1 Corintios 11:1 - Totonac Coyutla

¹ Huá xpa̠­la­cata cca̠­li̠­hua­niyá̠n, hui­xinín huá caucxilh­ti­yátit la̠ta lácu aquit clama, chuná cumu la̠ aquit cuc­xilh­ti­yama y ctla­huama cumu la̠ titi̠­la­tá­ma̠lh Quim­pu̠­chi­nacán Jesús.

1 Corintios 11:1 Referans Kwoze

Filipenses 3:17

Nata̠lán, chuná caucxilh­ti­yátit la̠ta lácu aquit clama, y na̠ caucxilh­ti­yátit lácu tala­má̠­nalh a̠ma̠ko̠lh cris­tianos hua̠nti̠ aya cca̠­ma̠­si­yu­ni­ni̠­táhu la̠ta aksti̠tum nala­ta­pa̠­yá̠tit.

1 Tesalonicenses 1:6

Ma̠squi xli̠­ca̠na pi̠ lhu̠hua tapa̠tí̠n ca̠qui̠­tax­tunín pero huata hui­xinín na̠chuná tzu­cútit lata­pa̠­yá̠tit cumu la̠ aquinín cla­ma̠­náhu y chuná cumu la̠ tila­ta­ma̠ni̠t Quim­pu̠­chi­nacán, y li̠pa̠­xúhu maka­mak­lhti̠­nántit xta­chu­huí̠n Dios chuná cumu la̠ ca̠ma̠x­qui̠má̠n tapa̠­xu­huá̠n Espíri­tu Santo.

1 Corintios 4:16

Y cumu la̠ min­tla̠­ticán aquit, pus cla­cas­quín pi̠ chuná naucxilh­ti­ya­yá̠tit la̠ta lácu cli̠­lama quin­ta­ca̠­najlat la̠qui̠ hui­xinín quin­ca­maná̠n na̠chuná naqui­la̠­maca­sta̠­la­yá̠hu.

Hebreos 6:12

Aquinín ni̠ cla­cas­qui­ná̠hu xalac­lhqui­titni nahua­ná̠tit huata cas­cújtit y caca̠­ma­ca­sta̠­látit la̠ta lácu tatis­cujni̠t a̠ma̠ko̠lh cris­tianos hua̠nti̠ aksti̠tum tali̠­pa̠­huán Cristo, y caj xpa̠­la­cata xta­ca̠­naj­latcán chú tla̠n taamá̠­nalh tamaklh­ti̠nán a̠má lak­táxtut hua̠ntu̠ tica̠­ma̠­lac­nu̠­ní­calh.

2 Tesalonicenses 3:9

Ma̠squi xli̠­ca̠na pi̠ aquinín luu xquin­ca̠­mi­ni̠­niyá̠n nac­ca̠s­qui­niyá̠n hua̠ntu̠ xac­mac­la­cas­qui­ná̠hu pero ni̠chuná ctla­huáhu, huata aquinín ma̠n ctzu­cúhu scu­já̠hu la̠qui̠ chuná nac­ca̠­li̠­ma̠­si­yu­niyá̠n lácu hui­xinín mili̠­la­ta­ma̠tcán.

1 Corintios 10:33

Aquit ni̠ watá chuná ctzaksay la̠ tla̠n naclatamá̠y nactlawáy tu cacstulakati̠y, wata ankalhí̠n ctzakama nawán la̠ntla tlak tla̠n nacca̠ma̠wixca̠ni̠y a̠makapitzi̠n nac xlatama̠tcán. Ctzaksama nawán lantla tlak tla̠n nacca̠makta̠yay a̠makapitzí̠n nac xtaca̠najlacán, sa̠mpi cca̠lakcatzán, chu clacasquín pi taakapu̠taxtuy.