Mataio 8:22 - Tokelauan New Testament

²² Kae kua tali atu ia Iehu, “Mulimuli mai ki a te au kae tuku vē nā tino oti ke tanu e ki lātou o lātou lava tino oti.”

Mataio 8:22 Referans Kwoze

Luka 15:32

Kae kua tatau ki tātou ke kakai ma fiafia, auā ko tō uho na mate, ka kua toe ola mai; na galo, ka kua toe maua.’ ”

Kolohe 2:13

Ko koutou na i ei te taimi na pa ai koutou ki te oti i te itū fakateagaga, ona ko autou agahala ma e ona ko koutou ni tagata nukukehe ma nae hē koutou iloa te Tūlāfono. Ka kua toe kaumai koutou e te Atua ki he ōlaga fou fakatahi ma Keliho. Kua fakamāgalo ki tātou e te Atua mai ia tātou agahala uma lele;

Efeho 5:14

auā ho he mea e kitea manino e fai tēnā ma mālamalama. E vē oi tūhia, “Ala ake koe tēnā e moe, ma tū ki luga mai te mate, ma ka huhulu atu te mālamalama o Keliho ki a te koe.”

Efeho 2:5

na toe fakaola ai e ia ki tātou fakatahi ma Keliho, e ui lava ko ki tātou na feoti i te fakateagaga. Ko te alofa tūnoa o te Atua te na fakaola ai koutou.

Efeho 2:1

I nā aho kua teka, ko koutou nae ni tino kua feoti i te fakateagaga, ona ko koutou nae hē uhiuhitaki ma fai e koutou te agahala.

1 Timoteo 5:6

Kae ko he fafine kua oti tana āvaga kae e fano oioti tona māfaufau ki nā mea fakafiafia o te ōlaga, kua oti, e ui lava koi ola.

Ioane 1:43

I te aho alafaki, na tonu ai ia Iehu ko ia ka fano ki Kalilaia. Na maua e ia ia Filipo, oi lea vē atu ai ki ei, “Mulimuli mai ki a te au.”

Mataio 9:9

Kua fano kehe ia Iehu ma kinā, ma e havali atu kae ia kitea atu he aolāfoga e igoa ki a Mataio, e nofo mai i loto o tona ofiha. Oi vāgana atu ia Iehu ki ei, “Mulimuli mai ki a te au.” Oi tū ai ki luga ia Mataio kua mulimuli ki a Iehu.

Mataio 8:21

Kua lea mai foki hētahi tino nae mulimuli ki a Iehu, “Te aliki, ke mua fano ko au oi tanu toku tamana.”

Maleko 2:14

Koi havali atu ia Iehu, kae ia kitea atu he aolāfoga, ko Levi te Ataliki o Alefaio, e nofo mai i loto o tona ofiha. Kua vāgana atu ia Iehu ki ei, “Mulimuli mai ki a te au.” Oi tū ai ki luga ia Levi kua mulimuli ki a Iehu.

Luka 9:59

Kua vāgana atu ia Iehu ki hētahi tamāloa, “Mulimuli mai ki a te au.” Kae kua tali mai te tamāloa, “Te aliki, ke mua fano ko au oi tanu toku tamana.”

Luka 9:60

Kua tali atu ia Iehu, “Tuku vē nā tino oti ke tanu e ki lātou o lātou lava tino oti. Ka ko koe, fano oi tālaki atu ki tagata te Mālō o te Atua.”

Luka 15:24

Auā ko toku ataliki tēnei, na oti kae kua toe ola mai; na galo, kae nei kua toe maua.’ Oi kāmata ai loa te lātou kaiga fiafia.

Ioane 21:19

(Na lea vēnei ia Iehu ke fakailoa ai te auala ka oti ai ia Petelu, ma maua ai he vīkiga mo te Atua.) Oi vāgana atu ia Iehu ki a Petelu, “Mulimuli mai ki a te au!”

Ioane 21:22

Kua tali mai ia Iehu ki a te ia, “Kāfai au e fofou ke ola pea ia ke toe hau au, he ā te popole ai koe ki ei? Mulimuli mai ki a te au!”