Mataio 4:23 - Tokelauan New Testament

²³ Kua fano ia Iehu ki nā koga uma o Kalilaia oi akoako ki tagata i loto o nā hūnako, ma tālaki atu te Tala Lelei e uiga ki te Mālō o te Atua, ma fakamālōlō nā tino e maua i nā itūkāigā tauale kehekehe.

Mataio 4:23 Referans Kwoze

Mataio 9:35

Kua fano ia Iehu oi āhiāhi tāmilo ki nā kakai ma nā nuku uma. Na fai ana akoakoga i loto o nā hūnako, tālaki atu te Tala Lelei e uiga ki te Mālō o te Atua, ma fakamālōlō ia tagata e maua i nā tauale kehekehe.

Maleko 1:39

Oi malaga atu ai ia Iehu ki nā koga uma o Kalilaia ma tālaki atu te Tala Lelei i loto o nā hūnako, ma tuli ki fafo nā tēmoni.

Gāluega 10:38

Kua koutou iloa te tala ki a Iehu te Nahaleta, i te liligi ifoga e te Atua ki ona luga te Agaga Paia ma te mana. Na fano ki nā koga kehekehe, ma ia faia nā gāluega lelei ma fakamālōlō ki lātou nae i lalo o te pule a te Tiāpolo, ona nae fakatahi te Atua ma ia.

Luka 7:22

Oi tali atu ai ia Iehu ki a te ki lāua, “Olo oi taku ki a Ioane, nā mea kua kikila ma fakalogo koulua ki ei: kua pupula ia mata o tāuaho, kua havavali nā tino e hē kātoatoa nā itūtino, kua fakamamāgia ki lātou e maua i nā tauale kino o te kili, kua logo ia taliga o nā tutuli, kua toe fakatutū nā tino oti, ma ko te Tala Lelei kua folafola ki tagata mātitiva.

Mataio 11:5

kua pupula ia mata o tāuaho, kua havavali ia pipili, kua fakamamāgia ki lātou e maua i nā tauale kino o te kili, kua logo ia taliga o tutuli, kua toe fakaola nā tino oti, ma ko te Tala Lelei kua folafola ki tagata mātitiva.

Mataio 13:54

kua toe foki ki tona nuku. Na akoako e ia ia tagata i loto o nā hūnako, oi na ofo lele ai ki lātou uma na fakalogo ki ei ma fehili ai vē, “Ko fea nei te na maua mai ai e te tagata nei tēnei poto? Na mafai vēhea foki e ia oi fai nā vāvega?

Maleko 1:21

Kua taunuku atu ki lātou ki Kapenaumi, ma i te Hāpati na hohoko ai, na fano ai ia Iehu ki te hūnako ma akoako atu ki tagata.

Loma 10:15

Ma, e mafai vēhea ke folafola te fekau, pe kāfai e hē uga atua nā kavefekau? E vē oi lea mai te tuhituhiga paia, “Kai te gali o te haeleele mai o nā kavefekau e folafolagia te tala lelei!”

Luka 8:1

I he taimi mulimuli ake, oi fano ai ia Iehu kua kui atu i nā kakai ma nā nuku, oi tālaki atu te Tala Lelei e uiga ki te Mālō o te Atua. Na olo fakatahi ma ona hoko e toka hefululua,

Maleko 6:2

Kua pa ki te Hāpati oi kāmata ai kua akoako atu ia Iehu i te hūnako. Nae tokalahi nā tino nae i ei; i te ki lātou lagonaga o nā akoakoga a Iehu, na taufai ofo uma ma fehili vē, “Ko fea nei te na maua mai ai e te tagata nei iēnei mea uma? He poto vēhea tēnei kua ia mauagia? E vēhea nei te faiga o ana vāvega?

Mataio 24:14

Ma ko te Tala Lelei tēnei e uiga ki te Mālō o te Atua, ka tālaki atu ki te lalolagi kātoa ke fai ma fakamāoniga ki mālō uma oi fātoā pa mai ai loa te gataaga.

Mataio 12:9

Kua tukua e Iehu ia kinā, ma kua fano ki he hūnako,

Ioane 18:20

Kua tali atu ia Iehu, “Ko au e tautala pea lava i mua o tagata; ma ko aku akoakoga e fai lava i loto o nā hūnako ma loto o te Mālumalu, nā mea e fakapotopoto ki ei nā tino Iutaia uma. E hēai he mea kua lea ai au, e mumunia i nā tino.

Luka 13:10

Ko Iehu nae akoako atu i hētahi hūnako, i te Hāpati.

Luka 9:11

I te lagonaga e nā tino te mea tēnei, oi mulimuli atu ai ki lātou ki a te ia. Na talia fiafia e ia te kaifenua, oi tautala atu ai ki ei e uiga ki te Mālō o te Atua, ma fakamālōlō ki lātou nae fia mālōlō mai o lātou tauale.

