Tito 1:5 - Tokelauan New Testament

⁵ Ko koe na tuku e au i Kelete kae ke mafai e koe oi tukutonu nā mea koi fakahētonu, ma tōfia ni toeaina mo nā Ekalehia i nā kakai takitahi uma. Ke manatua e koe nā mea na fakatonu atu e au:

Tito 1:5 Referans Kwoze

Gāluega 14:23

Na tōfia e ki lāua ni toeaina mo nā Ekalehia takitahi, ma i na kua uma ona tatalo ki te Atua ma fakalāina, oi ofo atu ai ki lātou ki te Aliki, tē kua tuku atu ki ei to lātou fakamoemoe.

1 Timoteo 1:3

Ko au e fofou ko koe ke nofo i Efeho, e vē lava oi lea atu ai au ki a te koe ka koi faimalaga atu au ki Maketonia. E i ei nā tino i Efeho e akoako e ki lātou ni matākupu hehē, ma e tatau ke fakatonu e koe nā tino iēnei ke tuku loa te lātou mea tēnei e fai.

1 Kolinito 14:40

Ko nā mea uma e tatau ke fai i he auala e talafeagai ma tūlaga tonu.

2 Timoteo 2:2

ma ko nā mea kua fakalogo koe e akoako e au i mua o tagata e tokalahi, ke vēnā foki oi tuku atu e koe ki ni tino fakamoemoegia, ke ki lātou akoako atua ki iētahi tino.

1 Kolinito 11:34

Ma kāfai he tino o koutou e fia kaia, e tatau ke kai i te fale, kae ke nahe lavea ai ia i te fakamahinoga a te Atua ka koi maopoopo koutou. Ko iētahi mea, ka fakatonu atu koutou e au kāfai au e pa atu.

Gāluega 27:21

Na mataloa te taimi na hēki mafai ai ke kakai nā tino nae i luga o te vaka, oi tū ai ia Paulo i mua o ki lātou ma lea vē atu, “Taulelea, na tatau lava koutou ke fakalogo mai ki a te au, i toku lea atuga ko ki tātou nahe folau kehe mai i Kelete; moinei ake e hēai he mea e fokotahi e fakakino pe māumau.

Gāluega 27:12

Ko te taulaga tēnei e hē lelei ke taula ai ni vaka i te taimi o te taumālūlū; ko te tokalahiga la o nā tino na fofou ke tuku o lātou vaka ki gātai ma taumafai ke pa ki Foinika pe kāfai e mafai, ke fakatalitali i kinā ke uma te taumālūlū. Ko Foinika he taulaga e i Kelete, e fakahaga ki haute-hihifo ma mātū-hihifo.

Gāluega 27:7

E faitau aho nae tele mālie lele ai to mātou vaka ona ko te matagi nae nofo mai i te muāvaka, ma na taunuku atu ki gātai o te kakai ko Kinito. E hēki toe mafai ki mātou ke hēleka ki mua i te itū tēnā ona ko te matagi, oi na fakaheke ifo ai ki mātou ki te itū loki o te motu ko Kelete, ma teka ma te Matāfenua ko Halamone.

Gāluega 11:30

Na vēnā lava ona fai e ki lātou, ma na momoli ai te tupe e Panapa ma Haulo, ki nā toeaina o te Ekalehia.

Kolohe 2:5

Auā e ui lava ko au e hē i kinā ma koutou, kae ko toku agaga e i ei fakatahi ma koutou, ma ko au te fiafia i toku kikila atu ki te mau o tautou tutū fakatahi, i te fakatuatua ki a Keliho.

Gāluega 2:11

ni tino Iutaia ma ni tino nukukehe kua talitonu ki nā tāpuakiga faka-Iutaia; ka ko iētahi e ōmamai mai Kelete ma Alapi — kae na fakalogo uma lava ki tātou ki a te ki lātou e tautatala i nā gagana a ki tātou, ki te uiga kehe o nā mea kua fai e te Atua!”

Gāluega 27:13

Na kāmata oi agiagi mālū mai te matagi i te itū ki haute, oi vē ake ai nā taulelea ka mafai ke fakataunuku te lātou fuafuaga, oi na hihi ai te taula o to lātou vaka ma fakatele fakatafatafa atu i gātai o Kelete.

1 Kolinito 4:17

Ko te mea ia ka uga atu ai e au ki a te koutou ia Timoteo, toku ataliki pele ma te fakamāoni i te ōlaga faka-Kelihiano. Ka ia fakamanatu atua ki a te koutou nā mea tāua e mulimuli au ki ei i te ōlaga fou fakatahi ma Keliho Iehu, e vē oi akoako atu e au ki nā Ekalehia uma i nā koga kehekehe.

Tito 1:12

Ko he tino foki lava mai Kelete, he pelofeta, te na tautala i te meamoni i te leaga vēia, “Ko nā tino Kelete ni tino talapepelo i taimi uma lava, ni manu fēkakai, ni tino kakai fakaatuatuvale ma paieē.” Ona ko te tūlaga tēnei, e tatau ai ke tautalagia lahi ki lātou, kae ke fakahako ai te mea e talitonu ki lātou ki ei,