Tito 3:5 - Tokelauan New Testament

⁵ ma kua fakaola ai ki tātou. E hē ona ni gāluega lelei na ki tātou faia, kae ona ko tona alofa fakahao mo ki tātou. E ala i te mana o tona Agaga na ia fakamamāgia ai ki tātou ma mafai ai ke toe fanaufougia ki tātou ma maua ai e ki tātou te ola fou.

Tito 3:5 Referans Kwoze

2 Timoteo 1:9

Ko ki tātou na fakaola e te Atua ma ia filifilia ke kavea ma ona tagata, e hē ona ko nā gāluega kua ki tātou faia, kae ona ko ana lava fuafuaga ma tona alofa tūnoa. Na ia fōki maia tona alofa tūnoa tēnei e ala ia Keliho Iehu, ka ko hēki faia te lalolagi,

1 Kolinito 6:11

Ko iētahi o koutou nae vēnei. Kae ko koutou kua uma te fakamamāgia mai te agahala; ko koutou kua uma te ofo atu mo te Atua; kua uma te fakalelei o te koutou va ma te Atua e te Aliki ko Iehu Keliho ma te Agaga o to tātou Atua.

1 Petelu 3:21

Ko he fakailoga tēnā e fakatatau ki te papatihoga, tēia kua fakaola ai nei koutou. E hē ko te fakamamā kehega o nā kelekele mai te tino, kae ko te takutinoga e fai ki te Atua mai te lotofuatia e mamā, te fakaola ai koutou e ala i te toetū o Iehu Keliho,

1 Petelu 1:3

Ke vīkia te Atua ma te Tamana o to tātou Aliki ko Iehu Keliho! Ona ko te lahi o tona alofa fakahao na ia fōki maia ai ki a te ki tātou te ola fou, e ala i te toetū o Iehu Keliho mai te oti. Ko ki tātou kua fakatumulia i he fakamoemoe e ola pea lava,

Loma 12:2

Koutou nahe mulimuli ki faiga a te lalolagi, kae ke līua koutou e ala i te hūia kātoatoa e te Atua o outou māfaufau. Oi ka iloa tonu ai e koutou te finagalo o te Atua — te mea e gali ma e fiafia ai ia, ma e kātoatoa te lelei.

Efeho 2:4

Kae ko te Atua e tumu i te alofa fakahao, ma ko te tūkehe o te lahi o tona alofa mo ki tātou,

Efeho 5:26

Na ia faia te mea tēnei ke fakapaia ai te Ekalehia mo te Atua e ala i tana kupu (ka kua uma ai te fakamamāgia e ia i te vai),

Loma 11:6

Ko tana filifiliga e fakavae i luga o tona alofa tūnoa, kae hē ona ko a lātou gāluega na fai. Auā kāfai te filifiliga a te Atua e fakavae i luga o gāluega a tagata e fai, tona uiga ko tona alofa tūnoa la e hē ko he alofa tūnoa moni.

Epelu 4:16

Ke ia te ki tātou la te loto mākeke, ma fakatafapili atu ki te Atua i tona nofoāliki, e i ei ai te alofa tūnoa. Ka maua ai e ki tātou i kinā, te alofa fakahao ma te alofa tūnoa ke fehoahoani ki a te ki tātou, i nā taimi e manakomia ai e ki tātou.

Kolohe 3:10

ma kua i ei outou tino fou. Ko te tino ola fou tēnei e fakafougia pea lava e te Atua tē na faia ia mea uma, ke fōliga ki a te ia, kae ke mālamalama kātoatoa ai koutou e uiga ki a te ia.

Kalatia 2:16

Kae e iloa e ki tātou, oioti lava te auala e mafai ai he tino ke fakalelei tona va ma te Atua, ko te fakatuatua ki a Iehu Keliho, ka e hē ko te faia o nā mea e leamai ai te Tūlāfono na kui mai ia Mohe. Ko ki tātou foki la kua talitonu ki a Keliho Iehu, kae ke fakalelei ai to tātou va ma te Atua e ala i to tātou fakatuatua ki a Keliho, kae hē ona e fai e ki tātou nā mea e leamai ai te Tūlāfono. Auā e hēai he tino e mafai ke fakaleleia tona va ma te Atua e ala i te mulimuli ki nā mea e leamai ai te Tūlāfono.

