Mataio 5:3 - Tokelauan New Testament

³ “Amutia nā tino e ki lātou iloa to lātou mātitiva i nā mea tau ki te Atua; auā e o ki lātou te Mālō o te lagi!

Mataio 5:3 Referans Kwoze

Luka 18:14

Kua vāgana atu ia Iehu, “E lea atu au ki a te koutou, ko te aolāfoga kae hē ko te Falehaio te tino e hako i mua o te Atua i te fanoga ki tona fale. Auā ko nā tino e loto fakamaualuga, ka fakamaulalogia! Ka ko nā tino e lotomaulalo, ka fakaeke ki luga ma kavea ma tagata takutakua.”

Iakopo 2:5

Fakalogo mai koutou te kau uho pele! Na filifilia e te Atua nā tino mātitiva o tēnei lalolagi ke mau koloa i te fakatuatua, ma ke fai mo ki lātou te Mālō o te Atua, tēia kua folafola e ia mo ki lātou e alolofa ki a te ia.

Luka 11:28

Ka kua tali atu ia Iehu, “Io, kae amutia la nā tino e fakalogo ki te kupu a te Atua, ma uhitaki ki ei!”

Mataio 11:25

I te taimi tēnā, na lea vē ake ai ia Iehu, “Te Tamana, te Aliki o te lagi ma te lalolagi! Ko au e fakafetai atu ki a te koe auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia.

Luka 4:18

“Ko te Agaga o te Aliki e i luga o oku, auā kua ia fakaukua au, ke tālakia te tala lelei ki nā tino mātitiva. Kua ia uga maia au ke folafola te fakahaolotoga o tagata e nonofo haihaitia ma te fakapupulaga o mata o tāuaho, ke fakahaoloto nā tino e fai kino ki ei ia tagata,

Maleko 10:14

Kua kitea atu e Iehu te mea tēnei, oi tīgā ai tona loto ma lea vē atu ki ona hoko, “Tuku nā tamaiti ke ōmamai ki a te au nahe vavaoa, auā ko te Mālō o te Atua e mo ki lātou e vē ko ki lātou iēnei.”

Mataio 13:16

“Kae ko koutou, amutia koutou! E kitea e outou mata ma lagona e outou taliga.

Iakopo 1:12

Amutia nā tino e onohai i nā taimi o tofotofoga, auā kāfai e manumālō ki lātou i nā tofotofoga vēnei, ka ki lātou maua te taui, ko te ola tēia kua uma te folafola e te Atua mo nā tino e alolofa ake ki a te ia.

Ioane 20:29

Kua vāgana atu ia Iehu ki a te ia, “Ko koe kua talitonu ona kua kē kiteagia au? Amutia nā tino e talitonu kae hē ki lātou kitea au!”

Mataio 24:46

Amutia te kaukauna tēnei kāfai e maua mai e tona matai, koi galue lava i tona tofi na tuku ki ei!

Iakopo 1:10

ma ko nā tino Kelihiano maukoloa, e tatau ke fiafia kāfai ki lātou e fakamātitiva e te Atua. Auā ko nā tino maukoloa ka mou kehe atu e vē ko tiale o lākau o te vao.

Fakaaliga 22:14

Amutia nā tino e ufi mamā o lātou kofutatao kae ke maua e ki lātou te aiātatau ke kakai ai ki te fua o te lākau o te ola, ma ulu atu ki loto o te kakai kui i nā faitotoka.

Fakaaliga 19:9

Oi lea mai ai te agelu ki a te au, “Tuhi te mea tēnei ki lalo: Amutia ki lātou kua uma te valakaulia ki te kaiga o te fakaipoipoga a te Punuamāmoe.” Kua toe lea mai vē te agelu, “Ko nā kupu moni iēnei a te Atua.”

Mataio 25:34

Oi ka lea atu ai te Tupu ki nā tino i tona itū taumatau, ‘Ōmamai, koutou iēnā kua fakamanuiagia e toku Tamana! Ōmamai oi fai mo koutou te tofi ki te mālō, kua uma te hāunia mo koutou, mai te kāmataga o te lalolagi.

Mataio 11:6

Amutia nā tino e hē māhalohalo mai ki a te au!”

Mataio 8:11

E lea atu au ki a te koutou, e tokalahi ki lātou ka ōmamai mai hahae ma hihifo oi nonofo fakatahi ki lalo ma Apelaamo, Ihaako ma Iakopo i te kaiga lahi i te Mālō o te lagi.

Mataio 3:2

Kua lea vē atu, “Liliu kehe mai autou agahala, auā ko te Mālō o te lagi kua tafapili mai!”

Mataio 19:14

Kua vāgana atu ia Iehu ki ona hoko, “Tuku nā tamaiti ke ōmamai ki a te au, nahe vavaoa, auā ko te Mālō o te lagi e mo ki lātou e vē ko ki lātou iēnei.”

Luka 22:29

ma e vē oi tuku mai e toku Tamana ki a te au te avanoa ke pule ai, ka vēnā foki oi tuku atu e au ki a te koutou te avanoa tēnā,

Luka 22:30

kae ke mafai ai koutou ke kakai ma inu fakatahi ma au i toku Mālō, ma nonofo i luga o nā nofoāliki, ke pūlea ai e koutou nā puikāiga e hefululua o Ihalaelu.

Fakaaliga 3:17

E lea koutou, ‘Ko au e maukoloa ma tūtūlelei; kua hē toe i ei he mea e fofou au ki ei.’ Kae e hē koutou iloa te kino lele ma te fakaalofa o koutou! Ko koutou e mātitiva, e hē lavalavā ma e tāuaho.