Tito 3:2 - Tokelauan New Testament

² Lea ki ei ke nahe ki lātou tautatala i ni kupu kino ki ho he tino, kae ke nonofo fīlēmū ma fealofani, ma ke fakaaloalo ki tagata uma.

Tito 3:2 Referans Kwoze

Efeho 4:31

Tīaki te loto tīgā, te loto fekai ma te ita. Nahe toe taukekē pe faikupu fakakino, nahe toe i ei lele ni manatu e fakatupu ai te loto ita.

Efeho 4:2

Ke maua pea koutou i taimi uma i te lotomaulalo, te agamalū, ma te onohai. Fakaali te koutou alofa e ala i te talia o nā uiga o tētahi e tētahi.

1 Timoteo 3:3

e hē ko he tino e fiafia oi inu lahi ma konā, e hē fakahāuā kae e agamalū ma tauhi ki te fīlēmū, e hē mānumanu ki te tupe;

1 Petelu 3:10

E vē oi tūhia i te tuhituhiga paia, “Ko ai lava e fia ola i he ōlaga fiafia ma fia kikila ki nā aho o te tamaokāiga, e tatau ke nahe tautala i ni mea kino ma ia faia ni tala pepelo.

1 Petelu 3:8

Ko te toe mea e lea atu ai au: ko koutou uma lele e tatau ke tutuha outou manatu ma outou lagona; alofa tētahi ki tētahi e vē ni tuagane ma ni tuafafine, ma ke agalelei ma loto maulalo tētahi ki tētahi.

Iakopo 4:11

Te kau uho, nahe faitio tētahi ki tētahi. Kāfai e faitio pe fakamahino e koe hētahi tino, kua faitio ma fakamahino e koe te Tūlāfono. Kāfai e fakamahino e koe te Tūlāfono, ko tona uiga ko koe ko he tino e hē i lalo o te Tūlāfono, kae ko he tino e fakamahino e ia.

Kalatia 5:22

Kae ko te Agaga e fua mai ai te alofa, te fiafia, te fīlēmū, te onohai, te agalelei, te āmio lelei, te fakamāoni,

Mataio 11:29

Kave taku amo oi tuku ki outou luga ma fakatakitaki mai ki a te au, auā ko au e agamalū ma loto maulalo; ma maua ai e koutou he mapu.

1 Petelu 2:1

Ko te mea ia, kave kehe loa nā uiga kino uma; nahe toe talapepelo, pe fakagutugutulua, pe fuā pe fai tala fakakino.

Iakopo 3:17

Kae ko te poto mai te lagi e mamā, ma e fakatupuagia te fīlēmū, te agamalū ma te loto fiafia; e tumu i te tīgā alofa ma e fua mai ai nā fua o nā gāluega lelei e lahi; e hē i ei he loto kino ma hē fakagutugutulua.

Kalatia 6:10

Ko te mea ia, i taimi uma e maua ai e ki tātou he avanoa, e tatau ke fai e ki tātou nā mea lelei ki ho he tino, kae maihe lava ki lātou i loto o te tātou kāiga Kelihiano.

Kalatia 6:1

Te kau uho, kāfai he tino e ia faia ho he itūkāigā āmio kino, e tatau koutou iēnā kua takitakia e te Agaga, ke fakatonu ki a te ia i te agaga maualalo. Ma ko koutou foki ke mataala, nā meake ka fakaohoohogia ai foki koutou.

1 Timoteo 3:11

Ko nā āvaga a ki lātou e tatau foki ni tino e āmio lelei ma e hē faitala fakakino; e tatau ke fai fuafua lelei o lātou uiga ma ke fakamāoni i mea uma.

1 Tehalonia 2:7

e ui lava ko ki mātou ni apohitolo e a Keliho ma na tatau ke lea atu ki mātou ki nā mea e fofou ki mātou ki ei. Kae ko ki mātou nae faifai mālie atu lava ki a te koutou, e vē he mātua e kikilagia tana fānau.

Filipi 4:5

Fakaali ki ho he tino te loto agamalū. Ko te Aliki kua toeititi oi hau.

1 Kolinito 9:19

Auā e ui lava ko au he tino e haoloto, e hē he pologa e a he tino; kae kua kō faia au ma pologa ki tagata uma, kae ke kō maua ai ni tino e tokalahi.

2 Kolinito 12:20

Ko au e popole nā ia au e pa atu kua kehe te tūlaga kua i ei koutou i lo te mea e fofou au ki ei, ma koutou kitea kua kehe te tūlaga kua i ei au i lo te mea e fofou koutou ki ei. Ko au e popole nā ia au e pa atu ko koutou e tauai miha ma loto kino, e loto ita ma manatu fakapito, e tau fakakino ma faitatala, e mimita ma hē pūlea.

2 Kolinito 10:1

Ko au ko Paulo, e aioi atu ki a te koutou i te igoa o Keliho, tē e agamalū ma agaalofa. Ko au tē e lea nā tino, e matamuli ma loto maulalo kāfai e fakatahi ma koutou, kae loto hāuā kāfai e i hētahi mea.

Gāluega 23:5

Oi tali vē atu ai ia Paulo, “Oku uho Ihalaelu, e hē kō iloa ko ia ko te Ulu Ohitāulaga. E lea mai te tuhituhiga paia, ‘Ia koe nahe fai kupu kino ki te takitaki o tagata o tō nuku.’ ”

Iuta 1:10

Kae ko nā tino iēnei, e fai kupu fakakino ki ho he mea lava e hē mālamalama ai ki lātou; ma ko nā mea iēnei e ki lātou iloa mai o lātou lagona lilo e vē ko manu vaefa tāvao, e fakaumatia ai foki lava ki lātou.

Iuta 1:8

E vēnā foki lava nā tino iēnei. Nae ki lātou kitea ni fakaaliga e ala i ni miti ma kua agahala ai ki lātou i o lātou tuinanauga ki te tino; nae teteke ki te pule a te Atua ma fāifāi ki nā agelu mamalu.

2 Petelu 2:10

kae maihe lava ki lātou e mulimuli ki o lātou tuinanauga mātagā ki te tino, ma teteke lahi ki te pule a te Atua. Ko nā faiakoga pepelo iēnei e hē popoi lele pe mātataku oi fāifāi ki nā agelu mamalu.

1 Petelu 4:4

Ko tagata fakapaupau i te taimi nei, e ofo auā ko koutou kua hē toe ola i he ōlaga hē taupulea e vē ko ki lātou, ma ko te mea ia kua fai ai e ki lātou nā tala tau fakakino ki a te koutou.

1 Kolinito 6:10

pe ko nā tino kaihohoa, pe manatu fakapito, pe ko nā tino konanā, pe faitala fakakino, pe ko nā tino fāomea — e hēai ni tino vēnei e fai mo ki lātou te Mālō o te Atua.