Mataio 4:25 - Tokelauan New Testament

²⁵ Ma na mulimuli ki a te ia ni kaifenua e tokalahi mai Kalilaia, mai nā Kakai e Hefulu, mai Ieluhalema ma Iutea, vēnā ma te kogāfenua i tētahi itū o te Iolitana.

Mataio 4:25 Referans Kwoze

Luka 6:17

Kua fanaifo ia Iehu mai te mauga fakatahi ma te kau apohitolo, oi tū ai i he mea laugatahi ma he vāega tokalahi o ona hoko, fakatahi ma he kaifenua e tokalahi na ōmamai mai Iutea ma Ieluhalema, ma nā kakai tū matāfaga ko Tulo ma Haitonu;

Maleko 5:20

Oi fano ai te tamāloa kua kui atu i nā Kakai e Hefulu ma takutaku atu ki ei nā mea na fai e Iehu mo ia. Na ofo lele ai ki lātou uma na fakalogo ki ei.

Maleko 7:31

Na tukua e Iehu te kogāfenua o Tulo, kae toe foki ki te Vaitūloto ko Kalilaia kui atu i Haitonu ma nā kogāfenua o nā Kakai e Hefulu.

Luka 6:19

Ko nā tino uma lele, nae taumafai ke pa atu o lātou lima ki a Iehu, ona ko te mana nae fano ki fafo mai ia te ia, na fakamālōlō uma ai ki lātou.

Maleko 6:2

Kua pa ki te Hāpati oi kāmata ai kua akoako atu ia Iehu i te hūnako. Nae tokalahi nā tino nae i ei; i te ki lātou lagonaga o nā akoakoga a Iehu, na taufai ofo uma ma fehili vē, “Ko fea nei te na maua mai ai e te tagata nei iēnei mea uma? He poto vēhea tēnei kua ia mauagia? E vēhea nei te faiga o ana vāvega?

Mataio 19:2

Kua mulimuli atu ki a te ia te tokalahi o tagata, oi fakamālōlō ai ki lātou e ia i kinā.

Mataio 12:15

Kua iloa e Iehu nā taupulepulega kua fai agai ki a te ia, oi fano kehe ai loa ma te koga tēnā; kua taumulimuli atu foki ki a te ia he kaifenua e tokalahi, oi fakamālōlō ai e ia nā tauale uma lele,

Mataio 8:1

Kua fanaifo ia Iehu mai luga o te mauga, oi mulimuli atu ai ki ei he kaifenua e tokalahi.

Mataio 5:1

Kua kitea atu e Iehu te kaifenua oi fano ai ki luga o he mauga. Kua nofo ki lalo i kinā, oi ōmamai ai nā hoko o ia ki ona tafa.

Mataio 4:15

“Te fenua o Hepulona ma te fenua o Nafatali, i te auala ki te tai, i tētahi itū o te Iolitana, Kalilaia te fenua e nonofo ai ia tagata nukukehe!