1 San Juan 4:11 - Totonac Coyutla

¹¹ Nata̠lán, cumu para chuná xlá quin­ca̠­la­ka­lha­ma­ni̠tán Dios, aquinín na̠ quin­ca̠­mi­ni̠­niyá̠n pi̠ acxtum nala̠­pa̠x­qui̠­yá̠hu cha̠tum a̠cha̠tum.

1 San Juan 4:11 Referans Kwoze

Colosenses 3:13

Cata̠­pa̠ti para cha̠tum min­ta̠­cris­tiano nat­la­hua­niyá̠n hua̠ntu̠ ni̠tlá̠n, huix ni̠ casi̠­tzi̠ni huata cama̠­tzan­ke̠­nani, chuná cumu la̠ quin­ca̠­ma̠­tzan­ke̠­na­ni­ni̠tán Cristo na̠chuná cala̠­ma̠­tzan­ke̠­na­níhu.

San Juan 13:34

Y cumu chú nacán nac akapú̠n, hui­xinín sta­lanca catzi̠­yá̠tit la̠ aquit cca̠­pa̠x­qui̠­ni̠tán, pus huá eé cca̠­li̠­ma̠x­qui̠yá̠n xasa̠sti qui­li̠­ma̠­peksí̠n xla­cata pí cala̠­pa̠x­quí̠tit cha̠tum a̠cha̠tum xli̠­hua̠k mina­cujcán chuná cumu la̠ aquit cca̠­pa̠x­qui̠­ni̠tán.

1 San Juan 3:23

Xli̠­ma̠­peksí̠n Dios hua̠ntu̠ xlá lacas­quín nama̠­kan­tax­ti̠­yá̠hu, esque xli̠­hua̠k xli̠t­li­hueke qui­na­cujcán nali̠­pa̠­hua­ná̠hu a̠má Quim­pu̠­chi­nacán Jesu­cristo hua̠nti̠ Xka­huasa Dios, xa̠huachí luu acxtum nala̠­pa̠x­qui̠­yá̠hu aquinín cris­tianos chuná cumu la̠ Jesu­cristo quin­ca̠­li̠­ma̠­pek­si̠­ni̠tán.

San Lucas 10:37

Amá xma̠­kalh­ta­hua­ke̠­nacán judíos chiné kalh­tí̠­nalh: —Pus aquit clac­pu­huán pi̠ ma̠x hua̠nti̠ laka­lhá­malh y mak­tá̠­yalh. —Pus huix na̠chuná cat­lahua y caca̠­mak­ta̠ya ma̠squi cati̠hua̠ min­ta̠­cris­tianos hua̠nti̠ tamac­la­cas­quimá̠n —huá­nilh Jesús.

Efesios 4:31

Xli̠­hua̠k hua̠ntu̠ ni̠tlá̠n tala­ca­pa̠s­tacni cata­mac­xtútit nac mila­ta­ma̠tcán, cumu la̠ tasi̠tzi, takahu, chuná cumu la̠ taquic­lhcátza, y lhu̠hua hua̠ntu̠ ni̠tlá̠n la̠t­la­hua­ni­yá̠tit,

1 San Juan 2:7

Nata̠lán, u̠má li̠ma̠­peksí̠n hua̠ntu̠ la̠nchú aquit cca̠­tzok­nimá̠n ni̠ calac­pu­huántit para xasa̠sti; hua­tiyá u̠má li̠ma̠­peksí̠n hua̠ntu̠ xuijá hasta xamaká̠n quilh­ta­macú, caj xma̠n aquit cca̠­ma̠­la­ca­pa̠s­tac­ni̠má̠n porque na̠ hua­tiyá tamá li̠ma̠­peksí̠n hua̠ntu̠ aya ca̠li̠­ma̠­kalh­chu­hui̠­ni̠­ca­ni̠­tátit.

1 San Juan 3:11

Huá u̠má xli̠­ma̠­peksí̠n Dios hua̠ntu̠ hasta xapu̠lhá quilh­ta­macú xmak­kax­pat­ni̠­tátit xla­cata pi̠ lac­xtum cala̠­pa̠x­quí̠hu cha̠­tunu cha̠­tunu.

1 San Juan 4:7

Xli̠­hua̠k hui­xinín hua̠nti̠ cca̠­li̠­ma̠x­tuyá̠n qui­na­ta̠lán, aquit cca̠­hua­niyá̠n pi̠ acxtum cala̠­pa̠x­quí̠hu, xli̠­hua̠k hua̠nti̠ tapa̠x­qui̠nán xli̠­ca­tzi̠tcán pi̠ a̠má tapa̠x­qui̠t antá mina̠chá nac akapú̠n porque huá Dios tapa̠x­qui̠t. Xli̠­hua̠k a̠ma̠ko̠lh cris­tianos hua̠nti̠ tapa̠x­qui̠nán xlacán hua̠k xca­maná̠n Dios y tala­ka­pasa Dios.

2 San Juan 1:5

Nata̠lán, huá xpa̠­la­cata aquit cca̠­li̠­ma̠­la­ca­pa̠s­ta­cayá̠n mili̠­pu̠­tumcán pi̠ hua̠ntu̠ aksti̠tum cala­ta­má̠hu y laca­ti̠tum cala̠­pa̠x­quí̠hu cha̠­tunu cha̠­tunu. Xli̠­hua̠k u̠má hua̠ntu̠ cca̠­tzok­nu­nimá̠n ni̠ nalac­pu­hua­ná̠tit para xasa̠sti li̠ma̠­peksí̠n, hua­tiyá u̠má li̠ma̠­peksí̠n hua̠ntu̠ maká̠n quilh­ta­macú pu̠lh quin­ti­ca̠­ma̠x­qui̠cán.