Mataio 4:24 - Tokelauan New Testament

²⁴ Kua halalau te tala e uiga ki a Iehu ki nā itū uma o te fenua ko Hulia, ma na ōmamai ai ia tagata ma kaumai ki a te ia nā tino e maua i nā itūkāigā tauale kehekehe; nā tino e ulufia e tēmoni, nā tino tauale tete ma nā tino e mate iētahi o lātou itū — kua fakamālōlō uma ki lātou e Iehu.

Mataio 4:24 Referans Kwoze

Mataio 17:15

ma lea vē atu, “Te Aliki, alofa mai ko ki toku ataliki auā e maua i te tauale tete ma e tīgāina lahi lele. Kāfai e oho tona tauale, e tete lahi lele tona tino oi e māhani pakū ki loto o te afi pe ki loto o te vai.

Mataio 8:6

“Te Aliki, ko taku kaukauna e takoto i te fale e tauale, e mate tētahi ona itū, ma e tīgāina lahi lele.”

Luka 5:15

Kae kua fakaatili ai te halalau o te tala ki a Iehu. Oi holo mai ai te tokalahi o tagata ke fakalogologo ki a te ia, ma ke fakamālōlō ki lātou, mai o lātou tauale.

Luka 2:2

Ko te tuhigāigoa muamua lava tēnei, ma na fakataunuku i nā aho nae kōvana ai ia Kulenio i Hulia.

Mataio 17:18

Oi fai ai te fakatonuga a Iehu ki te agaga kino, ma na fano ai loa te tēmoni ki fafo o te tamaiti. I te taimi lava tēnā na mālōlō ai te tamaiti.

Mataio 15:22

Oi hau ai te fafine Kanana e nofo i te kogāfenua tēnā, e tagi ma kalaga vē atu ki a Iehu, “Te Aliki! Te Ataliki o Tavita, alofa mai ko ki a te au. Ko taku tama teine e ulufia e he tēmoni oi e i he tūlaga kino lahi lele.”

Mataio 12:22

Oi kaumai e ni tino ki a Iehu he tamāloa e tāuaho ma gūgū, ona e ulufia e he tēmoni. Kua fakamālōlō e Iehu te tamāloa, ma na mafai ai te tamāloa ke tautala ma kitea e ona mata.

Gāluega 10:38

Kua koutou iloa te tala ki a Iehu te Nahaleta, i te liligi ifoga e te Atua ki ona luga te Agaga Paia ma te mana. Na fano ki nā koga kehekehe, ma ia faia nā gāluega lelei ma fakamālōlō ki lātou nae i lalo o te pule a te Tiāpolo, ona nae fakatahi te Atua ma ia.

Gāluega 15:23

oi uga ai ma te tuhi e vēnei: “E fakafeiloaki atu outou uho i kinei, te kau apohitolo ma toeaina vēnā ma te Ekalehia kātoa, ki a te koutou o mātou uho tagata nukukehe uma e nonofo i Anitioka, i Hulia ma Kilikia.

Maleko 2:3

kae taunuku mai nā tamāloa e toka fa, e hiki mai he tamāloa e mate tona tino kātoa, ki a Iehu.

Maleko 1:32

I te afiafipō kua goto te la, na kaumai ai e ki lātou ki a Iehu nā tauale uma lele ma nā tino e ulufia e nā tēmoni.

Mataio 4:23

Kua fano ia Iehu ki nā koga uma o Kalilaia oi akoako ki tagata i loto o nā hūnako, ma tālaki atu te Tala Lelei e uiga ki te Mālō o te Atua, ma fakamālōlō nā tino e maua i nā itūkāigā tauale kehekehe.

Gāluega 15:41

Oi fano ai kui atu i Hulia ma Kilikia, ma fakamālohi ki tagata i nā Ekalehia.

Luka 4:14

Oi toe foki ai ia Iehu ki Kalilaia, ma nae fakatahi ma ia, te mana o te Agaga Paia. Kua halalau foki te tala e uiga ki a te ia, ki te kogāfenua kātoa tēnā.

Maleko 1:28

Oi kua vēnā te halalau vave o te tala ki a Iehu, ki nā pitonuku uma lele o Kalilaia.

Mataio 14:1

Ko te taimi tēnā, na logotala ai ia Helota te tupu o Kalilaia ki nā mea ofoofogia a Iehu nae fai.

Ioane 10:21

Kae ko iētahi na lea vē, “E hē ni kupu iēnei e tautala ai he tino e ulufia e he tēmoni! E mafai vēhea e he tino e ulufia e he tēmoni, oi toe fakapupula nā mata o nā tino tāuaho?”

Mataio 9:35

Kua fano ia Iehu oi āhiāhi tāmilo ki nā kakai ma nā nuku uma. Na fai ana akoakoga i loto o nā hūnako, tālaki atu te Tala Lelei e uiga ki te Mālō o te Atua, ma fakamālōlō ia tagata e maua i nā tauale kehekehe.

Mataio 9:26

Kua halalau foki ki itū uma o te kogāfenua tēnā, te tala ki te mea tēnei.

Mataio 8:28

Kua pa atu ia Iehu ki tētahi itū o te vaitūloto ko Kalilaia, ki te kogāfenua e igoa ko Katala i tētahi itū o te vaitūloto, oi fakafetaui atu ai ki ei ni tamāloa e toka lua na ōmai i nā tugamau i te fenuatanu i kinā. Ko te toka lua tēnei nae ulufia e ni tēmoni ma nae fakamātakutaku lele oi nae hēai lele foki he tino nae toe fia kui i te auala tēnā.

Mataio 8:33

Ko nā tino nae kikilagia nā puaka, kua fētutuli ki te kakai ma taku ki tagata te mea na tupu kinā taulelea nae ulufia e nā tēmoni.

Maleko 2:4

Kae ona ko te tumu o te kaifenua, kua hē mafai ai ke hao atu te tauale ki a Iehu. Oi fakapu loa e ki lātou te tuākaukau o te fale, i luga tonu lava o te mea e i ei ia Iehu. Kua uma te fakapu oi tukutuku ifo ai e ki lātou te tamāloa ki lalo, e takoto i luga o tona moega.

Maleko 2:9

Tēfea te mea e faigōfie, ko toku lea ki te tino e mate tona tino kātoa, ‘Ko au agahala kua fakamāgalo,’ pe ko toku lea, ‘Tū ki luga, hiki tō moega, ma havali?’

Luka 4:38

Kua fano kehe ia Iehu mai te hūnako, oi fano ai ki te fale o Himona. Ko te mātua o te āvaga a Himona, e tauale i te fiva maualuga, oi fakataumuna ai ki lātou ki a Iehu e uiga ki te fafine.

Luka 5:24

Ka kō fakamāonia atu la ki a te koutou, e i te Ataliki o te Tagata te pule i te lalolagi, ke fakamāgalo ai nā agahala.” Oi vāgana atu ai ki te tamāloa e mate tona tino kātoa, “Ko au e lea atu ki a te koe, tū ki luga, hiki tō moega ma fano ki tō kāiga!”

Gāluega 8:7

Na taukekē nā agaga kino ma olo ki fafo mai ni tino e tokalahi, ma e tokalahi foki nā tino e mate ni itūtino ma nā pipili, na fakamālōlōgia.

Luka 7:17

Kua halalau te tala tēnei ki a Iehu, ki Iutea kātoa, vēnā foki ma nā fenua e tuākoi ki ei.

Gāluega 28:9

I te tupuga o te mea tēnā, oi ōmamai ai nā tino tauale uma i te fenua, ma na fakamālōlō uma ki lātou e ia.