Mataio 6:23 - Tokelauan New Testament

²³ kae kāfai ō mata e kino, ko tō tino kātoa ka i te pōuliuli. Kāfai la ko te mōlī i loto o koe ko te pōuliuli, kai te kino ātili lele o te pōuli ka i ei ai!

Mataio 6:23 Referans Kwoze

1 Ioane 2:11

Kae ko te tino e ita ki tona uho Kelihiano e ola i te pōuliuli; e havali i te pōuliuli ma e hē ia iloa te mea e fano ia ki ei, auā kua fakatauahogia ia e te pōuliuli.

Mataio 6:22

“Ko nā mata o koe e vē ko he mōlī mo tō tino. Kāfai ō mata e lelei, ko tō tino kātoa ka tumu i te mālamalama;

Efeho 4:18

ma e pōuliuli o lātou māfaufau. E hēai ho lātou tofi i te ola e fōki mai e te Atua, auā e matuā hē mālamalama lava ma, e loto makaka.

1 Kolinito 2:14

Ko ai lava e hē ia te ia te Agaga, e hē ia maua foki nā meaalofa e fōki mai e te Agaga o te Atua. Ko nā tino vēnei e matuā hē mālamalama lava; ki a te ki lātou e hēai he uiga, auā ko te tāua o nā mea iēnei e mafai oioti ke fuafua i te kikila fakateagaga.

Loma 1:22

E lea vē, ko ki lātou e popoto, kae ni tino vālelea.

Efeho 5:8

Ko koutou foki nae māhani oi ola i te pōuliuli, kae talu lava te kavea o koutou ma tagata o te Aliki, ko koutou kua i te mālamalama. Ko koutou la e tatau ke ola e vē ko nā tino o te mālamalama,

Luka 8:10

oi tali vē atu ai, “Kua uma te fakailoa atu ki a te koutou nā mealilo e uiga ki te Mālō o te Atua; kae ko iētahi tino, e fakailoa ki ei e ala i nā talafakatuha, kae ke kikila o lātou mata kae hē ki lātou kitea, ma fakalogo o lātou taliga, kae hē mālamalama.

Mataio 20:15

E hē ia te au nei te faitalia ke fakaaogā ai aku tupe ki te mea e fofou au ki ei? Pe ko koe e loto kino auā ia au e kaimakoi?’ ”

Maleko 7:22

te mulilua, te manako lahi, ma te fai o nā itūkāigā āmio kino uma, te talapepelo, te faiamio, te lotokino, te faitala fakakino, te fāfia ma te āmio valea.

Luka 11:34

Ko nā mata o koe e vē ko he mōlī mo tō tino. Kāfai ō mata e lelei, ko tō tino kātoa ka tumu i te mālama; kae kāfai ō mata e kino, ko tō tino ka i te pōuli.