Tito 3:14 - Tokelauan New Testament

¹⁴ E tatau o tātou tagata Kelihiano i Kelete ke ki lātou iloa oi fakaaogā o lātou taimi ke fai ai ni gāluega lelei, kae ke mafai ai ke fehoahoani ki nā tino e fofou vave ki he fehoahoani; e hē tatau ke ola ki lātou i he ōlaga e hē tupu mai ai ni fua lelei.

Tito 3:14 Referans Kwoze

Kolohe 1:10

Oi ka mafai ai loa e koutou oi ola e tuha ma te finagalo o te Aliki, ma koutou faia ai pea nā mea e fiafia ai ia. Ka fua mai autou gāluega lelei ma ka fakatupu ātili te koutou mālamalama e uiga ki te Atua.

Tito 3:8

Ko te fakakupuga tēnei e hako. Ko au e fofou ko koe ke fakamākeke oi tautala i nā mea iēnei, kae ke mafai ai nā tino kua talitonu ki te Atua ke fano hako o lātou taimi ki te faiga o nā mea e lelei, ma fai ai e ki lātou ni gāluega e lelei ma aogā.

Filipi 1:11

Ka fakatumulia outou ōlaga i nā uiga e lelei kātoatoa e ala ia Iehu Keliho, kae ke ifo ma viviki ake ai ia tagata ki te Atua.

Mataio 7:19

Ma ko ho he lākau e hē fua mai ai ni fua lelei, e ta ki lalo oi togi ki te afi.

2 Petelu 1:8

Ko nā uiga lelei iēnei e manakomia e koutou, ma kāfai e tuputupu pea lava nā mea iēnei ia te koutou, ka mafai ai koutou ke tuahā ma fakaatili ai te koutou mālamalama e uiga ki to tātou Aliki ko Iehu Keliho.

Filipi 4:17

E hē vē ko au e fofou oioti lava ke kō maua ni meaalofa; kae ko au e fofou ke tuputupu pea lava ia fua o autou gāluega.

Efeho 4:28

Kāfai koe he tino kaihohoa, tuku loa te kaihohoa kae kāmata galue mālohi ke ola koe i au gāluega ma mafai ai koe ke fehoahoani ki nā tino mātitiva.

Ioane 15:16

E hēki koutou filifilia au, kae na kō filifilia koutou ma tōfia ke olo ma fua mai ni fua e lahi, te itūkāigā fua e tūmau pea. Oi fōki atu ai e te Tamana ki a te koutou, ho he mea lava e gogō atu koutou ki ei, i toku igoa.

Ioane 15:8

Ka fakaalia te mamalu o toku Tamana i te lahi o nā fua e fua mai ia te koutou; ma ko te mea ia e kavea ai koutou ma hoko o oku.

2 Tehalonia 3:8

E hēki talia lele e ki mātou he fehoahoani mai he tino e aunoa ma te totogi e ki mātou ki ei i he tupe. Ko ki mātou nae gālulue ma te fītatā i te ao ma te pō, kae ke nahe fakafītatā ki mātou ki a te koutou.

Gāluega 20:35

Kua fakahino atu e au ki a te koutou i aku mea uma e fai, ko te galue mālohi e vē ona galue ai au, e mafai ai e ki tātou ke fehoahoani ki te tino faitauale, ma manatua ai nā kupu na vāgana ai te Aliki ko Iehu e vē, ‘E lahi atu te manuia o te tino e ia fōkia, i lo te tino e ia taliagia’ ”

Mataio 21:19

Kua ia kitea atu he mati i tafa o te auala, oi fano ai ki ei; kae kua nā ko nā lau oioti te i ei. Oi lea vē ai ki te lākau, “Ko koe e hē toe fua lele.” I te taimi lava tēnā na mamago ai ma mate te mati.

Gāluega 18:3

oi nofo ai ma faigāluega ma te toka lua tēnei, auā ko tana gāluega nae fai ke ola ai ia ko te fai falekie, e vē foki lava ko nā gāluega a te toka lua tēnei.

1 Tehalonia 2:9

Te kau uho, e manatua lelei lava e koutou nā gāluega fītā nae fai e ki mātou. Nae gālulue ki mātou i te ao ma te pō, kae ke nahe kavea ki mātou ma kavega ki a te koutou, i te taimi nae folafola atu ai e ki mātou te Tala Lelei mai te Atua, ki a te koutou.

Loma 15:28

Ka uma te kō faia o te mea tēnei ma tuku atu ki a te ki lātou nā tupe uma na ao mo ki lātou, oi fano ai au ki Hepania ma afe atu ki a te koutou i toku auala ki ei.

Loma 12:13

Kave he vāega o autou mea ke ola ai outou uho Kelihiano mātitiva, ma talia i loto o outou fale nā tino kehe.

Filipi 4:16

Ke pa foki lava ki te taimi nae i Tehalonika ai au, na fehoahoani fakafia mai lava koutou ki a te au.

Tito 2:8

Tautala i nā kupu mamā kae ke nahe faitiogia ai koe e he tino. I te faiga tēnei, ka hē mafai ai e nā tino e fai koutou ma o lātou fili oi fai ni kupu ke teteke mai ai ki a te ki tātou ma ka lagona ai lava e ki lātou te māhiahi.