Mataio 5:14 - Tokelauan New Testament

¹⁴ “Ko koutou e vē ko he mōlī mo tagata uma o te lalolagi. Ko he kakai e fau i luga o he mauga, e hē mafai ke hē kitea.

Mataio 5:14 Referans Kwoze

Filipi 2:15

kae ke hē taku hehē ai koutou ma mamā kātoatoa, koutou te fānau a te Atua e nonofo i he lalolagi o tagata āmio pikopiko ma agahala. E tatau koutou ke huhulu atu e vē ni fetu pupula e māinafia ai te lagi,

Ioane 8:12

Kua toe vāgana atu ia Iehu ki te kau Falehaio, “Ko au ko te mōlī mo tagata uma o te lalolagi. Ko te tino e mulimuli mai ki a te au, ka hē havali lele i te pōuli, kae ka maua e ia te mālamalama e takitakia ai ki te ola moni.”

1 Tehalonia 5:5

Ko koutou uma lele ni tino e o te mālamalama, ni tino e o te ao. Ko ki tātou e hē ni tino e o te pō, pe o te pōuliuli.

Ioane 12:36

Talitonu la ki te mālamalama ka koi ia te koutou, kae ke kavea ai koutou ma tagata o te mālamalama.” Kua uma atu nā kupu iēnei a Iehu, oi fano kehe ai ma kinā, kua fano oi mumuni ke hē iloa ia e ki lātou.

2 Kolinito 6:14

Koutou nahe taumafai ke gālulue kau fakatahi ma nā tino hē talitonu, auā e hē mafai he mea vēnā ke fai. E vēhea ona mafai ke kau fakatahi te āmiotonu ma te āmiokino? E vēhea ona mafai ke nonofo fakatahi te ao ma te pō?

Ioane 5:35

Ko Ioane nae vē ko he mōlī e mumū ma huhulu atu, ma nae fiafia koutou i he vāitaimi, ki tona mālamalama.

Fakaaliga 1:20

Ko tēnei te uiga lilo o nā fetu e fitu e kitea e koe i toku lima taumatau, ma nā tugāmōlī aulo e fitu; ko nā fetu e fitu ko nā agelu ia o nā Ekalehia e fitu, ma ko nā tugāmōlī e fitu ko nā Ekalehia iēnā e fitu.

Ioane 9:5

Ka koi i te lalolagi au, ko au ko te mālamalama o te lalolagi.”

Fakaaliga 2:5

Māfaufau ki te lahi o te agahala kua pakukū koutou ki ei. Liliu kehe loa lava mai autou agahala, ma fai nā mea nae koutou faia muamua. Kāfai koutou e hē liliu kehe mai autou agahala, ko au ka fanatu oi kave kehe te tugāmōlī a koutou mai te mea e tū ai.