Mataio 5:5 - Tokelauan New Testament

⁵ Amutia nā tino e loto maulalo; auā ka maua e ki lātou nā fakamanuiaga kua uma te folafola mai e te Atua!

Mataio 5:5 Referans Kwoze

Iakopo 3:13

Ko ai te tino o koutou e poto ma mālamalama? E tatau ke ia fakamāoniagia e ala i tona ōlaga lelei, ma ana gāluega lelei e fai i te loto maulalo ma te poto.

Kalatia 5:23

te loto maulalo, ma te loto pūlea. E hēai he tūlāfono e teteke ki nā mea vēnei.

Iakopo 1:21

Ko te mea ia e tatau ai ke tīaki e koutou nā āmio mātagā ma nā uiga kino uma, kae talia ma te loto maulalo te kupu kua uma te ia totōagia i outou loto ke maua ai e koutou te fakaolataga.

Kolohe 3:12

Ko koutou ko nā tino o te Atua; na alofa atu te Atua ki a te koutou, ma na ia filifilia koutou ke fai mo ia. Ko te mea ia e tatau ai koutou ke kokofu i te tīgā alofa, agalelei, loto maulalo, agamalū ma te onohai.

Mataio 11:29

Kave taku amo oi tuku ki outou luga ma fakatakitaki mai ki a te au, auā ko au e agamalū ma loto maulalo; ma maua ai e koutou he mapu.

Efeho 4:2

Ke maua pea koutou i taimi uma i te lotomaulalo, te agamalū, ma te onohai. Fakaali te koutou alofa e ala i te talia o nā uiga o tētahi e tētahi.

1 Petelu 3:15

Kae ifo atu ma outou loto kātoa ki a Keliho ko ia te Aliki. Nonofo hāuni i taimi uma ke tali atu ki ho he tino e lea atu ke fakamālamalama ake ki a te ki lātou te fakamoemoe kua ia te koutou.

Tito 3:2

Lea ki ei ke nahe ki lātou tautatala i ni kupu kino ki ho he tino, kae ke nonofo fīlēmū ma fealofani, ma ke fakaaloalo ki tagata uma.

1 Petelu 3:4

Kae ko te aulelei o koutou, e tatau ko nā mea e moni i loto lava o koutou, te aulelei e hē teka lele o te agaga agamalū ma fīlēmū. Ko tēnei te mea e hili atu te tāua i te kikila a te Atua.

1 Timoteo 6:11

Kae e vē la ki a te ko koe, ko koe ko he hui e o te Atua. E tatau la koe ke kalo kehe ma nā mea uma iēnei, kae tauivi mo te āmiotonu, te fakatuatua, te fakamāoni, te alofa, te onohai, ma te agamalū.

2 Timoteo 2:25

e fakatonu mālie atu ki nā tino e fīnau mai. Ka ono tuku atu e te Atua ki a te ki lātou te avanoa ke halamō ai, ma ki lātou iloa ai te meamoni,

Loma 4:13

I te folafolaga e te Atua ki a Apelaamo ma ona lāpuna ko te lalolagi ka e o ia, e hēki ia faia te mea tēnei ona ko Apelaamo nae uhitaki ki te Tūlāfono, kae ona nae talitonu, ma na fakaleleia ai te va o ia ma te Atua.

Mataio 21:5

“Lea ki te kakai o Hiona, Kikila, ko te koutou tupu e hau ki a te koutou! E loto maulalo ma e tiketike i luga o he āhini ma luga o he punua āhini poa, te punua a he āhini.”