Loma 3:20

Auā e hēai he tino e mafai ke fakalelei tona va ma te Atua, ona e mulimuli ki nā mea e lea mai ai te Tūlāfono; auā ko te Tūlāfono e maua ai e ki tātou te mālamalama e uiga ki te agahala.

1 Petelu 2:10

Nae i ei te taimi ko koutou nae hē ni tagata e o te Atua, kae nei ko koutou kua kavea ma tagata o te Atua; nae i ei te taimi nae hē koutou iloa ai te agalelei o te Atua, kae nei kua koutou maua tona agalelei.

Efeho 4:23

E tatau outou loto ma outou māfaufau ke toe fakafougia kātoatoa,

Loma 3:28

Auā kua ki tātou iloa, ko te fakatuatua oioti lava te fakalelei ai te va o he tino ma te Atua, kae e hē ko te mulimuli kinā mea e lea mai ai te Tūlāfono.

Loma 9:11

Kae ko hēki fānanau mai foki lava ki lāua pe kua ki lā faia he mea lelei pe he mea kino, kae kua uma te lea o te Atua ki a Lepeka, ko tona ataliki matua ka fai ma kaukauna a te ataliki tamaiti. Na lea vēnei te Atua kae ke kitea ai e fai lava e ia ana tonu, ma e hēki faia ona ko he mea a he tino o ki lāua na fai.

Luka 1:78

Ko te tātou Atua e alofa ma e agamalū. Ka fakatafa e ia ia ata o te mālama o te fakaolataga ki o tātou luga,

Luka 1:54

Kua tauhi e ia tana folafolaga na fai ki o tātou tupuna, ma kua hau ke fehoahoani ki tana kaukauna ko Ihalaelu!

Luka 1:50

ma e fakaalia tona alofa fakahao ki a te ki lātou e mātataku ia te ia mai tēia tupulaga ki tēia tupulaga.

Tito 3:4

Kae kua fakaali mai e te Atua to tātou Fakaola tona agalelei ma tona alofa,

Loma 9:30

He ā la te uiga o te mea tēnei? Ko tona uiga ko tagata nukukehe nae hē taumafai ke fakalelei to lātou va ma te Atua, kae na fakalelei e te Atua e ala i to lātou fakatuatua;

Loma 9:16

Ko te mea ia, ko nā mea uma lele e hē fakalagolago ki te mea a te tagata e fai pe ko te mea e fofou ki ei, kae e fakalagolago oioti ki te alofa fakahao o te Atua.

Loma 4:5

Kae ko nā tino e fakalagolago ki te fakatuatua kae hē ko a lātou gāluega e fai, ma talitonu ki te Atua tē e ia fakamāgaloa nā tino agahala, ko te fakatuatua la tēnei te taulia i te kikila a te Atua, e mafai ke fakalelei ai to lātou va ma ia.

Luka 1:72

Na tākua e ia ka ia fakaalia tona alofa fakahao ki o tātou tupuna, ma ia manatua tana feagaiga paia.

Epelu 6:6

Kae nei kua liliu kehe ki lātou mai te Atua. E hē mafai ke toe kaumai ki lātou ke toe halamō, auā e vē lava kua toe fakahātaulo e ki lātou te Ataliki o te Atua, ma faigōfie ai ke fakatauemu ki ei ia tagata.

Mataio 3:11

E kō papatihoa koutou i te vai ke iloa ai ko koutou kua halamō, kae ko tē e mulimuli mai ia te au, e hilihili kehe atu tona mamalu i lo au, ma e hē aogā au ke kō taukaveagia ona hēvae. Ka ia papatihoa koutou i te Agaga Paia ma te afi.

Loma 11:14

kae ke fai ma mea e tupu ai te lotokino i oku tagata, ma mafai ai ke fakaola ni tino o ki lātou.

Epelu 10:22

Ko te mea ia, tātou olo fakatafapili ki te Atua ma te agaga talitonu moni ma te lotofuatia kino kua fakamamāgia, vēnā ma o tātou tino kua uma te fakatākekele i te vai mamā.