Luka 5:17

I tētahi aho nae akoako atu ai ia Iehu, kae nonofo ma fakalogologo mai ki ei ni Falehaio ma ni faiakoga o te Tūlāfono (na ōmamai i nā kakai uma o Kalilaia ma Iutea, vēnā ma Ieluhalema); ma nae ia te ia te mana o te Aliki ke fakamālōlō ai nā tauale.

Maleko 6:6

Ma na ofo lele ia Iehu ki te hē fakatuatua o tagata. Oi fano ai ki nā nuku i te kogāfenua tēnā, ma akoako atu ki tagata.

Maleko 3:10

E tokalahi nā tino na ia fakamālōlōa, ko te mea foki ia na fakatau tūfēke ai nā tino tauale uma, kae ke mafai oi paki atu o lātou lima ki a te ia.

Maleko 1:14

Kua i te falepuipui ia Ioane, kae fanatu ia Iehu ki Kalilaia oi tālaki atu te Tala Lelei mai te Atua.

Gāluega 20:25

“Kua uma toku pa atu ki a te koutou uma ma folafola atu e uiga ki te Mālō o te Atua, ma e iloa e au e hēai lele he tino o koutou ka toe kikila mai ki a te au.

Gāluega 18:4

Nae fai ana talatalanoaga i te hūnako i nā Hāpati takitahi uma, i ana taumafaiga ke talitonu nā tino Iutaia ma nā tino Eleni ki nā mea e akoako ake ai ki lātou e ia.

Ioane 6:59

Na lea ia Iehu i nā mea iēnei, i tana akoakoga nae fai i loto o te hūnako i Kapenaumi.

Luka 10:9

fakamālōlō nā tauale i te kakai tēnā, ma lea vēnei kinā tino uma i kinā, ‘Ko te Mālō o te Atua kua tāli pa mai ki a te koutou.’

Luka 6:17

Kua fanaifo ia Iehu mai te mauga fakatahi ma te kau apohitolo, oi tū ai i he mea laugatahi ma he vāega tokalahi o ona hoko, fakatahi ma he kaifenua e tokalahi na ōmamai mai Iutea ma Ieluhalema, ma nā kakai tū matāfaga ko Tulo ma Haitonu;

Mataio 14:14

Kua fanake ia Iehu ki gāuta mai te vaka, oi ia kitea atu ai te tokalahi o te kaifenua. Na tumu tona loto i te alofa ki a te ki lātou, ma fakamālōlō ai e ia nā tino o ki lātou nae maua i nā tauale.

Mataio 13:19

Ko nā tino e ki lātou lagona te fekau e uiga ki te Mālō o te Atua kae hē mālamalama lelei e uiga ki ei, e fakatuha ki lātou ki nā fatu haito na pakukū ki luga o te auala. E hau ia Hātani oi hamu kehe nā mea na totō ki o lātou loto.

Mataio 3:2

Kua lea vē atu, “Liliu kehe mai autou agahala, auā ko te Mālō o te lagi kua tafapili mai!”

Ioane 7:1

Kua uma atu te mea tēnei, oi femalagaaki ai ia Iehu i loto o Kalilaia; e hēki fofou ke fano ki Iutea, auā ko ia e hakili e nā takitaki o Iutaia i kinā, ke tāmate.

Luka 20:1

I tētahi aho, e akoako atu ia Iehu ki tagata i loto o te Mālumalu ma folafola atu te Tala Lelei, kae ōmamai ki a te ia te kau ohitāulaga hili, nā faiakoga o te Tūlāfono ma te kau toeaina

Luka 4:14

Oi toe foki ai ia Iehu ki Kalilaia, ma nae fakatahi ma ia, te mana o te Agaga Paia. Kua halalau foki te tala e uiga ki a te ia, ki te kogāfenua kātoa tēnā.

Luka 6:6

I tētahi Hāpati, na fano ai ia Iehu ki loto o te hūnako ma akoako atu ki tagata. Nae i loto i kinā he tamāloa nae mate tona lima taumatau.

Luka 7:21

I te taimi tēnā, na fātoā uma te fakamālōlō e Iehu o nā tino e tokalahi mai nā tauale, nā fāmai pēhi, nā agaga kino, ma fakapupula nā mata o nā tāuaho e tokalahi.

Luka 9:60

Kua tali atu ia Iehu, “Tuku vē nā tino oti ke tanu e ki lātou o lātou lava tino oti. Ka ko koe, fano oi tālaki atu ki tagata te Mālō o te Atua.”

Luka 16:16

“Ko nā Tūlāfono a Mohe ma nā tuhituhiga a te kau pelofeta, nae fakaaogā lava ke pa ki nā aho o Ioane te Papatiho; na kāmata mai i te taimi tēnā, te folafolaga o te Tala Lelei e uiga ki te Mālō o te Atua, ma kua taumafai ia tagata uma ke olo fakamālohi ki te mea e pule ai te Atua.

Gāluega 28:31

Nae folafola atu e ia te fekau e uiga ki te Mālō o te Atua ma akoako atu e uiga ki te Aliki ko Iehu Keliho, i he agaga hē mataku ma haoloto.