Mataio 9:36 - Tokelauan New Testament

³⁶ I te kikila atuga o Iehu ki te kaifenua, oi na tumu ai tona loto i te alofa ki a te ki lātou, auā e maua ki lātou i te popole ma te atuatuvale, e vē ki lātou ni māmoe e hēai ho lātou leoleomāmoe.

Mataio 9:36 Referans Kwoze

Maleko 6:34

Koi fanake ia Iehu ki gāuta mai te vaka, kae ia kitea atu te tokalahi o te kaifenua, oi na tumu ai tona loto i te alofa ki a te ki lātou, auā e vē ki lātou ni māmoe e hēai ho lātou leoleomāmoe. Na kāmata loa oi akoako atu e ia nā mea e lahi.

Mataio 14:14

Kua fanake ia Iehu ki gāuta mai te vaka, oi ia kitea atu ai te tokalahi o te kaifenua. Na tumu tona loto i te alofa ki a te ki lātou, ma fakamālōlō ai e ia nā tino o ki lātou nae maua i nā tauale.

Mataio 15:32

Kua fakapotopoto mai e Iehu ona hoko, oi vāgana atu ai ki ei, “Ko au te alofa ki nā tino iēnei, auā ko te tolu tēnei o aho koi kinei lava ki lātou ma au, ma kua hēai ni a lātou mea ke kai. Ko au e hē fofou ke uga ke olo ka ko hēki i ei ha lātou mea e kai, auā nā he tino e matapogia i luga o te auala.”

Mataio 15:24

Ka kua tali atu ia Iehu, “Ko au na uga mai oioti ki nā tino o Ihalaelu e vē ni māmoe kua gagalo!”

Epelu 5:2

Ona e vāivai foki ia i te lahi o itū, oi e hē ia honafaia ai foki nā tino e hē mālamalama ma i ei ni o lātou hehē.

Epelu 4:15

Ko te Ulu Ohitāulaga mo ki tātou e mālamalama i nā mea e vāivai ai ki tātou. Auā na fakaohoohogia i nā auala kehekehe uma e vē foki lava ko ki tātou, kae e hēki agahala.

Mataio 10:6

Kae olo ki tagata o Ihalaelu kua vē ni māmoe e gagalo.

Maleko 8:2

“Ko au te alofa ki nā tino iēnei auā ko te tolu tēnei o aho koi kinei lava ki lātou ma au, ma kua hēai ni a lātou mea ke kai.