Mataio 6:1 - Tokelauan New Testament

¹ “Ke mautinoa ko autou gāluega lelei, e hē faia i mua o tagata kae ke ki lātou kitea ai autou mea e fai. Kāfai e fai vēnā e koutou nā mea iēnei i mua o tagata, ka hē maua houtou taui mai te koutou Tamana i te lagi.

Mataio 6:1 Referans Kwoze

Mataio 23:5

Ko a lātou mea uma e fai kae ke kitea ai ki lātou e tagata. Kikila ki te fuaefa o nā taga ei loto ai nā fuaikupu mai nā tuhituhiga paia e tanoa ki o lātou muāulu ma o lātou lima, vēnā ma te loloa o nā mea e fakapipiki ki nā pito o nā kofutatao, ke fakailoa ai ko ki lātou e fakatuatua ki te Atua!

Ioane 12:43

E hili atu to lātou fiafia ke maua ni o lātou vīkiga mai tagata i lo ni o lātou vīkiga mai te Atua.

Epelu 6:10

Ko te Atua e fai meatonu. E hē mafai ke puli ia te ia autou gāluega nae fai, pe ko te koutou alolofa ki a te ia e ala i te koutou fehoahoani ki iētahi uho Kelihiano ke pa mai lava ki te taimi nei.

Luka 16:15

Kua vāgana atu ia Iehu ki a te ki lātou, “Ko koutou iēnā e fia āmiotonu i mua o tagata, kae e kitea e te Atua nā mea i outou loto. Auā ko nā mea e fakatāua i te kikila a te tagata, ni mea iēnā e inoino ki ei te Atua.

Kalatia 6:12

Ko nā tino e taumafai ke fakamālohia koutou ke pelitome, ko ki lātou lava iēnā te fia iloa ma fāfifia i nā mea i te kikila atu i fafo. Kae oioti lava te mea e fai ai e ki lātou te mea tēnei, ona e mātataku nā ki lātou e kupugia kāfai e tālaki e ki lātou e uiga ki te hātaulo o Keliho.

Ioane 5:44

E fofou koutou ke maua ni vīkiga o tētahi mai tētahi, kae e hē taumafai lele koutou ke koutou maua te vīkiga, e nā ko te Atua lava oioti te maua mai ai. E mafai vēhea la ke talitonu mai koutou ki a te au?

2 Ioane 1:8

Koutou la ke mataala, kae ke nahe kave kehea ai te aogā o nā gāluega nae fai e ki mātou ma ka maua ai he koutou taui kātoatoa.

Maleko 8:15

Kua apoapoaki atu ia Iehu ki a te ki lātou, “Koutou ke mataala ma fakaeteete lele i te mea fakafefete a te kau Falehaio, ma te mea fakafefete a Helota.”

Mataio 6:16

“Kāfai koutou e fakalāina, koutou nā mata fakanoanoa e vē ko faiga a nā tino āmio pepelo. E hē teuteua fakalelei o lātou fōliga kae ke matea ai e tagata ko ki lātou e fakalāina. E takutino atu e au ki a te koutou, ko tēnā oioti lava to lātou taui ka maua.

Mataio 16:6

Kua vāgana atu ia Iehu ki a te ki lātou, “Koutou ke mataala ma fakaeteete lele i te mea fakafefete a te kau Falehaio ma te kau Hatukaio.”

Luka 12:15

Oi lea atu ai ia Iehu ki te kaifenua uma, “Kikila lelei ma ia koutou ke fakaeteete i te mānumanu; auā ko te ola o te tagata e hē fua fakatataua ki te lahi o ana koloa.”

Mataio 5:48

E tatau koutou ke lelei kātoatoa — ke vē ko te koutou Tamana i te lagi e kātoatoa tona lelei.

Mataio 5:16

Ke vēnā foki oi māina atu tau mōlī ki tagata, kae ke kitea ai e ki lātou au mea lelei e fai, ma vīkia ai te koutou Tamana i te lagi.

Luka 11:35

E tatau ai la koe ke mautinoa, ko te mōlī i loto o koe e hē i te pōuli.

Luka 12:1

I te taimi tēnā, e faitau afe ia tagata kua fakapotopoto mai ma kua tumu lele kua fakatau tūfēke; oi lea vē muamua atu ai ia Iehu ki ona hoko, “Koutou ke fakaeteete i te mea fakafefete a te kau Falehaio — te fakagutugutulua o ki lātou.

Mataio 25:40

Ma ka tali vē atu te Tupu ki ei, ‘E takutino atu e au ki a te koutou: ho he taimi lava na koutou faia ai te mea tēnei ki hētahi o ki lātou nei oku uho e pito hili te fakaalofa, na koutou faia te mea tēnā ki a te au!’

Mataio 5:46

Auā kāfai koutou e alolofa oioti ki nā tino e alolofa atu ki a te koutou, he ā te ka maua tauanoa ai he koutou taui? E pa foki lava ki nā aolāfoga e fai e ki lātou te mea tēnā!

Mataio 23:13

“Kae hāloa la koutou nā faiakoga o te Tūlāfono ma te kau Falehaio! Ko koutou ni tino fakagutugutulua. E koutou tapunia te faitotoka ki te Mālō o te lagi ki tagata, ka ko koutou e hē mafai ke olo ki loto, ma e hē koutou fakataga foki nā tino e taumafai ke olo ki loto.

Mataio 6:9

E vēnei la kāfai koutou e tatalo: ‘To mātou Tamana i te lagi: Ke tapu tō igoa.

Epelu 2:1

Ko te mea ia e tatau ai ke tāofi mau ki tātou ki te meamoni kua fakalogo ki tātou ki ei, kae ke nahe tāfea kehe mai ai ki tātou.

Epelu 11:26

I te manatu o Mohe, ko te maua o ia i nā fakahāuāgia ona ko te Mehia, e hili lele atu te tāua i lo nā koloa uma i Aikupito, auā nae kikila tahi lava ia ki te taui e ia maua i te lumanaki.

Mataio 16:27

Auā kua tāli hau te Ataliki o te Tagata i te mamalu o tona Tamana ma ana agelu, ka ia kavatua te taui ki tagata tau tokatahi e tuha ai ma a lātou gāluega nae fai.

Gāluega 3:12

Kua kitea atu e Petelu nā tino, oi lea vē atu ai ki ei, “Oku uho Ihalaelu, he ā te tēteki ai koutou i te mea tēnei, ma he ā foki te kikila vēnā mai ai outou mata ki a te ki māua? E vēake koutou ko he mana e o ki māua lava, pe ko ki māua e lelei i te kikila a te Atua, te na mafai ai e ki māua oi fakahavali te tino tēnei?