Mataio 9:2 - Tokelauan New Testament

² Oi kaumai ai e nā tino ki a te ia he tamāloa e mate tona tino kātoa, i luga o he moega. Kua kitea e Iehu te lahi o to lātou fakatuatua, oi vāgana atu ai ki te tamāloa e mate tona tino kātoa, “Toku ataliki, fakamākeke! Ko au agahala kua fakamāgalo.”

Mataio 9:2 Referans Kwoze

Mataio 9:22

Kua liliu mai ki tua ia Iehu ma ia kitea te fafine, oi lea vē atu ai ki ei, “Toku afafine, fakamākeke! Ko tō fakatuatua kua mālōlō ai koe.” Ko te taimi lava tēnā na mālōlō ai te fafine.

Iakopo 2:18

Kae ka lea vē he tino, “E mafai ke fakatuatua tētahi tino kae fai ni gāluega e tētahi.” Ko taku tali ki ei, “Fakahino mai pe vēhea ona i ei he fakatuatua i he tino kae hē faia ni ana gāluega? Ka fakahino atu e au toku fakatuatua e ala ai aku gāluega.”

Gāluega 19:12

Ke pa lava ki nā holoholo ma nā kie talipefu nae fakaaogā e Paulo, na kave ki nā tino tauale ma na tuli kehe ai o lātou tauale, ma olo ai ki fafo nā agaga kino mai ia te ki lātou.

Ioane 21:5

Oi fehili atu ai ia Iehu, “Nā taumalo, e i ei hautou ika?” “E hēai!” kua tali mai ki lātou.

Mataio 8:10

I te lagona atuga e Iehu o nā kupu iēnei a te takitakikau, oi na ofo lele ai; oi vāgana atu ai ki nā tino e tau mulimuli mai ki a te ia, “E lea atu au ki a te koutou, e hēki kō iloa lele he tino i Ihalaelu e vēnei hona fakatuatua!

Mataio 4:24

Kua halalau te tala e uiga ki a Iehu ki nā itū uma o te fenua ko Hulia, ma na ōmamai ai ia tagata ma kaumai ki a te ia nā tino e maua i nā itūkāigā tauale kehekehe; nā tino e ulufia e tēmoni, nā tino tauale tete ma nā tino e mate iētahi o lātou itū — kua fakamālōlō uma ki lātou e Iehu.

Loma 5:11

Kae e hē ko tēnā oioti; ko ki tātou e fiafia ona ko te mea na fai e te Atua e ala i to tātou Aliki ko Iehu Keliho, tē kua mafai ai ki tātou ke kavea ma uō a te Atua.

Gāluega 14:9

Nae nofo i kinā ma fakalogologo ki nā kupu e tautala ai ia Paulo. Kua kitea atu e Paulo ko te tamāloa kua talitonu ma e mafai ke fakamālōlōgia, oi na kikila hako atu ai ki ei,

Ioane 16:33

Ko au kua lea atu ki a te koutou i te mea tēnei, kae ke maua ai e koutou te fīlēmū, ona ko koutou e tahi ma au. Ka hāuāgia koutou e te lalolagi. Kae loto tetele! Kua fakatōkilalo e au te lalolagi!”

Mataio 9:6

Ka kō fakamāonia atu la ki a te koutou, ei te Ataliki o te Tagata te pule i te lalolagi, ke fakamāgalo ai nā agahala.” Oi lea atu ai ki te tamāloa e mate tona tino kātoa, “Tū ki luga, hiki tō moega oi fano ki tō kāiga!”

Mataio 8:16

I te afiafipō o te aho lava tēnā, na kaumai ai e ki lātou ki a Iehu nā tino e tokalahi nae ulufia e nā tēmoni. Na tuli e Iehu nā agaga kino ki fafo i he kupu ma fakamālōlō ki lātou uma nae tauale.

Ioane 2:25

E hē tau lea ake he tino ki a te ia e uiga ki a te ki lātou, auā kua uma te ia iloa o nā mea ei o lātou loto.

Maleko 5:34

Oi vāgana atu ai ia Iehu ki ei, “Toku afafine, ko tō fakatuatua kua mālōlō ai koe. Fano la, ma ke ia te koe te fīlēmū. Ko koe kua mālōlō i tō tauale.”

Maleko 1:32

I te afiafipō kua goto te la, na kaumai ai e ki lātou ki a Iehu nā tauale uma lele ma nā tino e ulufia e nā tēmoni.

Mataio 6:12

Fakamāgalo o mātou hehē, e vē oi fakamāgalo e ki mātou ia hehē o iētahi tino ki a te ki mātou.

Mataio 9:5

Tēfea te mea e faigōfie, ko toku lea, ‘Ko au agahala kua fakamāgalo,’ pe ko toku lea, ‘Tū ki luga oi havali?’

Mataio 14:27

I te taimi lava tēnā, na vāgana mai ai ia Iehu ki a te ki lātou, kua vē mai, “Fakamākeke! Ko au tēnei. Koutou nahe mātataku!”

Maleko 6:50

Na mātataku uma ki lātou i te ki lātou kiteaga o ia. I te taimi lava tēnā na vāgana mai ai ia Iehu ki a te ki lātou, “Fakamākeke! Ko au tēnei. Koutou nahe mātataku!”

Maleko 10:49

Oi tū ai loa ia Iehu, kae vē atu tana kupu ki ona hoko, “Kalaga ki te tāuaho ke hau.” Na kālalaga loa ki lātou ki te tāuaho, kua lea vē atu ki ei, “E, fakamākeke! Tū ki luga, ko Iehu e lea atu ko koe ke hau.”

Gāluega 23:11

I te pō tēnā, na tū ai te Aliki i tafa o Paulo ma vāgana vē atu ki ei, “Ia koe nā mataku! E vē ona molimau koe e uiga ki a te au i kinei i Ieluhalema, e tatau foki ke kē faia te mea tēnei i Loma.”