠hua taca̠­nájlat la̠qui̠ nac­li̠­pa̠­huán hua̠ntu̠ la̠nchú kalhi̠­yá̠hu xli̠­hua̠k hua̠nti̠ li̠pa̠­hua­ná̠hu Cristo Jesús.

1 Corintios 12:23

La̠ta pu̠la­ca­tunu hua̠ntu̠ kalhi̠­yá̠hu nac qui­mac­nicán y hasta ma̠squi hua̠ntu̠ lac­pu­hua­ná̠hu pi̠ ni̠tu̠ quin­ca̠­li̠­ma­cuaniyá̠n, pero acxtum luu cuentaj ca̠t­la­hua­yá̠hu; y a̠má hua̠ntu̠ lac­pu­hua­ná̠hu pi̠ ni̠ luu tla̠n tasiyuy para ca̠la­kuá̠n nata­siyuy, pus li̠huana̠ ca̠li̠t­la­pa­yá̠hu qui­lha­ka̠tcán.